لا أثق بدراستي لمادة الفيزياء

انا طالبة توجيهي "الثانوية العامة" تحديدا علمي ،امتحاناتي قربت وانا الحمدلله مرتاحة بالمواد كلها وموكلة امري لربي، بس في عندي مشكلة بمادة الفيزياء ، اني ما بحبها ابدًا بس فاهمتها وبنفس الوقت بستتقلها لما ادرسها وبكون متضايقة لانه ما بحب المادة.. (و كنت دايما من اول السنة احكي انه كل بنات الصف مسجلين عند اساتذة شاطرين واحسهم فاهمين المادة صح وانا احس حالي ضايعة مرات وانه يا ريت سجلت عند شي استاذ او معهد كان درست اكتر ) بس بالامتحانات بجيب علامات عالية يا زيهم يا اعلى منهم بس كنت احس انه هاد مجرد حظ! او هو توفيق بس انا فعليا ولا مرة رحت عامتحان من امتحانات الفيزياء وكنت واثقة من حالي.. وكمان بخاف اتوتر وارتبك ازا ما عرفت فكرة السؤال (مع انه بباقي المواد انا من النوع الي ما بتوتر ابداا ) او انه ما الحق اخلص عالوقت.. وامتحاني قرب وانا حاسة حالي مو متمكنة من المادة صح هاد الشي الوحيد الي مخوفني مع اني متوكلة عربنا بس بنفس الوقت بحس حالي مقصرة فيها.. ومرات لما ارجع احل فكرة من الافكار بحس حالي بدي وقت لاتزكرها يعني ما بكون ناسيتها بس بحتاج وقت فيها.. كتيير خايفة وصعب اشكي لماما او لاختي لانه بقلقوا علي زيادة .. يا ريت تعطوني حلول واقعية ومفيدة .. وشكرًا