السؤال

قبل 3 شهر (9 اجابه)
9 اجابه

الفراغ يقتلني !

الفراغ يقتلني..انا ست متزوحه والحمد لله مرتاحه مع زوجي ..المشكله اني مش موضفه..انا دارسه بكالوريوس...وتزوجت مباشره بعد التخرج..وما جربت الوضيفه والشغل والاستقلاليه..ياريت لو اني توضفت قبل ما اتزوج لان هلا بعد الزواج صار صعب علي خاصة انو زوجي مو متقبل الفكره لانه ما تعود اني اكون موضفه..وانا كمان ما تعودت...بتمنى اكون موضفه بطلع عشغلي والي اسقلاليتي..و شخصيتي تتحسن ..انا اصلا كتير هاديه ومو اجتماعيه ...مع القعده بالبيت صارت شخصيتي اسوأ..حتى صرت انطوائيه ...انتو ما بتتصورا شو يعني ما بطلع من البيت ..انا فعلا ما بطلع غير يوم واحد بالاسبوع بس على اهلي وبيت حماي وبسسس...وصاحبات ما الي ..كل شهر مره بحكي تلفون مع وحده فيهم ...وما في اي زيارات بينا ...والجارات ما في اختلاط فيهم كمان....بضل طول النهار انا وابني الصغير ..بين اربع حيطان...وهو كمان بيزهأ وحتى شخصيته مو حلوه لانو مو متعود عالناس..والله نفسيتي تعبت..والمشكله ما حدا بيحس بحدا...كل الموضفات الي حوالي متل سلفاتي وخوات زوجي..دايما بيحكولي ياريت لو انهم مو موضفات..وبيصيروا يحكوا عن الوضيفه ومتاعبها ويحسسوني اني ما حدا قدي لاني مو موضفه...مع انهم بالمقابل اكتر من مرا بيحكوا انهم لااايمكن .. يتركوا وضيفتهم لانها المتنفس الوحيد الهم وانهم حسوا باستقلالية و شخصيتهم افضل مع الشغل ...يعني ادا وحده فيهم اخدت اجازه او اجازة امومه بتحس قديه القعده بالبيت سيئه ..وكلها خمول وكسل ...يعني انا قد ما بضل احط لحالي برنامج لشغل البيت والتنضيف ..بس بسررعه بزهأ لانو كلو روتين كل يوم نفس النظام ..هاد بيخليني دايما كسوله ومو جاي عبالي اعمل اشي بالبيت ..حتى الطبخ ما الي نفس اطبخ لان حياتي كلها ملل..ومع هالقعده صرت احس حالي جاهله ما بعرف شي بالدنيا ..حتى ابسط الامور مع اني بحاول اثقف حالي بالقرائه عالنت واحاول اني احصل على معلومات جديده بس شو ما بعمل بضل حاسه حالي اقل من الي حوالي....وصرت دايما افكر باشياء سخيفه وسطحيه ودايما متوتره ..وبحاول اشغل وقتي بالادكار والقران بس برضو بمل بسرعه لان ما في شي يشجعني او يدكرني وبضل طول اليوم كسلانه وافكر باشياء قديمه وانتهت واتاثر فيها كانها هلا صارت ...انا مو بحاجه لطبيب نفسي انا بحاجه لاشي يملا وقتي ..بحاجه احس بذاتي ..وزوجي رافض الشغل لالي خاصه في الوقت الحالي ..والله تعبت من وضعي...سامحوني ..بس تعبانه وما في حد احكي معه...

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

انا اقدر وضعك ومللك والمك لان الحياة تتطلب الحركة والبركة بالحركة وهذا كما وصفت موت بطيء ولكن احيانا الظروف تحكم. كون زوجك رافض ولكن استمري بالمحاولة فكثرة السؤال قد تلينه وطفلك صغير يحتاج رعايتك،،، شمري عن ساعديك وفكري بطريقة للتواصل مع الحياة اكثر. مثلا تعلم مهارة. تنسيق زهور عمل من البيت جمعية خيرية نشاط دوري للقاء مع صديقاتك. يجب فعل شيء لان الركود كالمستنقع بعد فترة يصبح غير صالحا وراءحته غير جيدة. اكثري من النباتات المنزلية وتعلميها انواعها الوانها اسماءها كاثريها ولتكن تميزك هذا كمثال

قبل 3 شهر

ابحثى عن برامج تدريبية مهنة تتعلميها لفترة محددة وتشغلينها فى البيت .. بالعكس كلها فترة وطفلك يكبر وتنجبى تانى وثالث ما تلقى زمن للتفكير ...

قبل 3 شهر

مركز قران قريب منك ...بكون فيه لمة نسوان متل وضعك بتتسلي كتير وبتتعلمي عن الدين والسنه ممكن تلعبي رياضة بين فترة وتانية ممكن تشتغلي بحضانه قريبة برضو من بيتك ممكن تاخدي دورة تعليم كمبيوتر او دورة تحفيز الذات ..اي اشي يطلعك ساعة زمن من البيت كل اكم يوم اعملي دراما شوي على جوزك وانعزلي لفترة عنه حتى تبينيله اديه الموضوع مأثر عليكي لانهم ما بفهموا بالمسايرة

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه