السؤال

قبل 11 شهر (12 اجابه)
12 اجابه

انا تزوجت زواج تقليدى و بعدها بدأت التدخلات

السلام عليكم ورحمة الله وبركاتة انا تزوجت زواج تقليدى شوفت واحدة واتقدمت لخطبتها وظلت فترة الخطوبة حوالى 4 شهور وكانت طول فترةالخطوبة بصراحة مشاكل بينى وبين اهلها والمشكلة انا قولت جايز بعد الجواز هبعد عن اهلها وهنستقر لوحدنا ظلت المشاكل والتدخلات تزيد بشكل متزايد وبيدخلوا فى كل كببرة وصغيرة ربنا رزقنى بولد والحمد لله انا مشاكلى كلها مع حماتى عايز تفرض سيطرتها ورايها باى شكل بس مش عارفة ودى سبب المشاكل يعنى مثلا ابنى تعب اروح اكشف عند الدكتور فلان ﻻ دا مش كويس روح اكشف عند اادكتور ..........دة احسن بتعصى زوجتى عليا باستمرار ولو زوجتى عملت غلط وواضح اروح اشتكى ﻻهلها عمرهم ما بيغلطوها ممكن اتشاجر مع زوجتى فى اى موضوع حصل علية اختﻻف فى وجهات النظر زى اى حد مع زوجتة فى ثوانى القيهم جاين وزعﻻنين لية عملت كدة انت غلطان ويعملولى محكمة اخر ما زهقت وجبت اخرى ومعتش قادر استحمل تدخلهم اللى ﻻ يطاق وبعد تلميحات من بعيد بعدم التدخل فى حياتنا كلمتهم بصراحة وقولت لهم معدش حد يدخل فى حياتى تانى ومعدش حد يجى البيت عشان يتكلم معايا فى اى حاجة خاصة ببتى ومع ذلك قعدوا شوية وبعد كدة رجعوا زى اﻻول حصلت مشكلة بينى وببن زوجتى مرة بسببهم برضة والكﻻم عليهم زعلت منى وجيت من الشغل تانى يوم ملقتهاش فى البيت اتصلت علة والدها وقولتلة بنتك خرجت من غير اذنى ومن غير سب اصﻻالموضوع بسيط خليها ترجع موفقش وقعدت غضبانة عندهم كام شهر ودخلت ناس كتير بدون فايدة واتفاجات بعدها انهم رفعوا قضية نفقة وبالعفش ومسكن وحضانة فجن جنونى واتصلت عليهم عشان نحل الموضوع ودى لو دى النهاية صمموا ان هما هيكملوا بالمحاكم فروحت طلقتها غيابى ومن يوميها مش عارف اشوف ابنى ورافعين علية قضية بالدهب وهى واخداة وهى ماشية المشكلة ان انا صعبان علية ابنى جدا ان هو هيتشرد بينى وبينها اذا انا اتجوزت واكيد هى هتتجوز وع ذلك قلتلهم هاخد ابنى واربية معايا وهى تشوف طريقها موفقوش وقالولى لما تتجوز هندهولك عشان اكيد عارفين ان زوجتى التانية مش هتقبل بالوضع دة والمشكلة اﻻكبر ان حماية ملوش اى دور فى الموضوع تماما وسايب كل حاجة لحماتى وهو اتضحلى بعد الجواز ان هو شخصيتة ضعيفة جدا جدا فى البيت الله المستعان اية الحل

قضايا أخرى

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا سيدي السائل كان الله في عونك، ام قوية وزوجة ضعيفة. هل يمكنك ان تعيد زوجتك وتستقل بها بعيدا وتفرض عليها رأيك بالقوة؟؟ ان لا اعتقد انه يجب ان تستمر في حياتك وتنهي موضوع المحكمة لأنه أمر يوتر وسيؤثر عليك وخاصة ان اردت لاسفر او ما شابه سيكون لك قيد في المحكمة. قم بالتفاوض مع رجال العائلة ليتدخلوا وينهوا الموضوع، واتصل مع حماك وقل له يكون رجل ويتصرف مثل رجل. بالنسبة للولد لا تخاف عليه ان ارادت ان تتزوج سيعود لك، او ادفع نفقته كما تقرها المحكمة ويمكنك متابعته معها، ويمكنك الزواج من ثانية، ولكن حاول ان لا تعلم الاولى بهذا الزواج ولا تحاول الاتصال بها، وتحقق من شروطك مع الزوجة الثانية حتى لا تقع بنفس المشكلة. نصيحة اخبرة لا تتزوج الان وانت وسط الميمعة والغضب، انتظر حتى تهدأ الأمور ويستقر تفكيرك لتتزوج بطريقة عقلانية وليست انفعال عاطفي.

قبل 2 شهر

تاكد ان شعور زوجتك مثل شعورك هي ايضا تفكر في ابنها وحياتها والمستقبل، حاول تتواصل معها مباشرة بالسر وتفاهمو واسالها هل انتي حابه تخسريني وتخسري حياتك معي ، وبالاخير شفتو التدخلات وصلتكم لوين، وان شالله تقدر تاخذ زوجتك وابنك وتبتعدو عن الجميع فترة طويله الى ان تهدا كل الامور وتسيطرو على حياتكم، صدقني هذا افضل لك ولها وقبل كل شيء لابنكم. كل الامر بيد الرجل وما جعل الله القوامه له من فراغ لكن تصرف بحكمه .

قبل 8 شهر

المشكلة الاساسية فى الزوج لانه ضعيف الشخصية ولم يستطع تقدير الامور وتقيمها والسيطرة عليها

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.