استمرت خياناته حتى وصل لصديقتي

حبيبي تغيرقصتي مو غريبه ومنتشره بمجتمعنا بس انا بدي الحل الها...تزوجت من ابو ولادي وبحبو كتير وما توقعت بحياتي انو يتغير علي لأني مدللته كتير وكنت أحس بحبو وبعد فتره حسيت انو تغير ومتل اي انسانه طبيعيه توقعت انو في صبيه بحياتو بس كذبت حالي لعند ما مسكت تلفونو وقرات مسجات من بنت لزوجي تعبت وكتمت بقلبي بس ما قدرت اكتم اكتر من 5ايام وبعدها صارحتو ...اعتذر وتعب ومرض وكل يوم كنت احس انو ندمان ..وحلفلي الف يمين انو ما رح يرجع يحكي مع اي بنت...صدقت وكملنا حياتنا ونسيت تماما هالمشكله حتى ما في حدا عرف فيها وبعد ما انجبت ابني التاني رجع يراهق ويحكي مع بنات اعرف واطنش احكي بيتي وأولادي اهم شي بحياتيوفي مرات واجهته ونفس الشي يعتذر ويرجع يحكي تعبت منو وبطلت اعطيه اهميه وبعدين رجع يقولي انتي اغلى اشي بحياتي وانا تغيرت فعلا وعمري ما رح ازعلك عشنا سنه من اجمل ايام حياتنا بعدها بلش يتغير خفت كتير وبعدين اكتشفت انو بحكي مع صديقتي تالمت كتير وما زال الالم موجود و مو عارفه كيف احل هالمشكله كيف بدي ابعد عن بيتي واولادي وكيف بدي اعيش معو بكل الالم اللي سببو الي ...