السؤال

قبل 6 شهر (1 اجابه)
1 اجابه

حلمت بشخص قريب لي

عندي شخص قريب مني وايد وايد وهو ولد في البداية كنا انا واختي فالبحر وكلمني هاالشخص فالفون , قلتله فلان انا رايحة بيت خالتي لو بتي البيت بيتك المهم وعطيته رقم خالتي مع العلم انه مايعرف خالتي ولا هي تعرفه وحتى اهلي ما بينهم وبينه علاقة هو من راس الخيمة وانا من العين , المهم يوم وصلت بيت خالتي لقيته موجود وعطوه حجره من حجر الببيت له ماعرف كيف وبغيت اشوفه دخلت غرفة لبنات خالي وكنا انا وبنات خالتي وخوالي واخواني متجمعين فالحجرة هاذي وودي كانت بشوفته وافكر بطريقة , ياني فلان ولمحلي انه تعالي روحنا صاله غير عن الصالة الي متجمعين فيها الاهل وقعدنا نتكلم عقب قاللي هاتي قلم وورقة ويبتله , قعد يحسب فلوس ماادري هي فلوس شو لكن ع حسب علمي من شغله قالي عندي 26 الف , وقعد يحسب القيمة الباقية قلتله ماله داعي خلاص لا احد يشوفنا , واتفقنا انه يطلع من باب وانا من باب ولما انا طلعت من الباب الثاني لقيت اهلي قاعدين فالمكان هذاك يسولفون فقالولي تعالي وقعدت وياهم , وبعدين جا الليل وخلوني انام فالصالة فاليوم الثاني قمت وكانت امي قررت انه خلاص بنروح بيتنا , حاولت ادور صرفة عشان اشوفه ومحد يشوفني دخلت عليه الحجرة اول مره لقيته راقد , رحت تجهزت ورجعتله الحجرة بحجة اني ادور نعالتي ومحد يشك فيني , قلت وينها ؟(ادور نعالي ) قالي انا هني قلتله لا ادور نعالي عشان محد يشك قالي انا لو عندي سيارة كنت رحت ( مع العلم انه عنده فالحقيقة سيارتين ) قلتله لا تروح البيت بيتك وسلمت عليه تعور فريله بالسرير نزلت لفيتها ونزلت لامي لانها كانت تتنادي وبس

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

انت تبحثين عن زوج مناسب لك وتفكري بهذا الشخص التزمي الدعاء يرزقك الله الزوج الصالح لا تفكري به

6 شهر

يعني لو التزمت الدعاء بيكون ملكي هالشخص او بيرزقني الله الزوج الصالح دونه ؟


6 شهر

اختي هالولد يستوي حبيبي لكن شو اقولج الحين مكملين سنتين كان يوعدني فيها انه بياخذني وكان يخطط للمستقبل معاي .. استوى بينا خصام وقالي بقولج شي انا ما اقدر اتزوجج قلتله ليش قالي انتي مافيج شي لكن اهلي مايرضون اخذ وحده اعرفها ومن هالكلام وانا مالي كلمه عندهم مابيدي شي وكنت اقولج باخذج عشان اتقرب منج ومن قريب ياب طاري الموضوع وقالي انه يبا قربي واكون ام عياله وهو الخسران لو ماكنت من نصيبه لكن مافي ايده شي يسويه عشان ياخذني ويباني اتم احبه وعلاقتنا تستمر مع احتمالية زواج ضئييييييلة جدا يمك 10% .. دخيلج شوري علي ؟وعطيني رايجج


المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه