السؤال

قبل 6 شهر (6 اجابه)
6 اجابه

كيف انسى صداقاتي القديمه

انا مراهقة عمرى 16 سنة من ايام الاعدادى وانا عندى اصحاب اتعلقت بيهم رغم عيوبهم وكذبهم وحتى انا مكنتش دايما صريحة معاهم وبعدين اتفرقنا بس انا وواحدة تانية فضلنا مع بعض هى ضعيفة الشخصية عشان كدة كان اى حد يقدر يستفزها ويقولها انتى بتمشى ورا صاحبتك انتى معندكيش شخصية ودلوقتى فى الثانوى اتفرقنا .....بقت كل واحدة فى الشلة مع نفسها بس فجأة اربعة من الشلة اتجمعو ومعاهم صاحبتى دى .....دايما بضايق لما بشوفهم مع بعض بيضحكو لانى بحس انهم بيعملو كدة عشان يضايقونى ....لو سلمت عليهم ومردوش بضايق جدا وممكن ابكى كمان بس دلوقتى بقى الموضوع عادى شوية لانهم بقو يكلمونى عادى بس امبارح شوفت اتنين منهم كلمتهم تقريبا مكانوش واخدين بالهم منى بس انا اضايقت حاسة ان شخصيتى ضعيفة جدا حاسة انهم يقدرو يستفزونى بكل سهولة حتى من غير قصد ....وكمان حاسة انى وحيدة لانى دلوقتى مش قادرة اصاحب او احكى لاى حد اسرارى عشان متعلقش باى حد زى ما اتعلقت بيهم ....انا بس نفسى انهم يكونو عاديين بالنسبالى وانا اصلا مش عايزة ارجعلهم لانى عارفة انهم مش اصحاب بجد انا بس عاوزة اتخلص منهم فى تفكيرى وميفرقوش معايا ومش قادرة اشارك المشكلة دى مع اى حد لانى شايفة ان مفيش حد هيفيدنى من الناس الى حواليا .....يمكن تكون المشكلة دى مش فارقة مع ناس كتير بس بجد هى مشكلة حساسة جدا بالنسبالى ومهمة جدا واتمنى انكو تساعدونى

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

قبل 6 شهر

بسم الله والصلاة والسلام على رسول اللأ أختي الفاضلة.. لا تأخذي الأمر بهذه الطريقة، فأنت ما زلت صغيره وتعتبر هذه الأمور من المحطات التي تمر بها الفتاة او الشاب في هذا العمر. بما انك مقتنعة تماماً بأنهم ليسوا اصدقاء حقيقين، فهذا شي سيساعدك على نسيانهم بسرعة، فكل إنسان محاط بدوائر نجاح او فشل، وبمعنى آخر محاط بأناس إيجابيين وسلبيين، وهنا عليك ان تعرفي هؤلاء وان تختاري الإيجابيين حتى تكوني في دائرة النجاح. إن تركيزك في دراستك وتفوقك سيكون سبباً في إستقطاب مجموعة كبيرة من الفيتات وعليك ان تكوني حذرة في إختيارهن كما ذكرنا. كما اود ان اخبرك بأنك لست ضعيفة الشخصية أبداً بل لانك طيبة وحساسة بنفس الوقت فهذا ما يجعلك تتألمين او تبكين، ويجب ان تعلمي بأن هذه الحياة تريد الشخص القوي الذي يستطيع ان يواجه العقبات التي ستصادفه حتى يتغلب عليها ويصل لأهدافه، ومن هذا المنطلق يجب ان تكون لديك أهداف واضحة للمستقبل إن شاء الله، وبوجود صحبة صالحة ستجدين الأمور أفضل بكثير. وفقكم الله وحفظكم

مشكلتك انك حساسه جدا وتتاثرين بالناس كثيرا . الحياة لا تقتصر على هؤلاء الاصدقاء فقط ، تجنبيهم وانسيهم وعاودي نشاطك وتعرفي على ناس جدد. الحياه ستعلمك ان تواجهي ما يزعجك ولا تنهاري عند اصغر مشكله. انفتحي على العالم ولا تحددي محيطك باربعه اشخاص وتصرفاتهم ، بادري بالتعرف على بنات جدد وانضمي الى نشاطات المدرسه وتطوعي في مختلف الاعمال، كل ذلك سيساعدك في التعرف على صديقات جدد ونسيان الماضي. انت الان في اول تجربه ولكن غدا ستتعلمين الا تحزني، اكملي تعليمك بجد ونشاط وتميزي في مدرستك ليتمنى الكل مرافقتك.

قبل 6 شهر

ابحثي عن صديقات مثلك و بيشبهوك و بيقدروك و بيهتموا فيكي ..و اندمجي فيهم و كوني علاقات معهم ..مش شرط ان الانسان يرتبط بنفس الاصدقاء من الصغر للكبر ..اقتنعي بهذا الشيء و تفائلي دائما انك تجدي صديقات

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه