السؤال

قبل 5 شهر (7 اجابه)
7 اجابه

تزوجت فقط لكي احقق حلمي و النتيجة ...!!

حكايتي.. انا مطلقة من خمس سنوات وسبب طلاقي كان عدم التوافق احس اني ماتوفقت لأني ماكنت ملتزمة بصلاتي بس في عام 2013 بعد طلاقي بسنة رحت اخذت عمره ودعيت الله اني التزم والحمدالله صرت ملتزمة بصلوتي الزبده بدخل في الموضوع انا بالأساس ماتزوجت الا عشان احقق احلامي تعرفون بعض الاهالي اي شي تبغى تسويه البنت يقولون اذا تزوجتي تزوجت بس كانت الحالة المادية للي كان زوجي ضعيفه ماكنت اطلب منه شي غير انه يشوفلي وظيفه مني ماطلب منه فوق طاقته واساعده فيها واحقق حلمي بفتح مشروع لي بس ماصار في توافق بيننا وارسلني لأهلي وبعدها ارسل سك الطلاق رفضت الزواج ليومي هذا لأني ابغى انجز طموحي وكلمت اخوي يشوف لي وظيفه وتوظفت مع ان امي كانت ومازالت مُصرة على انها تكلم خطابة تشوف لي عريس ابغى احقق اللي اطمح له افتح مشروعي الخاص وخاصة اسافر مع اهلي في اجازة بس الى الان المادية ماتسمح المشكلة ان واحد من اخواني الكبار ورط امي وخلى على اسمها دين يعني ماتقدر تسافر او تجدد جوازها الا لما تسد الدين لهذا الى الان ماقدر احقق جزء من حلمي بسفرية مع الأهل المهم صار مؤخراً يجيني احساس ان اهلي يبغون يؤذوني في نفسي بالسحر خاصة امي احس انها تبغى تسحرني عشان اوافق واتزوج بأي شخص اصغر اخواني الأولاد طبعاً هو اصغر مني كنت اثق فيه واعتبره سند لي وواقف بصفي هو اللي شاف لي الوظيفه كان يحل لي مشاكلي سواء في البيت او في العمل ولما اهلي يضغطون علي بمسألة الزواج واطلب منه يتدخل كان يسألني قدامهم تبغين تتزوجين اقول لا يقول خلاص ماحد يجبرها هالمسألة تخصها وحدها فجأة قبل مدة ثقتي فيه اختفت خاصة بعد ماحلمت انه مدخل علي رجل في غرفتهم مقابل المال وفي الحلم اشوف نفسي ماني واعيه وماكنت اقوم زي ماتقولون مخدره , وبعدين قمت مفزوعه من الحلم اشوف الساعه لقيتها 6 الصبح وبعدين سمعت خبط في الباب لهذا شكيت بالموضوع .. مدري هذا حلم ولا رؤية تحذيرية ولا صار صدق وبعدين قريت في جوجل عن تفسير هالحلم يقولون انه نوع من انواع السحر ورحت اقرا عن انواع السحر ولقيت نوع سحر اسمه الجلب وقريت ان هذا النوع يفقد والوعي ويسلب إرادة المسحوره ويجبرها على فعل الفواحش بدون ماتدري وبدون واعي ومتعود الى رشدها ووعيها الا بعد العودة من عند اللي ساحرينها وتشعر بانها كانت بحلم لهذا صرت اخاف من هالأخ وماعدت ارتاح له وخاف منه .. ليكون آذيني بهذا السحر صرت اتصرف معه بحذر واشك فييه وغير قبل مده قصيرة صارت مشكله بيني وبينه وسحب اجهزتي وبعدين صارت مُشادة بالكلام وبعدين رحت للمجلس عشان اكلمة قال لي روحي هناك لأغتصبك خفت منه صرت ميقنه انه يبغى يأذيني وعلمت ابوي قال لي كذابة وعلمت امي قالت لي مالك غير انك تتزوجين وتبعدين عنهم والله العظيم ان هالأيام صارت حياتي عذاب ومليانه شك وخوف منهم لدرجة اني اصبت بالوسواس القهري وصرت اقعد في الحمام كثير كل اشوي اعيد غسيلي احس اني ماني واعيه اتخيل احد يدخل علي الحمام وانا اغسل ويحط لي سحر بملابسي وهي تنغسل عشان ان لابستها انسحر مدري اللي اتخيله صدق صار ولا وسواس قهري هالمشكله حاولت اتجاهلها لكن مافي فايده مارتاح لين ماعيد الغسل ولما اعيده اتخيل نفس الشي والله صرت اخاف على نفسي احس الكل مايبغوني ويبغون اذيتي صرت افكر كثير اني استسلم واهرب من حياتي الحالية واتزوج من جديد بس خايفه اتزوج لأني ماحققت اللي اطمح له قبل ماتزوج مدري ايش فيني ماكنت كذا هل اللي فيني هو مجرد اوهام ولا وسواس قهري ولا انا مسحورة ارجوكم افيدوني بالحل لأني من جد تعبت جداً وصرت اتمنى الموت

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

عزيزتي انسي تماما في الوقت الحالي موضوع الزواج ،، وانا ارى انك تعيشي ضلالات غير حقيقية اي لديك اعراض ذهانية بالاضافة الى الوسواس مما تجعلك تشكي في كل من حولك حتى اخيك الطيب الذي يريد مصلحتك وهذه نتيجة الشدة التي مررت بها وتمرين بها. عليك بسرعة مراجعة الطبيب النفسي واخذ العلاج وستعودي لحالتك الطبيعية باذن الله

قبل 5 شهر

عليك بالمعوذات وقت الصبح والمغرب واظن انك صرتي تتهاوني فى صلاتك ارجع حافظي عليه وموضوع السحر شي طبيعي ردت فعل الاحباط وتفكير السلبي ومحكات الذات ومعاتبتها على التجارب الماضي والفشل فى الحاضر والحوف من المستقبل طبيعي تحس ان اهلك راح يسحورك وهذي للاسف اوهام وسواس النفس الي يتغلب الاحباط عليه ونصيحه تراجعي دكتورة او كتور نفسي عشان حالتك راح تتفاقم لا سمح الله وتكلم عن تجارب مشابه الحالتك وياليت بسرعه تبتدي فى حلها الله يفرج همك وهم المسلميين

قبل 5 شهر

صارحي والدتك بالاشياء الي بتمري و بتحسي فيها لانه انت اذا بقيتي على هذا الحال رح تنجني يعني اذا في بيت اهلك مش قادرة تاخذي راحتك وين تروحي !!! راجعي شيخ و خليكي على الرقية الشرعية و تشغيل و سماع القران طوال الوقت يعني لا تسكتي على وضعك اكثر

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه