السؤال

قبل 5 شهر (6 اجابه)
6 اجابه

صديقتي تغارعلي و تهددني بأن ...!!!

عندي صديقة من 5 سنوات.. مشكلتي معها انها بتغار علي من كل شي .. كل ما ادخل صديقة جديدة لحياتي بتعملي مشكلة وبتقولي اني ظالمة وبجرحها وباذيها .. احيانا بمنع حالي ابينلها انه عندي صاحبات تانيات عشان ما ادايقها بس اوقات تانية ما بتحمل هالخنقة الي بتعملي اياها وبصارحها وبقولها انه هالاشي طبيعي ومن حقي يكونلي صاحبات وانه الي هي بتعمله مو طبيعي .. مو قادرة اتحملها كل ما اهرب منها ومن يلي بتعمله .. بتلحقني وبتطلب اضل معها وبس اضل بتعمل نفس المشاكل وبنفس الوقت بتهددني تتركني اذا بضل مع اي صاحبة غيرها ويا ريتها بتفذ هالتهديد .. الي بقهرني وبخليني معها واحس بتانيب الضمير اتجاهها انها بتضل تقولي انه رح ييجي يوم حد يظلمني متل ما بظلمها .. بفكر بيني وبين حالي وبراجع حالي وبقول معقول عم بظلمها ?? ولا المشكلة من عندها ?? مو قادرة افهمها ولا اتحملها ... حطتلي قيود بحياتي مو قادرة استمر فيها لاني مش متعودة اسمح لحد يتدخل بحياتي بهالشكل المبالغ فيه لاني بنخنق وبهرب من هيك ناس.. بس هي بتفرض حالها فرض وكل محاولاتي للهرب منها بتفشل لانها وراي وراي ... مجرد تعليق على الفيسبوك لاي صديقة من صديقاتي او مجرد ترن علي وتلاقي خط مشغول بخليها تسمعني اسوء كلام وتخليني اسوء بنت بالدنيا ومع هيك بكرر بترضاش تبعد عني واذا ببعد بتترجاني اضل وبس اضل بتصير تعمل كل شي لابعد واذا برضاش اضل بحياتها وبصر على اني انسحب وبهدوء بطلعني اني وحدة ما عندي قلب وحقودة وظالمة وبتصير تبكي احيانا ما بضبط حالي معها وبسمعها كلام اسوء من الي بتسمعني اياه لاني بنفجر بس بعدين بندم وبحاسب حالي .. بطلت اطيق احكي معها ولا بتحمل حرف منها لا منيح ولا عاطل !!!! لما اضل معها وما اعمل اشي يدايقها بتستمر انها تقولي انها مش ناسيتلي اشي وقرب موعد انها تتركني وهالحكي من سنين ومليت منه وحفظته ونفسي تعمل فيه لارتاح نفسيا من الضغط الي عاملتلي اياه .. مشااان الله كيف اتعامل مع هالانسانة تعبت منها كتيير وخايفة فعلا تكون المشكلة مني واكوون ظالمتها وبخاف من فكرة انه ييجي بيوم حد يظلمني لهيك دايما بتراجع عن اي تصرف بدايقها بس لايييمتى رح اتحمل هالاشي منها!!!

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا ابنتي اولا الصداقة ليست سيطرة ولا تسلط ولا حكر ولا تسلط، الصداقة علاقة مريحة تعطي صاحبها مساحة من التعبير في جو بعيد عن العائلة مع شخص من عمره ويفهمه. اعتقد ان صديقتك تتصف بالانانية وعدم الاستقرار، وتعاني من نقص عاطفي، يبدو انها تمر في ظروف تجعلها مسيطرة على بقاءك معها وعندها شعور بالنقص والقلق والخوف وتعاني من اضطراب عاطفي. يجب ان تساعديها على تكوين صداقات مشتركة جديدة بينكما، وتعطيها مساحة للتعرف الى اخريات وتنسحبي بالتدريج من هذا التسلط العاطفي بحجة الصداقة. من الجميل ان يكون لدينا من يهتم بنان ولكن ليس لهذه الدرجة. تحدثي معها بوضوح وبدون كلمات صعبة وحاولي توضيح ان الحياة تحتاج لوجود اكثر من صديق. تأكدي انك لا تظلمينها لانه ليس بينكما اي عهد او عقد يمنع اي منكما من التواصل مع الاخر ثم اخبريها ان توضح لك كيف يكون الظلم؟ وكيف تظلمينها ان تحدثت مع غيري قولي لها انك فتاة طبيعية وعندك عشرات الصديقات غيرها، وعليها ان تحترم ذلك، لانك تحترمين انه يجب ان يكون لديها عشرات الصديقات. اتفقي معها على اوقات للمحادثة واوقات للخروج حتى تعطي نفسك فرصة مع صديقاتك الاخريات تأكدي وهذه ملاحظة اخيرة انها لا تتمسك بك بشكل مشبوه يعني ان تتجاوز العلاقة الى حب خطأ من طرفها بسبب شيء تعاني منه، ففي هذه السن تميل بعض الفتيات الى عشق صديقاتهن بدون وعي. لانها تغار بطريقة مش طبيعية. حاولي ان تسأليها ماذا تشعر ان تحدثتي مع غيرها، وكونت صداقات جديدة حالة الغيرة هذه خطأ وغير صحية ابدًا، هي ليست ولي امرك، كوني ذكية في التصرف معها اخبريني عن التطورات وساتابع معك ان شاء الله

قبل 5 شهر

صديقتك انانيه لكن شكلها تحبك مرررره حاولي تتفاهمي معها واذا انتي مرتاحه ع وضعك كملي بتفاهم بس لو انتي مضايقه حاولي تبعدي عنها بشويش بس صدقيني حلو لمن تلاقي احد متمسك فيكي لابعد الحدود ف زمان كل شخص بسبب مشكله بسيطه يبعد ويبيع

قبل 5 شهر

ابعديها عن حياتك لأنها عنها انانية كبيرة وممكن كلشي يصير عليكي بالآخر، خليها تسمع كلام متل ما بدها لأنه انتي ما عم تعملي اشي ظالم ولا لئيم، تشوفلها صاحبة غيرك لأنه انا لو مكانك رح اخاف منها وكتير كمان ممكن تتدايق او تاخد موقف منك بس مش لهالدرجه كإنها خطيبك وبغار عليكي

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه