السؤال

قبل 7 شهر (6 اجابه)
6 اجابه

هي انسانه مضحيه جدا !

بالاول هاي البنت من اول حياتها وهي اجتماعية و خاطت ناس كتير وتعاملت مع اكتر من صنف من الناس فشبه حافظة سيئات تعامل الناس وزهقت بالمقابل عندها ناس سبب سعادتها وفرحها بالحياة يعني بتكون مبسوطة كتير معهم وناس غالين عليها ولما تحب حد بتعطيه كل شي بتملكه وبتضحي عشان الكل ومستعدة تساعد بكل شي حتى لو ع حساب سعادتها ف هي انسانه مضحيه جداا.. فأول ما حد قريب عليها زعلها بنسى كل شي عملته اياه ومن هيك زهقت التعامل مع الناس ولفترات كتير بتحاول تنعزل و تضل لحالها لانو الجرح بكون اثره كبير عليها مع هيك ما بتعمل شي ولا مستعده تزعل الي زعلها او انها تذكره بكل شي عملته معه .. بتكتفي انو تغلق التلفون وتنعزل عن الكل وتقرأ قرآن وتصلي وتهدىهاي البنت من النوع اللي مستحيل انو تزعل حد حتى لو كان هالشخص سبب ضيقها وجرحها كتير ... ومهما تلقت جروح وضيق من الاشخاص مستحيل تبينلهم انها تضايقت منهم بتكتفي بابتسامة وما بتصارحهم بعدين انو زعلت او تضايقت من هالموقف حتى لو سألوها زعلتي من هالموقف بتجاوب انو لا وعادي مع انو هي من جواها بتكون تضايقت وبتستنى تروح وتقعد لحالها وتبكي من ضيقها من هالناس مع انها شخص اجتماعي كتير وصحبة مع الكل والكل بحبها بس يمكن هي حساسة زيادة لظروف صادمتها بحياتها بتتضايق من ابسط المواقف ممكن بس هالشي بكون عندها في مشكله مع انو لاي شخص تاني عادي .. بالرغم من انها اجتماعية لما تتضايق بتتمنى الموت وتخلص من كل اللي حوليها لانو بكونوا سبب المها و زعلها مو دايما طبعا مرات بتكون مواقف بتستحق الضيق والزعل .. وهاد الشي الضيق من الناس والزعل بأثر عليها كتير خصوصاً انها عندها قرحة في المعدة وعدة اشياء بتزيد ع المعدة الوجع .. بس لما تزعل او تتضايق بزيد عندها الوجع وبكون سبب الوجع الضيق و من نفسيتها كيف بنقدر نساعدها ؟؟

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

سيدتي السائلة، الحِلم وسعة الصدر والتغافل والتغاضي والتجاهل، والمدارة والاحترام وعدم مقابلة السوء بالسوء من الصفات الايجابية والحميدة والتي لا نريد أن تتغيّر. ولكن ما يجب أن يتغيّر هو القدرة على قول لا، والقدرة على تقديم نقد وليس انتقاد، مثلا يمكنها ان تقول لزميلتها ان تضايقت من موقف معيّن:" انت صديقتي وانا احترمك، واشعر انني انزعجت من موقف كذا، أو من كلمة كذا... ومع هذا احببت ان اخبرك وسنحافظ على صداقتنا" وهي نظرية تبدأ ايجابي، تقدم النقد وتخبر ما الفعل او الموقف او السلوك او الكلام الذي ازعج ونستخدم اسلوب انا ونقدم نصيحة ونكون ايجابيين ثم نختم بطريقة ايجابية كما بدأنا، هذا لن يضر بل سيساعد في تعويد الناس على اسلوب جديد من ذكر الخطأ دون انتقاد الشخص. النقد للفعل والانتقاد للشخص والأخير ممنوع والأول محمود. ويمكن الاستعانة بالقران والصمت والوحدة ولكن دون ان نقهر انفسنا، لأننا نريد ان نحافظ على خلايانا العصبية صحيحة، ولا نحرقها من الكتم في النفس. لذا لا داعي لأن تضغط على نفسها، ان تجاهلت وسامحت لتكن مسامحة حقيقية دون الشعور بالقهر، حتى تكون صادقة في مسامحتها، ولتتحدث عن بعض المواقف بتعبير انا شعرت، من رايي، انزعجت من هذا الموقف ولكن انت صديقتي... أرجو ان تكون ملاحظاتي مفيدة وفقك الله

قبل 7 شهر

لا يا اخي هذه الانسانة ضعيفة الشخصية و ضعف شخصيتها يؤثر على نفسيتها و على صحتها .. و ان كانت انسانة تهمك فيجب عليك ان تنصحها ان تصبح انسانة واقعية تهتم في علاقتها و نفسها و صحتها و لا تتأثر في اي نسمة او اي غيمة صيف ..

قبل 7 شهر

القرحة و وجع المعدة بسبب انها دائمة الكتمان ,,الكتمان بيأثر بالصحة و النفسية بشكل سلبي جدا لذلك عليها انها تكون صريحة و اذا انزعجت من انسان تخبره و ما تسكت عن حقها ابدا

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه