السؤال

قبل 2 شهر (4 اجابه)
4 اجابه

جاءني اتصال غير مجرى حياتي !

انا شاب مصرى عندى ٣٩ سنه متزوج وعندى ثلاث اولاد مشكلتى بدائت من يوم الزواج من ليله الدخله كنت عايش فى وهم ايام الخطوبه وبعد الجواز كل حاجه اتغيرت مشكلتها انها كانت عيزه تكون زى حماتى هيا المسيطرة فى البيت واحنا مجتمع شرقى ميقبلش بده فبدئت المشاكل والخلافات وكل شويه تغضب وتروح عند اهلها وييجى ناس من اهلها ويعملو قعده عشان المشكله وابويه عشان هوا مثلى الاعلا اى كلمه كان بيقلها كانت سيف علا رقبتى برغم انى مش غلطان لكن كنت بسمع كلامو عمرى مصغرت ابويه فى اى قعده بتنعمل وطول فترة زواجى غضبت عند اهلها حوالى ٦ سنوات متفرقه وفى اول ٢٠١٥كنت جالس مع اصدقائى علا القهوه وجالى اتصال غير مجرا حياتى ان مراتى مشيه مع واحد اتصرفت علا اساس ان الكلام الى سمعتو يحمل الخطاء او الصواب والى عرفت ان مراتى مشيه معاه واحد مراتو صحبه مراتى وعزمتو علا الفطار فى رمضان وطبعا عرفت ابويه بلى حصل المهم فى يوم كنت نايم وصحيت علا معاد شغلى كنت شغال ورديه تانيه لقيت حماتى موجوده عندى فى البيت قعد شوى ولقتها بتقلى انتا مش ناوى تتعدل مع مراتك مردتش احكلها علا المكلمه الى جتلى وقلت انا ليه بيت مقفول عليه اى حاجه تحصل متخرجش من البيت تحكيلى منا زى امك المهم مريحتهاش وسبتهم ومشيت عشان شغلى قبل مروح من الشغل وارجع علا البيت اتصل عليه خالى وقال مراتك روحت مع اهلها وطلبين الطلاق وعيزين مبلغ الى هوا قيمه القيمه ويسيبو العفش والاولاد ابويه قلهم اسبوع والفلوس هتكون جهزه حماتى اتصلت علا ابويه وتقلو خراب البيوت يا عم الحج قلها طيب تعالى انتى وبنتك راحو قعدو مع ابويه وقلهم ابنى جالو اتصال بيقول كزا كزا جابو المصحف وحلفو ان مفيش حاجه حصلت من الكلام ده وعلا اساس الحلفان الى حلفتو ابويه امرنى اجيب مراتى رجعتها تانى يوم اهلها قطعوها وعمها جلها وقلها بكرا عمك يطردك طرده الكلاب علا ابويه وهيا اصلا مبتنزلش عند امى واهلها قطعوها جت تعبت واحتاجت لعمليه عملنا العمليه طيب مين هيخدمها جت صحبتها قعدت خمس ايام بتعملها كل حاجه بعديها بفتره لقيت مراتى بتقلى صحبتى تعبانه وعمله اشعه وعيزانى اروح بيها للدكتور طبيعى كان لازم اوافق راحت ولقيت مراتى بتتصل عليه بتقلى انا رحت مع صحبتى والدكتور قال لازم عمليه حالا وحولهم علا مكان تانى مع العلم المكان الى كانو فيه اى حد بيتحول عليه المهم حولهم علا مكان تانى وراحت مع صحبتها وصحبتها اتصلت علا زوجها عشان يحصلهم ومراتى مكنش ينفع تبات معاها عشان الاولاد والمدارس فجوز صحبتها وصلها عشان تركب من الموقف وهيا بتركب لقت مين فى العربيه اخوها ومراتو بعدها بيومين جالى اتصال ونا متاكد انو من بنت صحبتها بس هيا انكرت انها بنتها بتقلى مراتك خربت بيت صحبتها وصحبتها بقلها شهر غضبانه عند اهلها بسبب مراتك قلتلها يعنى من يومين مكنتش بتعمل عمليه حلفت انها غضبانه عند اهلها من شهر ولا بتكلم مراتى واحكى لابويه وابويه ينيم الموضوع ومن وقتها ونا بنام فى غرفه لوحدى بعدها فى واحد صاحب ابويه كان بييجى عندنا كتير وبيصلح الاجهزه الكهربيه كنا معتبرينو واحد مننا فى يوم مراتى قلتلى انو اتصل وجاى يشرب الشاى معايه ولما جه كل كلامو عايز يوزعنى ونا مش مديلو فرصه ونا الشك دخل قلبى عملت خاصيه التسجيل فى التليفون وقلت بعد ازنكم هدخل الحمام وسبتهم عشان اعرف فى ايه المهم الراجل مشى وهيا قالت هاخد الاولاد وهروح عند ماما راحت ونا قعدت عشان اشوف التسجيل ولقيت مهزله وسمعت ابويه لقيتو بينيم الموضوع تعبت وجتلى جلطه وثعلبه فر راسى من الزعل والحاله النفسيه الى كنت فيها ولما رجعت من المستشفا قعدت عند ابويه وكنت مصدوم من ابويه مثلى الاعلا يقبل لابنو يعيش مع وحده زى كده انا لو معايه فلوس كنت طلقت وفى نفس الوقت مش عايز افضحها عشان الاولاد وقعدتى عند ابويه مكنتش بتكلم مع حد بس اتعرفت علا انسانه جميله هيا السبب انى خفيت بسرعه رجعت فيه الامل انا حبتها ونفسى ارتبط بيها هيا دى امنيتى انا تعبت كتير فى حياتى ياريت يكون عندكم حل

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا صديقي انا اسفه جدا واعذرني على ما ساقول ،ولكن زوجتك تعرف بالضبط من هو زوجها وهي تتصرف مثلما تريد لانها تعرف انه لن يكون لك رد فعل ولا اي تصرف تجاهها ،فهي لا تخافك ولا يهمها ان تعرف عن خياناتها وهي متاكده بانك لن تقوم باي حركه!!!!!! هل قرات رسالتك يا سيدي ؟ها عديت كم مره اتى ذكر ابوك في هذه الرساله انه لامر عجيب !!!!!!!!!!!!!!!!!!!!!!!!!!!!!!!!!!!!!هل هذه المرا تزوجتك ام تزوجت ابوك ؟ واين شخصيتك وكرامتك وقرارك وماذا تريد .على العموم اذا كانت هذه الانسانه الجميله. مناسبه لك فاسال ابوك وتوكل على الله وتزوجها

قبل 2 شهر

في فرق كبير بين بر الوالدين وحياتك الشخصية. جهلنا في الدين ودانا لمصايب. حاول تستقل ماديا وكن رجلا وتصرف بالعقل والمنطق (طبعا مع استشارة أبوك) ولكن اعمل باللي شايفه صح بعد ما تستخير

قبل 2 شهر

حسبي الله و نعم الوكيل يعني هي ا احترمت انك سكتت اول مرة و انك اختصرت الموضوع حتى ما تزيد المشاكل بالعكس تمادت و وصلت فيها انها تكذب بهذا الشكل و تخرب بيت صديقتها

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه