السؤال

قبل 1 سنة (13 اجابه)
13 اجابه

الغيرة سبب طلاق ابنتي وحاله اكتئابها

بنتي عمرها 19 سنه زي اي بنت جاها نصيبها وتقدم لها واحد من اهل الحجاز ماشاءا الله عليه اخلاق وتربيه وعائله محترمه ومبتعث يدرس ببريطانيا .. اتفقوا وزوجناهم وسافرو مع بعض لبريطانيا. الولد فلوسه على قده وبنتي قرر ابوها يساعدها ويدرسها على حسابه الخاص .. الحمدالله حياتهم مرتبه ومنظمه اثنينهم يدرسون ومرتاحين. لكن مشكلة بنتي مع الايام صار عندها غيره زيادة عن اللزوم لدرجة صارت تطلع من جامعتها وتقعد تراقبه في جامعته وتشوف ايش يسوي ومين يكلم واذا شافته يكلم بنت تصير زي الهبلا تهجم عليه وتبهذله ويتهاوشون قدام الناس وهو يستوعبها ويهديها.وبعد فتره صارت لو شافته يكلم اي وحده ثانيه صارت تقلدها بطريقة لبسها واسلوبها على بالها انها كذا بترضيه وتجذبه لها .. صارت شخصيتها مهزوزه وماعندها ثقه بزوجها وكثرة المشاكل بينهم بسبب غيرتها المجنونه وقعدوا على هالحال لمده 6 شهور ومره وصلت فيها العصيبه انها تضربه وهو يهديها ويراضيها.اخر مره انهارت وصارت تصارخ وتهدد وتكسر في اثاث البيت وتطقه وماتسمع له ابد.. في ثاني يوم طلب منها مبلغ كبير وعطته وراح واشترى تذكرتين عوده للسعودية بدون مايقول لها وسافر معها ورجعوا للسعودية وهم بالمطار اتصل بأبوها و طلبه يجيهم و راح لهم المطار و صار زوجها يوريه الكدمات و الخدوش و الجروح و الضرب و قاله :هذي امانتكم رجعت اليكم و بنتك طالق ,ورجع ثاني يوم لندن بروحه.بنتي جاها انهيار عصبي واكتئاب شديد وطول اليوم تدور بالبيت تدوره وتنادية وتصارخ تبيه، ومن يومها وانا قلبي يتقطع عليها ومن حالتها. ماادري ايش اسوي معها تعبت وتعبت نفسيتي معها . 

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

عليك ان تساعديها ان تعي ان الطلاق حصل وانتهى ولا أظن انه سوف يعود لها عليكم التفكير ان تبدأ حياة جديدة بدون ضغوط لانها كانت صغيرة في السن مع الدراسة والغربة اثرت على أتزانها النفسي تحتاج الى معالجة سلوكية في كيفية التعامل مع الضغوط لكن اولا احتويها وأعطيها الحب والحنان وتحملي جنونها الموقت لانها مصدومة وأظهرت لها انك تقدرين مشاعرها ولكن التجربة التي لا تقتلك تقويك

قبل 5 شهر

ملخص الموضوع في كلمات يسيرة(فتاه مستهترة عديمة الرباية مريضة نفسيا صادفت انسانا اكبر ما يوصف به انه (ذكر) بحكم الجنس ولا يعرف من الرجولة شيئا والا من يسمح لامراة مهما علت او دنت ان تضربه وتصيبه بكدمات فلا يستحق الا ان نكبر عليه اربعا =حتى التكبيرات خساره فيه=وهناك بون شاشع جد شاسع بين كرم ونبل الاخلاق والحلم في الرجل الحق وبين من يسلم نفسه العوبة في يد امراة -وماذا لديها اكثر من اى امراة اخرى؟؟ والمدااااااام ظنت -وكذبها ظنها- ان من ذهب ليدرس في الغرب ويتعلم علومهم ويتشبع بثقافاتهم وافكارهم ونهجهم -انه سيطيل لحيته لما فوق القبضة ويقصر ثوبه الى منتصف الساق وان يتعمم ويعتقد ان صوت المراة عورة والخلوة بالاجنبية ومضاحكتها ومحادثتها حرام حرام وقد يستحل ما هو اشد وانكى ممن يقع في دائرة اكبر الكبائر==ونسيت انها ايضا تقلد التقليد الاعمى لهؤلاء دونما وازع من دين او ضمير===== تنبهوا واستفيقوا يا سادة وكفى دفنا لرؤسنا في الرمال==نسال الله ان يصلح احوالنا جميعا وان يردنا الى دينه مردا جميلا غير مخز ولا فاضح

قبل 1 سنة

واضح انه بنتك عندها عدم ثقة في نفسها وفي اللي حواليها! .. نصيحة، عقليها وخليها ما تخرب بيتها بايدها .. وبنفس الوقت زوجها لازم يعرف انه عندها حالة مرضية ويعالجها

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه