لو خطفني فعلاً ماذا كان سيحصل لي؟

السلام عليكم.. ترددت لمده عشان اكتب هذي المشكله، انا يوم كنت صغيره كنت مع ابوي واخوي نزلنا لمحل كله اشخاص جنسيتهم باكستانيه.. ويوم طلعنا من المحل ابوي واخوي قربو لجمب السياره عشان يدخلون وانا كنت بعيده عنهم وتوني طلعت من المحل، ووقتها مسكني باكستاني ثبتني بمكاني كان بيخطفني، وقتها صرخت بإسم ابوي وتركني وركضت للسياره ابكي وعلمتهم انه كان بيخطفني، وابوي قال لي وينه؟ مع اني كنت اشوفه قدام عيوني من داخل السياره يطالع فيني بنظراته الحقيره! بس قلت اني ما اشوفه عشان ما تصير مشاكل، وبعدها رحنا من المكان، والحين الفتره هذي صايره أتذكر اللحظه هذي بكثره! قاعده أفكر لو إنه خاطفني بتبكي امي! كان ما شفتهم مره ثانيه! كيف بتكون عيشتي معاه لو خطفني؟ ما بيلاقوني؟ وتدمع عيوني وأقعد افكر بأفكار تخوف ، للعلم اني ما كنت أفكر بالموضوع هذا أبداً لأني نسيته بس مدري ايش صار ورجعت اتذكره وأحزن وأفكر كثير فيه تعبت من التفكير حسبي الله ونعم الوكيل عليه، موقف مرعبني جداً كل شوي أتذكره ويجي على بالي! وفكرة إن الشخص هذا عايش حياته برا مو بالسجن تخليني متقرفه! أكره جنسيتهم وأكرههم أتمنى يطلعو من البلاد، لأني كنت صغيره احس ان اللي صار حلم مو حقيقه وتمنيت لو انه حلم، ساعدوني تعبت من الخوف والتفكير ايش فيني؟ .