السؤال

قبل 6 شهر (49 اجابه)
49 اجابه

اشعرتني و كاني اول حب في حياتها

اشعرتني و كاني اول حب في حياتها

خطبت فتاة لم اكن أعرفها من قبل جواز صالونات زى مابيقولوا لانى كنت مغترب و جلوسي معاها يعتبر شهر وسافرت سنة و رجعت و كتبت كتابي بعد رجوعي بيومين وفترة الخطوبة وانا بعيد عنها كنا نتحدث ونتواصل مع بعض عبر المكالمات و مواقع التواصل الاجتماعي ، اشعرتني وانى كاول حب في حياتها و وانا بطبيعة الحال حبيتها جدا و حمدت ربي عليها و كنت بعاملها بما يرضي الله . لما رجعت وكتبت كتابي و دلوقتى انا ملكت ولكن لسه مادخلتش ؛ مسكت موبيلها عادى زى أى حد لقيتها متابعة لشخص وعاملة بحث عليه كثير جدا واخرهم قبل ما انزل بيومين من السفر . ونفس الشخص صديق عن بعض صديقاتها و من وقتها الشك ملازمنى مش عارف أعمل ايه ؟؟ أواجها و اكيد هاتبرر بأى حاجة و خايف أكتشف انها على علاقة بيه لانها فى الوقت ده هاتكون بتخدعني و مش عارف رد فعلى هايكون أيه لو أكتشفت كده . مع العلم فرحى بعد 5 أيام والشك قتل فرحتى بيها ، وانا بحبها جدا ساعدونى أعمل أيه ؟؟؟

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

ابتعد عن الشك ولا تفسد فرحتك، اسألها لتريح نفسك. من الممكن جدا ان هذا الشاب متقدم لخطبه احدى صديقاتها او قريباتها وقامت بجمع المعلومات عنه من باب الحشريه وهذا شائع جدا الان خاصة مع سهولة كشف المعلومات من خلال الانترنت ووسائل التواصل الاجتماعي. فاتحها بالموضوع لترتاح ولكن اعلم جيدا ان الثقة بين الزوجين من اساسيات نجاح اي زواج وان الشك مخرب للبيوت فلا تجهله يدخل بينكما.

4 شهر

انا مع الرأي انه جايز تكون بتعمل بحث عنه من باب الفضول وده عادي في مجتمع البنات ...ملوش اي مدلول علي اهتمام اوغيره خاصة ومفيش اي شات بينهم ولو كانت علي علاقة بيه كنت هتلاقي محادثات ورسائل متبادلة. استعد لفرحك واطرد الافكار الخبيثة اللي بتسرق فرحتك دي . واقطع الشك باليقين وكلمها مباشرة ممكن يكون عندها تبرير مقنع يخليك تندم علي الفترة اللي ازعجت نفسك فيها علي الفاضي علي فكرة انا عندي 50 سنة وبعمل بحث عن ناس كتير واشوف بوستاتهم من باب الفضول مش اكتر . وعلي فكرة بعشق زوجي ولا اري رجل غيره لكن من باب الفضول النسائي اللي كل الستات والبنات مريضة به. ويمكن انت مش فاهم ده علشان انت راجل.😁


يا اخي تحدث اليها قبل الوصول آلى اي استنتاج مسبق او حتى الحكم على إخلاصها لك. ففي بعض الأحيان تبدو الامور بشكل معين ولكن الحقيقة تكون ابعد ما يكون عن اي افتراض مبدئ. فعلاقتك معها ايجابية مبنية على الحب والتفاهم فلا تدع الشك يؤثر على فرحتك.

لا تدع الشك يدخل لقلبك، ربما شخص اخر يستخدم هاتفها، ولماذا تبحث عن غيرك طالما انها معك طول الوقت وتحبك وتراعيك. ولو كانت خايفة كان ما تترك هاتفها مفتوح ،لأنها مطمئنة ما عملت اشي تركته بشكل طبيعي. لا تقتل حبك، وتقتل حياتك بداء الشك الذي سيحرق قلبك وحياتك وحبك. توكل على الله وانسى الموضوع، وستعيش حياة هانئة، وستشعر بهذا بعد اقترابك منها.

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه