السؤال

قبل 4 شهر (19 اجابه)
19 اجابه

عندي اضطراب نفسي بسبب خيانات والدي لامي

انا بعشق زوجي ..حد الجنون .. لدرجه اي من اصدقائه يسأله عن الزواج .. يجاوب انه اجمل ما ف الكون .. بيته نظيف .. اولادي بخير وبهتم بيهم .. بعمل كل الاكلات الغربيه بالعربيه والاسيويه .. مصروف بيتي ٦٠٠ جنيه فقط وبوفرله واسد ديونه .. لا اناديه الا بالدلع او ياسيدي ..البي رغباته حتي ف اشد مرضي...انا له الام والصديقه والاخت والعشيقه ...ابذل جهدي ان اكون مثاليه ...لكن المشكله اني عندي اضطراب نفسي بسبب خيانات والدي لامي حتي الان ..مع انها كانت افضل مني ف معامله زوجها .. صارحت زوجي باحساسي .. وكل مرا يحتضني ويقول اني حب عمره واني ف نظره امرأه كامله و ان لا مثيل لي ..واما تعرضت للموت رأيته يصرخ ويبكي مع انه يتسم بالشده ... انا اثق فيه وولا مرا فتشت ملابسه او موبايله واما يأتيني الفضول .. اشغل نفسي ف اي شئ .. لكني ايضا لا استطيع ان انسي علاقاته الماضيه مع النساء ..بالاخص انه خان خطيبته الاولي .. تجاهلت وقرأت القراءن وادعوا ربي .. احلم بكوابيس انه تزوج علي وانا احاول ان اراضيها .. اتوضأ و اصلي وانام ع جنبي اليمين ..يتكرر الحلم واصحي ع اذان الفجر .. ابكي بحراره .. ولا احكي له ..حتي لايتضايق من كثره الوسواس ويبتعد عني ..ارجو الحل

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

الذي تعاني منه هو الشعور بالامان بعد فترة طويلة من عدم الشعور بالامان مع اهلك واصدقاءك ولذلك لديك خوف عميق لئلا يوما تفقدي هذا الامان وهذا الخوف يظهر لك في الاحلام على هذا الشكل وهو لا يعكس الحقيقة بل يعكس المخاوف العميقة من الفقدان والتي ترفضي الاعتراف بها في الوعي،،، انت تقومي بالذي عليك من مراعاته وخدمة بيتك واولادك وتحملين نفسك احيانا فوق طاقتها لذلك عليك ان لا تقلقي لانك غير مقصرة ولن تلومي نفسك يوما ولن يلومك احد،،، الاصل في العلاقات الاخلاص والسكن والمحبة والرجل يدرك هذه الامور ويقدر المراة الوفية المحبة المخلصة ولذلك يفكر الف مرة قبل ان يخسر هذه الهبة الربانية او يجرحها او يخدشها وحتى لو مالت عينه قليلا بسبب اغراء او تحرش من قبل المقابل تكون لفترة وجيزة يتدارك نفسه ويتعوذ من الشيطان. ،،،لا تتعبي نفسك بالهواجس وتوقعي الافضل وعيشي هذه الايام الجميلة ولا تبالي بالوشايات فاكثرها غيرة او الرغبة في هدم البيوت اكدي له باستمرار ثقتك به وطالبيه بالمحافظة عليها ،، زوجك كابنك يحتاج متابعة وتذكير باستمرار باهمية القيم والاخلاق والسمات الانسانية الراقية حتى لا يغفل يوما ،، او لا ينتبه

4 شهر

كلامك مريح جدا ..شكرا لكي ... هعمل بالنصيحه


بما انك الحمد لله ارتحتي وربنا يسعدك انا عاوز اعرف بقا ازاي ب ٦٠٠ ج بس بتظبطي البيت ؟ ☺️


3 شهر

الجواز ع ال ٦٠٠ جنيه انا وزوجي اهالينا ف مستوي ميسور الحاله .. زي ما تقول عنينا شبعانه .. والمرتب ده بسبب انه امن ف حكومه لحد ما يتثبت بشهادته .. لكن كيفيه التوفير ..اولا ربنا مبارك اوي ف الفلوس .. بروح كل شهر اشتري من ماركت فيه تخفيضات ..وبظبط نفسي عليهم .. بعمل اكلات جديده ويمكن دي اللي بتوفرلي اولا بحسب فلوس الغاز والكهربا ع جنب والبامبرز .والباقي اجيب بيه المشتريات .. ف شهر اجيب منه مسحوق الغسيل وشهر منظفات زي الكلور وغيره وشهر الشامبو والصابون .. مسحوق الغسيل بيقعد ٣ شهور وغيره زي الشامبو والصابون وكدا ولو والدي اعطاني اي فلوس مش بقول لزوجي .. واحوشها لحين الحاجه .. او هديه اجيبهاله ..زي جزمه بدل اللي اتبهدلت او غيره وبنخرج كل اسبوع ..بعمل اكل مميز ونخرج ناكله ف الخارج .. والبركه والحب بينا ..بمعني خروجتنا ممكن تكون عباره عن تمشيه المحل عصير قصب ..تكلفنا ٥ جنيه فقط بس نبقي ف غايه السعاده .. ادعولي اعثر ع وظيفه مناسبه حتي اساعد حبيبي واشيل عنه التعب والهم


3 شهر

عشان الناس اللي بتكدبني بجيب اجنحه بدل الفراخ واعملها كنتاكي وماسلا والصويا صوص وبالعسل الاسود ف الفرن وده كله كورس وصيني ومكسيكي بجيب رز بسمتي وبعمل ف المره كوبايه واحده بس بسلقه وبنشبع بسرعه بجيب الكرنب ايام الرخص واخزنه .. واما اعمل شوربه بخزنها واعمل بيها المحشي مثلا اكله زي بيكاتا بالمشروم بدل اللحمه الاستيك اللي ب ٥٠٠ جنيه بجيب لحمه مفرومه واعملها كور لو جبت فراخ بشيل الكبد والقوانص واعمليهم ببطاطس وتبقي اكله حلوا. . ايام ناكل جبنه بس اقطع عليها فلفل وطماطم وبتتنسف .. واجيب بطاطس واسلقها واهرسها واكورها مع لانشون وف التتبيله وتطلع تحفا .. جوزي نفسه ف السينابون اللي القطعه ب ٢٥ جنيه ..بعملها ف البيت افضل صنيه كامله مبتكلفنيش غير ٢٥ جنيه بس غير بركه ربنا ف الحاجه .. وحب جوزي االي محسسني اني شايله البيت واني حاسه بيه .. مبيرجعش متضايق اما يلاقي جبنه وبيض ..صحيح بعملهم بطريقه شهيه بس ف الاخر جبنه وبيض .. وعمره ما زعل او اتنرفز عليا ..علطول يسألني مبسوطه ولا لا ... دا الراجل اللي الست لو تطول تشيل عنيها وتديهاله


قبل 4 شهر

اختي استعيني بالله و لا تجزعي اذهبي الى طبيبة نفسية ترشدك و ربي معك

قبل 4 شهر

هكذا إذن فالسيد كما تقولون ( مِتْعَوَّدْ)، نمي عواطفك نحو زوجك مثل ما تشائين، وفسري عواطفه نحوك مثل ما تحبين، لكن كوني واقعية : لا تغفلي وكوني حذرة، ولا تسكتي إن إكتشفت أمرا ملموسا يهدد إستقرار أسرتك، ¤¤¤ أبعدي عنك خزعبلات الكوابيس، وكوني واقعية، لا انصحك بالتجسس، لكن إستغلي كل حواسك، ولا تهملي اي عنصر يقع بين يديك ( كوني مثل المحققين)، اما ما تقولينه عن مدحه اياك عند الناس، فهو لا يعدوا ان يكون للتمويه ( وهو يعلم بأن كلامه سيصلك) فلا تغتري، ملاحظة: في كثير من الأحيان نجد هذا النوع من الأخطاء في التفكير والتعبير ( انا اثق فيه ... .. لكني ايضا لا استطيع ان انسي علاقاته الماضيه مع النسا ) وهذا تناقض ¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ بإختصار، كوني حذرة واهتمي بواقعك ولا تهتمي بكوابيسك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه