السؤال

قبل 10 شهر (10 اجابه)
10 اجابه

حل لحالتي النفسية

تعبت من الم الحياه وتعبت جدا من مر الحياه بالاول والاخير الحمدلله دائما وابدا..وانا راضيه الحمدلله..بس لو افضفض شويه على الاقل يزيح شوي الهم من صدري .انا الدنيا صاكه بوجهي من كل جهه ماديا ومعنويا ونفسيا تعبت من جد ماعندي اصدقاء ولا عندي احد افضفض له واريح قلبي.ماعندي احد اسند ظهري.الحمدلله اهلي موجودين الا ابوي متوفي من ٦سنوات تقريبا . كان قبل مايموت بسنتين تقريبا انشل شلل نصفي وكان قلبي يعورني لما يقضي حاجته قدامنا والله كان قلبي يعورني كثير وكان وقتها عمري ٩ سنوات.قبل مايموت ابوي بفتره الله يرحمه.كنت راجعه من المدرسه وشفت سياره عمي وسياره اسعاف وماقدرت استوعب ودخلت البيت لقيت حقين الاسعاف عند ابوي .وطالعت ابوي وكأن ابوي حاس انه بيموت.وقالي تعالي بنتي الجميله وسلمت عليه.وانا استغربت ابوي دايما كتوم ولا اتذكر انه قالي هالكلام من قبل.وكان مبتسملي ودخلت داخل لقيت اهلي يبكون ماكنت فاهمه السالفه كلهم كانوا يبكون انا غبيه ماكنت ادري انه تعبان كذا وودوا ابوي المشتشفى ولا حتى شفناه بالمشتشفى قبل مايموت كان فيه غيبوبه .ومات الله يرحمه .انا تعبت جدا وش اسوي واخاف كثير من المستقبل وش بيصير.توني مراهقه واحس هموم الدنيا كلها على راسي وصارت لي اشياء عقدتني ماقدر انساها .وفيني خوف زايد من يومني صغيره حتى قبل مايموت ابوي.ولما لقيت الشخص الي احبه ويحبني افترقنا بسبت امه .خلاص من جد تعبت كنت اعتبره كل شي بنسبه لي بالله وربي دايم صدري ضايق ويبين علي وجهي الهم واحس اني بموت .الله يطول بعمري يارب. بس مدري وسواس ولاايش تكفون ابغى شي يشرحلي صدري ابي حل لحالتي النفسيه 

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

انت بدات بداية جيدة بالحمد والشكر على كل شيء وهذا التوجه وحده كافي لتقويتك وزيادة ايمانك. الوفاء وحب الوالدين نعمة وانت الحمد لله تمتلكيها وهي رحمة وطيبة وتذكري ان الوالد كان تعبان جدا والله احبه وخلصه من وضعه وهو كان متقبلا ومبتسما وهذا دليل الرضا على الذات ومكانه افضل عند الله فقط ترحمي عليه وتصدقي ولو بالقليل ،،وهذا اجل والاجل انتهى واعلمي ان الله يختار لنا الافضل وعلينا ان ندرك هذا ولا ننساه حاولي دوما تذكر الاوقات الحلوة والتجارب الغنية والطيبة التي مررت بها ولا تركزي على ما يؤلم حتى لا تصبع عادة تؤثر على مزاجك وراقبي افكارك ولا تسمحي لفكرة حزينة اوكئبة تسيطر عليك افتحي لها انافذة من عقلك واتركيها تخرج واغلقي النافذة. ركزي على دراستك وليس وقت الحب الان وانت مراهقة وعواطفك غير مستقرة ركزي على النجاح والانجاز الان افضل. ونحن معك

وفاه احد الوالدين من الأمور التي تؤثر على الناس بشدة وخاصة اذا كانوا بعمرك. رحم الله الوالد وصبركم على فراقه. لا شك انك تشتاقين له كثيرا، لكن هذا قضاء الله وقدره وعليك تقبله. نصيحتي لك ان تهتمي بنفسك، اولا اكملي دراستك والتحقي بالجامعة، فتلك البداية لمستقبل أفضل ماديا ومعنويا. لا تستعجلي الحب والزواج فما زلت في مقتبل العمر، فشل تجربتك الاولى لا يعني شيئا، وستلتقين حتما بمن يسعدك وبحبك ويقدرك. خذي المبادرة وتكلمي مع صديقاتك في المدرسة او بنات جيرانك او بنات العائلة وبذلك تبدئين صداقات. كذلك، مارسي هوايه تحيينها او تطوعي في عمل خيري، ابقي نفسك مشغولة باشياء مفيدة، فكل هذه الأمور ستطورك وتحسن وضعك ومستقبلك وفرصة في زواج ناجح.

ابنتي أنت لا زلت صغيرة على مثل هذه المشاعر والتوتر، أولًا بالنسبة للموت هو حق وليس بيد أحد منا رد هذا القضاء، والحمد لله أن ابيك ذكرك بالخير ودللك قبل وفاته، والدور عليك الآن برفع اسم ابيك والدعوة له، وتفريحه بنجاحك وتطورك، وعند الجميع يكون موضوع الموت صعب ومبهم فما بالك بفتاة صغيرة مثلك، لا تجلدي ذاتك، ابحثي عن شيء جميل فيك، وعن قدراتك ومارسي أعمال تحبينها، استعيني بالاستغفار والتسبيح فإنه يريح الصدر وعليك بالصلاة والدعوة لوالديك.

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه