السؤال

قبل 2 شهر (11 اجابه)
11 اجابه

اكتشفت خيانه زوجي بعد زواجنا

اكتشفت خيانه زوجي بعد زواجنا

اكتشفت خيانه زوجي لي بعد جوزنا باربع شهور فقط وبمحض الصدفه عن طريق التليفونه لاحظت انه يراسل فتاه او اكثر علي مواقع التواصل المختلفه وعلي رغم باني علي قدر كبير من الجمال والحمدالله وايضاً الثقافة والتعليم ولقد تركت وظيفتي لسفر معاه ايضا وقتها لم اعلم ماذا افعل لاني كنت حامل وكانت معامله ليا لطيفه لكن كان في نار بداخلي قلت اصبر يمكن تكون تسليه واتابع حياتي لكن العجيب انه كان بيكلمها وبعد ذلك يعزمني علي العشاء كميه كدب غريبه كنت مستغربه ازاي بيكلمهم وبيكلم عليا معاهم كأني عبء ثقيل وفي نفس الوقت يكلمني بالطف صبرت الي اسبوع قبل وضعي للطفلي واجهته بكل شيء بالتليفون تهرب وقال ما فيش الكلام دا كله اوهام من مخي سكت ولقيته لسه مكمل في محدثات مع الفتيات واجهته بغضب جامح وعدم محادثتي له ليومين ..كان رد فعل انه تاسف وقالي انتي السبب وانا كنت بتسلي مش اكتر وادي لاب توب والتليفون ومسح كل حاجه وانا اعتقدت بسذاجته ان الموضوع انتهي بعد ولادتي فجاءت بانه غير جميع الأرقام السريه وبكل بحاجه انتي عايزه تتجسسي عليا مره تانيه انا قولتلك اني خلاص توبت ومش هتسلي تاني بس تليفوني دي حاجتي شخصيه انا عمري ما طلبت تليفونك ولا شفته ..المهم كبرت دماغي وبعد سنتين وبالصدفه ايضا لقيتو بيتحدث مع بنات عن طريق برنامج اسمه تندر معروف للتعارف والخيانه الزوجيه والي نستغربه كمان انهم بنات فعلا شكلهم مش حلو تماما ...مش عارفه اعمل ايه تاني معاه هتخانق اسيب البيت انا في غربه وشغلي راح ..انا بدور علي شغل تاني بقالي فتره وربنا عالم بيا انا مش قادره اكمل ومحدش يقولي علشان خاطر ابنك او يقولي غير في نفسك وعملي وسوي والله انا بعمل كل حاجه وبديله كل الاهتمام بس موءخرا بقيت أشحت منه الكلمه الحلو بلبس حاجات حلو كتيييير بحس كأني مش قدامه اساسا كأنه قاعد مع واحد صاحبه ..خايفه يكون العلاقاته مع البنات دي تطورت اكثر من مجرد كلام علي النت.. أرجو المساعده وحل المشكله

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

سيدتي بداية عليك العودة الى العمل، والاحساس بالثقة أكثر في تأمين حياتك دائما، سواء كانت هناك حاجة أم لا، فالعمل حصاناتنا لمواجهة كل شيء، كما يعلمنا العمل كيف نواجه الاشياء بحكمة أكبر، وحزم وليونة أكثر. هذه احدي الطرق لجعل من أمامنا يفعل ما نريده منه بطوعية عالية. فرض شروطك على الطاولة يراد لها قوة مادية أيضا ومعنوية تكتسبيها من العمل، بالاضافة لما تقومين به الآن وهو الضغط الاخلاقي الذي أحيانا لا ينجح إلا اذا حدث موقف درامي قوي، مثل حادثة أو فضيحة..الخ...وقد تستغربين فقد يصيب الشخص أيضا حالة صحو مفاجئة توقف هذه الممارسات. والى حينه عليك بالاستمرار برفض ذلك، لكن دون اثارة زوابع من المشكلات...لكن باستعمال مفردات مثل تعويض النقص والعيب والشرف وغيره....هل يقبل زوجك ان تفعلي ذلك؟ هل يقبل لاخواته عمل ذلك؟؟؟ موفقة سيدتي في مساعيك للدفاع عن بيتك...

2 شهر

للاسف هو ده الحل الي فكرت فيه وبندم أشد الندم ان تركت شغلي ما كنتش متوقعه ان ده يحصل في اول سنين الجواز ..كان عدم الجواز ارحم ليا من الالم ده.. انا فعلا لو قدرت او ربنا قدرني في الحصول علي وظيفه هيبقي اول حاجه اطلبها الطلاق بالمعروف او الخلع بس اني انتظر واسامح او أعاتب دغمش هيحصل لاني في المره الأولي لما اكتشفت قولتله كل حاجه قولتله إحساسك ايه لو رجعت لاقيتني بكلم حد تاني او بغازل حد علي المواقع او او او ..و واضح ان الكلام لم يؤثر فيه اول مره علشان اكلمه تاني .. للاسف احنا في مجتمع يسمح ويساعد ويعطي الحق للرجل بالخيانه كأنها شيء مكتسب ويبرر له الخيانه بشتي الطرق..انا كنت دايما بتفرج علي الأفلام الخيانه او قصص الخيانه ما هو سبب وليه اساسا اجوز ما تعيش براحتك وصحاب براحتك بس ليه يظلم معاه أسره وبيت وأولاد واكتشفت انه مرض متفشي في المجتمع زيه زي اي فيروس بيصيب الانسان وحلّه هو معالجه بتخلص منه وليس تركه والعيش معه ...علشان كده ربنايقويني ويساعدني واطلب الطلاق وانا قويه وما فيش حاجه تكسرني


قبل 2 شهر

احس بما تمرين به واقول لك للاسف زوجك هذا هو طبعه ولا تخدعي نفسك بانه سيتغير مثلما فعلت نساء قبلك عشن مع رجال خاءنين وظلوا ينتظرن منهم ان يتغيروا فلم يضيعوا الا حياتهن،انشاء الله تجدين عمل حينها اطلبي الطلاق واذا لم تجدي عودي الى اهلك افضل من ان تعيشي مع رجل لايقدرك وربما يرزقك الله بزوج افضل وحتى في اسوا الحالات اذا لم تتزوجي. مرة اخرى تعيشين مرتاحة البال وليس مثلما تعيشين الان في قلق ومرارة وانتبهي ان تنجبي طفلا اخر مادام اسرتك على المحك،انشاء الله ربي يفرج همك

قبل 2 شهر

ابحثي عن عمل في هذا البلد الي انت فيه وركزي على الحصول على اقامة خلال هذه الفترة طنيشه ولا تعبريه وعامليه بالمثل بس اطبخي واعملي شغل البيت عادي حتى تحققي مرادك بعدها ارميه في اي زبالة وعيشي حياتك انت وابنك وربنا يرزقك الي احسن منو ان شاء الله

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه