السؤال

قبل 6 شهر (55 اجابه)
55 اجابه

خمسه عشر عاما من الخوف و الاستغلال

خمسه عشر عاما من الخوف و الاستغلال

بسم الله الرحمن الرحيم بدي اشارك مشاكلي معكم وبتمنى بعد١٥ سنة من الوجع والضياع الاقي الحل معكم هلأ عمري ٢٨ سنة انا تعرضت وانا صغيرة لموقف سيء جدا من شب بحق بنت صغيرة كان عمري ١٣ سنة لما هاد الشب ضحك عليّ واستغلني وافقدني اهم شي عندي ووصار اللي ما لازم ولاني كنت مش فاهمة اشي لجأت لاختي وحكيتلها بطني بوجع وانا مش فاهمة شو اللي بصير ورحنا ع الدكتور وهون كانت المصيبة وساعدتني بس بالكتمان من غير علم حد من اهلي وحكتلي ما بجوز اهلي يعرفوا خوف ما يقتلوني وانا سكتت وما لازم حد يعرف بهاد الشغلة ولاني طفلة وكنت بالمدرسة خلص كملت حياتي عادي العب بالشارع واروح المدرسة متلي متل باقي صاحباتي ومرت السنين بحياتي وكل ما اكبر شوي اوعى لكبر المصيبة اللي صارت معي واني كيف رح اتزوج واعيش مع شخص كزبة وكنت اروح على اختي واحكيلها اني صعب يا اختي اتزوج وكل ما اطلع فيها الاقي الدموع بعينها وتحكيلي بعرف اللي حاسة فيه بس ما حد حاسس الوجع والخوف اللي انا فيه ١٥ سنة ما في نوم ما في اطمئنان خوف على خوف كل ما اطلع بعيون امي واخوتي الشباب واحكي بقلبي وبعيون خاشعة وخايفة ربنا حسبنا الله ونعم الوكيل في اللي عمل فيني هيك استغل ضعفي ويتمي وصغر سني وعمل اللي عمله وهرب من البلاد بس كنت دايما اتوكل على ربنا بأمور حياتي وخلصت دراستي وتخرجت من الجامعة بتفوق ودائماً احمد ربي على نعمة القوة اللي اعطاني اياها بس اكتشفت انه هاي قوة خارجية ومن جوا بس خوف وبعد ١٠ سنين على هاي القصة صدف واني عرفت شب وحاول يتقرب مني بس انا كنت خايفة وابعد بسبب هالموضوع بس هو حكى معي وحكالي انا بعرف ماضيكي وبدي اكمل معك انا حسيت انه هاد الفرج بس ما بعرف ٥ سنين وانا معه وطلبني من اهلي ورفضوه اهلي وحاولت اقنعهم وحكيت لاختي انت عارفة وضعي رجاءا اقنعي اهلي بس رفضت لانو هاد الشب كان قاسي كتير وكان يرفض اطلع من البيت ولا اشتغل ولا اطلع عند اختي ولا اوصل رحمي عماتي وعمامي وكل ما احاول معه انه يخف شوي يحكيلي بغار وانا احاول وانا ما بنكر المعروف وبعرف انه كان يحبني بس كان صعب جدا كان يغلط على اخوتي وازا زعلتو يتركني فترة وما يسأل مع اني بعرف انه بحبني بعرف رح تحكوا انتي بنت وضعيفة لهيك شايفتيه بحبك بس انا متأكدة حبني وخاف عليّ كتير كتير هو صعب وانا تعبت ارهقت جدا رفض اهلي من جهة وتكبره وتعاليه من جهة وانا بالنص ضايعة انا ما بنكر اني حسيت بالامان معو بس برضو تعبت معو اكتر من ١٠ سنين اللي قضيتها اتوجع فيهم لحالي اختي حكتلي كلمة لا تعاقبي حالك فيه الرجل الشكاك صعب العيشة معو بس بعرف انه بحبني وبعرف ان ضليت متمسكة فيه رح اخسر اهلي كل اهلي وبرضو بعرف شو عقلو رح اعيش بخوف انه يتركني لانو كل مرة بزعل فيها مني بتركني وبزعل على شغلات ما بتسوى بزعل ازا اتأخرت بالرد ع التلفون وبس ارد بعصب وبتركني ازا رديت على حد وهو بحكي معي ع الخط بعصب وبتركني وسبق وحكالي لو كانت امي او اخوتي بموتوا وفش الا انتي تاخديهم على المشفى ما رح تاخديهم الا ازا رنيت واستأذنت منو وازا هو رد بعرف كتير هيك بس انا كمان حبيتو مع انه ما كانت شخصيتي ضعيفة برغم المشاكل الا معو كسر شخصيتي عشان اضل متعلقة فيه وهاد اللي صار وهلأ هو تركني بس هلأ بدي بس اعيش بدون خوف مش المهم الزواج انا راضية بنصيبي ومش هاممني نظرة المجتمع اللي بطلعوا على هاي البنت عنست انا بس بدي ارتاح من الماضي والحاضر هاد ازا ما فيه خير ساعدوني رجاءاً لا إله إلا أنت سبحانك اني كنت من الظالمين

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

عزيزتي الحب وحده لا يكفي. لكي ينمو الحب ويكبر بشكل صحيح وصحي يجب ان يرافقه الاحترام والامان في العلاقة. انت مررت بفترة صعبه ومازلت تعانين من الظلم الذي مررت به لكن أرجو ان لا تدعي هذه التجربة المؤلمة تؤثر على قراراتك. انت فتاه مجتهدة ومتفوقة. لا تقبلي باقل مما تستحقين فالغيرة والسيطرة والتحكم والشك جميعها سلوكيات تنم على عدم نضج ومشاكل نفسية ستعانين انت منها. بقرارك الزواج من هذا الشخص ستنتقلين من مشكلة الى مشكلة اكبر. اهتمي بنفسك وبحياتك واعلمي ان الظلم الذي وقع عليك سيكون له نهاية لكن احرصي ان تكون النهاية مع شخص يحترمك ويقدرك ويعرف قيمتك.

يا ابنتي لا تجلدي ذاتك على أمر لم تكوني سببا فيه، انت الضحية، فكيف تحكمين على نفسك هكذا، انت وقعت في اسر شخص لا يخاف الله، ومرت الايام ولن نقول سامح الله اختك التي كان يجب ان تحدث والدتك لتساعدك في حينها. هل عرضت نفسك على طبيبة نساء مؤخرًا لعل ما حدث لم يؤثر فيك لانك كنت صغيرة، فبعد البلوغ يتغيّر الجسم ومر على الموضوع سنين طويلة جدا، هذا من ناحية. أما من ناحية ان تسلمي نفسك وانت متفوقة ومبدعة لهذا الرجل القاسي، فهذا امر مرفوض، لماذا؟ انت لا علة بك، ناجحة ومتفوقة وحكيمة وذكية. بنتي انسي الماضي واطوي صفحته،والله سبحانه وتعالى حسبك ووكيلك وهو اعلم بما مررت به وانك طفلة لا ذنب لها، لا تقسي على نفسك اكثر. ابحثي الان عن وسيلة تعملين على تطوير نفسك بها، اعملي، وارفضي ان تخضعي لرجل يبتزك أكثر، كوني صاحبة رسالة، استغلي ذكاءك وقدراتك في زيادة وعيك وثقتك بنفسك. انسي موضوع الرجال والزواج، وستجدين يوما نفسك امام رجل يستحقك بجدارة وستفرحين. لا تعتقدي انك جانية وتريدين التستر، انت عفيفة ورائعة وذكية ومجتهدة ولا ترددي بحق نفسك سوى عبارات ايجابية تزيد من قوتك وروعتك. وفقك الله، واي مساعدة بتفاصيل معينة نحن في الخدمة.

قبل 6 شهر

بسم الله والصلاة والسلام على رسول الله أختي الفاضلة.. تأكدي من إتجه لله ووكل امره له فلن يرده الله خائباً أبداً قبل ان أبدأ ردي عليك، سأقول لك إن شاء الله قريباً سترسيلين لنا رساله تفرحينا بها معك بمناسبة زواجك من شخص آخر أحبك كثيرا. نعم أتعلمين لماذا أقول لك هذا الكلام، لإنك لم تخطأي فكنت صغيرة وحدث ما حدث رغماً عنك، وكذلك لانك قوية ولله الحمد وتحصيلك العلمي ممتاز، والأهم من هذا كله أنك مؤمنة وصابرة ومحتسبة امرك لله سبحانه وتعالى. فمن يتجه لله ويتوكل عليه فإن رب العالمين لن يخذله أبداً. أختي بالنسبة للشاب الذي يغار عليك بشدة، هذه لا تعتبر غيرة ابداً بل هذا جنون، الغيره ان تكون والدتك تريد العلاج مثلا وهو يرفض إلا ان تتصلي به او تستأذني منه هذا بالإضافة إلى زعله بسبب عدم ردك على الهاتف بسرعة!!!! هذا غريب جداً فأنتي إنسانه لك إحتياجاتك ووقتك، فمن المكن ان تكوني نائمة او مع والدتك او مشغوله بأي شيئاً آخر. أليس من المفروض ان يجد لك الإعذار بدلاً من ان يزعل منك فأي حب هذا وأي غيرة. أختي الفاضلة.. بما انه تركك ألا تعتقدين أن هذا حدث لانه رب العاملين أراد لك الخير؟ الحياة أمامك ولماذا الخوف؟ لا تخافي عيشي حياتك بفرح ويكفي ما فات من ألم وحزن، سيأتي يوم الفرج قريباً بإذن الله فقط حافظي على عباداتك وإستغفارك. (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا) نوح 10-12 وفقكم الله ويسر لكم

6 شهر

ﻻيش متسوين عمﻻيه اعادت الغشاء ونتهيتي من الهم الي فيكي


6 شهر

لا ترتبطى بهذا الشخص لا نه سوف يقضى عليك حيا تك دى افضل بكثير من العيش معه


6 شهر

الحياة صعبة


6 شهر

يعني الكلام سهل بس صعبه


المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه