السؤال

قبل 4 شهر (10 اجابه)
10 اجابه

احاول تصديق انني احب نفسي !

السلام عليكم .. مشكلتي اني انسانه جدا حساسه ازعل بسرعه ابكي بسرعه واتضايق بسرعه .. احس اني اعاني من اكتئاب وطبعا لو قلت لأ هلي اني بروح لدكتور نفسي بيرفضو بدون شك .. بصراحه احس مشكلتي بسبب انو ماعندي احد قريب مني اغلب الوقت لحالي ماعندي صديقات .. اللي عندي بيني وبينهم معرفه سطحيه واهلي بيني وبينهم فجوه كبيره اكثر شخص كنت احبو بابا لكن مات وانا عمري 12 سنه ,, ماما ربي يحفظها لكن احيانا احس انها ماتفهمني (من زمان لمن كنت طفله كانت داذما تخرج من البيت مع صديقاتها وانا اغلب الوقت اكون مع الخدامه كانت ترجع من العمل تجلس ساعتين وبعدها تروح مع صديقاتها ماترجع البيت الا وقت نومي وفي الويكند كانت تسهر عندهم واخواني ماكانو يخلوني اجلس معاهم بحجه اني صغيره هذا الوضع استمر لين صار عمري 18 سنه بدات ماما تجلس ف البيت شوي بس وقتها انا اصلا خلاص تعودت على الوحده كمان صرت اتضايق من العزائم والحفلات والمناسبات وهيا لين امس تقولي انتي ليه ماتروحين معايه تقولي ابغاكي تنبسطي مع البنات بس انا احس براحه لمن اكون لوحدي ) عندي اخت واربع اخوان اختي اكبر مني ب 16 سنه احس مافي توافق فكري بيننا واقرب واحد من اخواني الفرق بيننا 6 سنين وانا اصغر وحده ف عائلتنا .. اغلب الوقت في غرفتي لوحدي لانو من انا صغيره كنت كذا يتركوني لوحدي .. الفتره هذي حسيت مشكلتي زادت بديت اكره نفسي ,, ثقتي في نفسي معدومه دائما احس انو فيا شي ناقص وذا الشي زاعجني ,, فكرت اخذ حبوب اكتئاب بس سمعت انو مالها فائده اذا كانت بدون جلسات علاجيه ,, طبعا مااقدر اكلم احد من اهلي لانو مره حاولت المح لهم قاطعوني وقالو انتي بس تدلعي كل شي تبغيه تلقيه قدامك احمدي ربك غيرك مو لاقي النعمه اللي انتي فيها ,, مرات احس انو ابدا ماحكون سعيده في حياتي ,, نظرتي صارت تشائميه للحياه وسلبيه ,, احس اني عايشه في قبر ,, ,, صارت حياتي عباره عن احلام يقظه اي شي مااقدر اسويه في حياتي الواقعيه اسويه في خيالي ,, خيالي احس انو زي المسكن بس يروح مفعلو تبدا الافكار السلبيه والتعاسه تبان عليه .. في خيالي عندي اهل غير اهلي اهل متفهمين وعندي صديقات كثير وانو انا انسانه ناجحه , بس جديا تعبت من الخيالات والحياه هذي ,, نفسي اكون انسانه سعيده متوازنه و واثقه من نفسي,, احيانا احاول اهدي من نفسي واحاول اصدق اني احب نفسي اقول لنفسي انو درجاتي حلوه من الجامعه وانو بأذن الله اروح بعثه بصراحه ابغى اروح بعثه مو هذفي الاساسي الدراسه هدفي انو ابعد عن اهلي صح انو اخويا معايا ماراح اروح لوحدي بس عادي اقدر اتحمل واحد نفسي احب نفسي وابطل الافكار السوداويه ,,اتمنى احد يساعدني

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

عزيزتي ما نفكر به ينقلب بعد فترة الى حقيقة سواء سلبي او ايجابي لذلك اذا استمريت في التفكير بسلبية عن نفسك فعلا ستكوني حزينة ووحيدة ولكن لو استمريت بتقدير وحب نفسك والذي تظنينه الان غير حقيقة سيقلب مع الوقت الى حقيقة تعتزي بها،،، بما انه لديك خيالات وافكار حاولي ان تكتبي اكتبي قصصا او روايات حتى لو كانت فقط لك في البدايه وممكن ان تتطور مستقبلا وتصبح مشروعا،،، احلمي اوسع حتى لو تظني انه اكبر منك الان ولكن المستقبل اوسع وممكن ان تكبري معه،،،حولي النقاط التي تضايقك الى نقاط قوة استغلي الوقت والوحدة في تعلم مهرات او لغة،،،ابدعي وابتكري انت فكري وليس نحن نفكر لك،،لا تحتاجي الى علاج كابة ولكن ترتيب الافكار

قبل 4 شهر

اقترح عليكي ان تعملي او ادا بدك روحي استقلي بنفسك وابدي حياة جديدة

قبل 4 شهر

مرحبا أختي انا كنت بعاني نفس حالتك بالضبط اهلي دائما مشغولين عني من صغري وما الي صديقات مقربات واغلب الوقت بقضي لحالي من دون اي حدا وكنت اعاني من عدم ثقتي بنفسي وكنت احس انه ما عندي قدرات لاي شي حاولت كتير احل المشكله بس ما قدرت بس مع الوقت تعبت بجد ومليت من الوحده ومن الحياه الي عايشتها ومن هاد الشي صار عندي اراده واصرار انه غير حياتي وبالفعل مع الاراده وقوة ايماني بالله وثقتي وتوكلي بالله قدرت اطلع من السجن الي كنت حابسه حالي فيه وهلا انا عايشه حياه طبيعيه متلي متل باقي البنات لكن برضا الله سبحانه هاي اهم نقطه خليها ببالك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه