بعد ظهور النتيجة انهدمت كل طموحاتي

مدارس وجامعات
animate

السلام عليكم جميعا أولا أنا معجبة بصفحة حلوها جدا نظرا لخصوصيتها الشديدة وعرضها لآراء المختصين بشفافية وحيادية ربنا يجازى حضراتكم خير يا رب .بإختصار شديد أنا طالبة جامعية فى المرحلة الاولى لسه فى كلية من كليات القمة وهنا المشكلة انها مش الكلية اللى كنت بطمح بيها أنا أو أى حد من الطلاب . فى الحقيقة مشكلتى ابتدت من ظهور نتيجتى واللى كانت صادمة لكل اللى حواليا خصوصا اساتذتى وده اللى لغاية دلوقت مش قادرة اتخطاه .أنا من نوع الطلبة اللى بيذاكروا بس بمجهود قليل خالص والحمد لله على كده. لدرجة إنى لما حد كان يسألنى من زمايلى واستاذتى وأقول كده كانوا يكدبونى وبصراحة ده مكانش فارق معايا كتير لأنى مش بحب أبرر نفسى لحد . بعد ظهور نتيجة التنسيق اتصدمت وأتهدمت كل طموحاتى لأنها حطمت كل طموحات أهلى وكان نصيبى فيها ميتعداش اخر كلية فى تنسيق المرحلة الاولى . يومها بجد أحبطت ولأول مرة فى حياتى أبكى على اختيار الله نصحونى أساتذتى بالسعى وراء إعادة تعديل نتيجة الثانوية العامة. وكانوا على ثقة أنها أقل من حقى ويشاء الله انه والدى ميوافقش قطعا على الرأى ده ومنعنى. فى وقتها صدقا مكنتش عندى القوة بجد إنى اجرى وراء الحق وأحاول اقنع والدى محاولتش ولو مرة واحدة لأنى كنت محبطة جدا .لكن امى كانت عايزة ترضى ربنا وتسعى معايا لأخر لحظة فى اى طريق عشان تحس أنها بذلت كل السبل معايا ومسابتنيش لحظة .سافرت معايا لأنى من العاصة ولفت معايا فى كل الاماكن الحكومية المختصة لغاية ما وصلت لاوراق امتحاناتى واللى صدمتنى للمرة التانية وفعلا طلع اساتذتى على حق .ربنا اراد ومجاليش غير جزء من حقى واللى غير مسار حياتى 180 درجة .بس برضه وقتها مفرحتش بمجموعى مفرحتش بكليتى . حسيت أنه طالما أمنيتى راحت يبقى كل جاجة حلوة راحت معاها حياتى وسعادتى وقوتى وكل حاجة . وكنت عايز انوه على أنى فى خلال كل اللى مريت بيه بجد كنت جبل من بره ببتسم بس عمرى ما ضحت من قلبى من ساعته لغاية ما نسيت الناس بتضحك ازاى .حاولت ابان للكل إنى لسه قوية ومفيش حاجة تهدنى أو تأثر فيا زى ما أتعودوا عليا دايما وكمان عشان والدتى متتأثرش باللى أنا فيه لأنى حسيت أنى شيلتها فوق طاقاتها .ومحكتش لأى حد عن النار اللى جوايا لأنه دا طبعى ومكنتش حتى فى وقت الضعف الكبير اللى كنت فيه وقتها وما زلت أنه اخلى حد يشوفنى ضعيفة لانه ساعتها صورة البنت القوية صاحبة قرارها والمستقلة فى حياتها تتهز فى نظرهم . دخلت الكلية وأنا مش مقتنعة بيها وكرهاها بس وقتها فاض بى الكيل وعرفت والدتى بكده وانا عارفة مفيش حاجة بأيدها تعملهالى بس كنت عايزة أعبر عن اللى جوايا حسيت إنى كنت هموت لو محكتش لحد على اللى أنا فيه لأنى كنت وصلت لمرحلة صعبة . ببكى فى المحاضرات من غير ما حد ياخد باله وكنت لما احاول اركز فى المحاضرات لأنه كان هيفوتنى كتير وقتها وخلاص اللى حصل حصل. كان النوم يغلبنى للحظات قليلة بس كان بيبقى النوم عميق ولما أحاول افتح عنيا وأجبر نفسى إنى اصحى وأركز كانت عنيا تخونى ومعرفش أنا كنت بعمل كده أزاى بجد حتى النوم العادى كنت بنام نوم مش طبيعى وأنا عارفة إنى بعمل كده عشان اهرب من مذاكرة المواد اللى محبتهاش وكمان كان اتصالى دائم بأمى كل نص ساعة تقريبا ببكى ومبكلمهاش وهى تبكى لما تسمعنى . فى الوقت ده حاولت اتعرف على بنات دفعتى بس بطريقة كانت تستفزنى انا شخصيا كأنى بفرض نفسى عليهم بشخصية ضعيفة وكنت بقول دى مش أنا أيه ده أنا من أمتى بحتاج حد ليه بتصرف كده كل الحاجات اللى كنت بقول عليها ضعف وغباء بقيت بعملها من غير ما احس أخدت قرار أنى ابعد نفسى عن اى موقف يبينى غبية وضعيفة بس كان الأوان فات وأخدوا الإنطباع ده عليا . بقى عندى بلاهة وغباء اجتماعى . فى الوقت ده كان بيوصلنى إشادة أساتذتى ليا وذكرهم لسيرتى فى كل جلساتهم مع بعض . ما اكدبش عليكم كنت بفرح اوى بس بعدها بزعل أوى اوى لأنى خذلتهم ومحققتش اللى بيرسموهولى ويا سلام بئا لما بيجيبوا سيرتى للدفعة اللى بعدى ويقولهم على صدمتهم بمجموعى ويقلولهم إنى كنت على مستوى من الذكاء الدراسى وحصل معايا كده.متخيلين انهم بقوا ينصحوا بيا الناس . متخيلين واحدة زى ما بيقوولو هم بمستوى عالى من الذكاء تبقى غبية للدرجة دى ومحدش يعرف .انا مستواى الدراسى ما زال فى النازل ونتيجة الكلية ظهرت من يومين ورسبت فى مواد .أنا بجد انتهيت أنا عارفة إنى طولت على حضراتكم فى عرض حاجة تافهة بالنسبة للبعض بس بجد انتم مش متخيلين التافهات دى مأثرة عليا ازاى . بس أنا كنت بفضفض معاكم لأنى خلاص حاسة حمل الجبال فوق كتافى . عايزة اقول لحضراتكم ملاحظة اخيرة أنا دلوقت لما ببص على المراية مش بعرف نفسى بجد .

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده يا ابنتي اهلا وسهلا بك صديقة، ونحن في هذا الموقع لسماع هذه الفضفضات والاشارة عليكم بالحلول التي نعتقد انها قد تناسبكم ويكفي انك تحدثت لتريحي نفسيتك. لنبدأ من النقطة الاولى: يا ابنتي ثقي تماما انك اهم من كل الشهادات، وان حياتك اغلى من كل المعدلات، وان لا حاجة لنا بشهادة مقابل ان نخسر صبية ذكية مثلك، انت الاهم، واعلمي ان هذه الرسالة ستكون ملهمة لكل من يقرأها لانها درس في تحمل المسؤولية، فما حدث كان من فعل يديك فلم تدرسي ولم تبذلي جهدك ولم تهتمي ولم يكن لديك خطة او هدف او طموح، وتنازلتي ... فلا مجال لنلوم اي احد. وهذه نقطة يجب ان تعمل على ايقاظك من غفلتك وتنتبهي انه عليك تحمل مسؤولية اعمالك من الان. يا بانتي القرار بيدك، وانت صاحبته.الامر الثاني دخلت كلية لم ترغبيها وتخصص لا تردينه وتدمرين نفسك وتصرفين مال اهلك وتعيشين بتعاسة!! لماذ؟؟؟ اتركي الكلية والجامعة افضل لك ولاهلك في هذه المرحلة. لأن سلامتك هي رأس المال، وماذا ستريد امك من كلية فقدت فيها ابنتها ثقتها بنفسها وبمجتمعها.الامر الثالث البكاء والنوم الطويل والهروب من الواقع ليست حلول ولن تعطيك نتيجة، فتوقفي عن فعلها وتذكري انك محاسبة ومسؤولة عن وقتك وعمرك وعملك وبدنك. لذا اتخذي قرار حاسم وجاد.الامر الرابع توقفي الان عن كل هذه الامور وكوني جزءًا من الحل وليس جزءًا من المشكلة، بمعنى يجب ان تفكري وتضعي خطة وتحددي هدف للوصول اليه ، اولا حددي ماذا تريدين؟ من اراد ان يدرس طب مثلا عليه ان يبذل جهد يتناسب مع هذا الطموح، انت لم تحددي ماذا تريدين لذا لم تعملي ولم تدرسي ولم تجتهدي.امامك عدة حلول الاول: ان تعيدي الثانوية وتدرسي باجتهاد وترفعي معدلك وتدخلي الكلية التي ترغبين بها. الثاني ان تقبلي واقع ما مضى وتقرري ان تستيقظي الان وتتابعي تخصصك وتدرسي باجتهاد لرفع معدلك وتحسين علاماتك وتخلصي من هذا التخصص في اقل الاضرار، وربما ان انتقلت للحياة العملية تصبح الامور افضل، الحل الثالث ان تعملي على رفع معدلك لتدبير نقل الى كلية او جامعة ثانية بعد ان تكوني قد حددت ما تريدين، الامر الرابع ان تتركي الكلية وتعملي على تحسين وضعك النفسي ورفع مهاراتك وتعيدي التقديم في العام المقبل في كلية اخرى. في جميع الاحوال يا ابنتي اتق الله في اهلك وتعبهم ومالهم، ولا تحمليهم مسؤولية خطأك الشخصي، يجب ان تتحملي مسؤولية نفسك وتتخذي قرارك باي الحلول هو الانسب لك، لانه لا فائدة من اضاعة الوقت وانت لا تعيشين براحة ولا تدرسين ولا تريحين قلب امك، اتخذي قرار حاسم واوقفي هدر العمر والجهد والمال. وربي يوفقك ويفتحها عليك، وان شاء الله بقرار حاسم منك ستعرفين الطريق وستعودين قوية واجتماعية وما هي الا ازمة وبتعدي.وفقك الله وطمنيني عنك.
  • صورة علم Saudi Arabia
    صورة علم Saudi Arabia
    من مجهول
    عمر الشهاده م تحدد قيمة احد فعليا لكنهي سلم وسيره وقوه لك خصيصا في هذا المجتمع واي م كان تخصصك حاليا وبخختصار شديد ادرسي اول شي لازم يكون عندك شهاده جامعيه اش المشكله من انك تدرسي تخصص م تحبيه وتتعمقي فيه وتتفوقي فيه؟ وبعده تشتغلي وتاخذي كورسات وممكن جدا تعيدي تدرسي الثانوي مافي اي قوه ف الارض تمنع احد كم النجاح ي عزيزتي , وعمر النجاح م ارتبط ب احد او تخصص او معدل ادرسي عشان الشهاده ومع الوقت راح تحبي انا اتكلم لك عن تجربه لاني مريت بنفس تجربتك حرفيا بس من متطلبات النجاح هو الكفاح اتركي مشاعرك على جمب وكافحي من غير مشاعر اصنعي معجزاتك حققي ذاتك لوني بصمتك وتميزي ب تخصصك واكملي تميزك وزيدي عليه هذي حياتك وتستحقي النجاح وم تحتاجين ل راي احد او تنتظرين نظرة احد لك كل التوفيق
  • animate

  • صورة علم Egypt
    صورة علم Egypt
    من مجهول
    بسم الله الرحمن الرحيم حبيبتى انا منذ يومين لم افتح الانترنت ولما قرأت قصتك تأثرت جدا ولكن حبيبتى لو نظرتى للعلماء ومنهم الله يرحمه الدكتور زويل لم يستطع ان بدخل الكليه اللى عايزها ودخل كليه العلوم وبرع فيها واصبح معيد وهاجر واصبح من حاصدى جوائز نوبل لماذا لن تفعلى هذا وانا واثق ان انتى هتكونى لك شأن كبير ان شاء الله وربنا اختار لك اللى ممكن يكون هو مستقبلك اما المستقبل الحقيقى الزوج المحترم وممكن جدا ان تعوضى مافاتك فى اولادك ويحققوا ماكنتى انتى تريدى اذا بلاش اليأس دا ليه كدا حبيبة قلبى انا زعلان منك وخاصة لما قولتى لما انتى تنظرى فى المرأة لاتعرفى نفسك لاحول ولا قوة الا بالله اتمنى ان تطمنينى عنك حبيبتى ولو اعرف ان اتى لك الكليه لجئت لك لكن اوعدينى تكونى من الان الزهرة التى لا تتبل ابدا ان شاء الله
  • صورة علم
    صورة علم
    من مجهول
    انتي تعانين من العشوائيه في حياتك يجب ان يكون هناك انشطه و اشياء مفيده تقومين بها يوميا حتى تخرجي من هذه الاجواء النفسيه السيئه، ونظمي وقتك ودراستك
  • صورة علم
    صورة علم
    من مجهول
    ضعي خطه ليومك قراءه القران والعبي رياضه واخرجي خارج المنزل لمده ساعه في مكان هادئ مع صديقاتك ولا تحبسي نفسك ولا توقفي عند هذا الفشل يلي صار لك ، ولا تتركي ما حدث ان يؤثر على حضرتك من ناحية نفسية
  • صورة علم
    صورة علم
    من مجهول
    من لا يصعد الجبال او لا يحاول الصعود الى الجبال لا يسقط ولا ينكسر ولا يفشل .. كل طريق كل هدف كل شيء تريد تحقيقه سوف تتعرض لفشل و هنا الفرق بين الانسان الناجح والانسان الفاشل
  • صورة علم
    صورة علم
    من مجهول
    كلنا واجهنا في الحياه مروا جميعهم في مواقف صعبه جدا وفي لحظات فشل وانكسار لكن القدره والمهاره والفرق بين الانسان العظيم والانسان العادي هو ان يستطيع الوقوف من هذا السقوط وان يكمل المشوار
  • صورة علم
    صورة علم
    من مجهول
    لا تعتقدي الوصول للحلم والهدف بيكون مفروش بالورد، والا ما بيكون فيه طعم للانجاز
  • صورة علم
    صورة علم
    من مجهول
    على فكرة الناجحين في الحياة هم الاشخاص اللي يعتمدو على انفسهم وما حد يوقف معهم ويتحدو كل الدنيا عشان تخقيق اهدافهم وينجحو بالحياة، انتي اسلوبك في الحياة اسلوب عظماء، بس لا تستلمي ولا تنتظري من حد شئ
  • صورة علم
    صورة علم
    من مجهول
    يا اختي هناك الكثير من العظماء نبغوا من الصعاب، وخير البرية محمد صلى الله عليه وسلم نشأ يتيم الاب والام، والكثير ، لا تضعي حواجز، وليكن ذلك عامل ايجابي ونقطة قوة وتحفيز لك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟