السؤال

قبل 3 شهر (3 اجابه)
3 اجابه

اخاف من انتقادات زوجي المتكررة

مرحبا ...عندي مشكله غريبه شوي انا نفسي مستغربه من حالي..انا متزوجه مت 7 سنسن زوجي منيح معي كتر...بس ببداية زواجنا يعني اول سنتين ونص تقريبا...كان في بينا كتير مشاكل...واكتر شي كان يدايقني منه هو تدخله في كل كبيره وصغيره بالبيت وانتقاده الكتييير لكل شي بيشوف اني عملته او بعمله ودايما كان يطلعني غلطانه بكل شي بحكيه او بعمله وهاد الشي كان نمط حياتنا كامله يعني ليل نها على هالوضع..لدرجة اني صرت اخاف اعمل شي قدامه حتى ما ينتقدني لاني بسررعه بتاثر بالانتقاد ..وعلى فكره انا عندي ما يسمى بالرهاب الاجتماعي ..بس يمكن بدرجه بسيطه الى حد ما ...المشكله انو زوحي هلا بطل عادة التدخل والانتقاد تماما ...بس انا لساتني لهلا بخاف يشوفني وانا بعمل شي او حتى بطبخ او بشتغل بالبيت او بكتب...او او ...لاني بحس انه بيتبع لكل حركاتي..طبعا هو مو هيك هلا ...يعني ما بيتبعلي بس بيكون بيتفرج بدون ما ينتقد او يتدخل يعني على اكتر حد ممكن يسالني ليش بعمل هيك ...وبس ما بينتقد ابدا متل زمان..او ممكن يكون بده يساعدني بدون تدخل او مضايقه...بس انا لما اشوفه بيطلع على شو بعمل كتير بتكركب وببطل اعرف اعمل شي..وبصير بدي انهي بسرعه الشي الي بعمله..وببين علي اني تكركبت وهو لاحظ علي هالشغله ومره حكالي عنها وكتير زعل من الوضوع هاد ..بس انا مو قادره كل ما يصير موقف بيكون تصرفي سئ متل العاده...يعني انا يمكن عقلي الباطن هوالي بيخليني هيك اتصرف لاني ببدايه زواجنا كنت كنت كتير اواجه منه انتقاد ..فصرت دايما اخاف من اي ملاحظه منه او احس انه رح ينتقد الشي الي عم بعمله..مع اني متاكده انه بطل عادته هاي وهلا صار يدايق مني مشان هالشغله...وانا عل فكره اصلا شخصيتي ضعيغه وما عندي ثقه بنفسي..بس مو كتير بواجه هالمشكله مع الناس لاني غير عامله وما الي كتير اختلاط مع ناس مشان هيك ما بيصير معي هبك موتقف مع حدا تاني غير زوجي....ياريت حد يريحني ويفسرلي حالتي وكيف احاول اسيطر على نفسي بس انحط بمواقف متل هيك معه.....

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

شيء طبيعي يتوتر الانسان عندما يكون مراقبا او يشعر ان الاخر يحكم عليه. عليك بمواجهته وافهامه ان لكل شخصيته وخلفيته وقد لا تتفقوا على بعض التفاصيل وتطلبي منه ان يترك لك حرية التصرف بطريقتك وماذا لو اخطات فالانسان لا يتعلم الا اذا اخطا،،،زوجك وسواسي ويبحث عن الكمال والتفاصيل ولا يجب البحث عن الكمال في انفسنا وفي الاخرين

قبل 3 شهر

بما انه زوجك تغير و هذه الانتقادات انتهت اذا لازم انت ايضا تتغيري و تلغي فكرة الرهاب من بالك و غقلك ..كثرة التفكير ذهه بتسبب لك وجع الراس و القلب لذلك اهدأي و ابعدي كل الخوف عن بالك

قبل 3 شهر

يا حبيبتي انتي بسم الله عليك ، اول شيء انتي لازم تفهمين زوجك انك تخافين من هالاشياء و لا تبينن له انك ريضه بالعكس هو لما بيشوفك كذا بصير على كل شيء ،اجلسي معه بيوم هادي جداِ و روقان و اجلسي معه و احكي له كل شيء يضايقك و ان تصرفاتك هاذي لا شعورياً تصير لانك انت سببها في الماضي يعني انتي اصلا مالك ذنب لان كانت بدايه زواج بالعكس المفروض يكون متفهم و متعاون جداً مو العكس فهمتني حبيبتي موفقه

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه