السؤال

قبل 6 شهر (8 اجابه)
8 اجابه

زوجه ابي تهددني

زوجه ابي تهددني

عمري 22 وأهلي منفصلين عن بعض، طلعت من بلدي - أمي مو معي عند اَهلها- ع أساس كمل دراستي الجامعية عند ابي و زوجته بس بعدين ابي سجلني بدولة تانية وانا هلا عايشة فيها لحالي، بعدين عرفت من كلام زوجة ابي انو هي يلي رفضت سكني معهن. انا بعد سنة بتخرج وما بعرف شو اعمل . انا وابي ما حكينا بالموضوع ابدا يعني ما بعرف وين بعيش بعد التخرج ، كل ما شوف زوجته بتحاول تفهمني بطريقة غير مباشرة اني اذا سكنت معهن هي بتترك البيت وطبعا ابي ما بيعرف بكلامها ابدا و بباله اني ما بعرف انو في مشاكل بيناتهن بسببي. هو مقرر يهاجر بس اتخرج بس هو بروح لدولة مع عيلته وانا لحالي بدولة تانية. ما بعرف هو شو ناوي يبرر هالبعد بس اكيد ما رح يقلي انو زوجته هي السبب. انا كتير متعلقة فيه و بعده عني مسببلي كتير مشاكل شو اعمل أبقى حاول أتعود على غيابه واقبل بشو ما قرر وحتى لو بدو كمان يتركني لحالي ولا قلو بدّي عيش معو وكمان بكل شي بتحكيه زوجته ؟ انا ما بدّي اظلم حدا بس كمان ما بدّي انظلم

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا ابنتي لا تبني توقعات وخطط على ما تعتقدين انك فهمتيه، انت لا تزالين في مرحلة الدراسة، المهم تركزي على دراستك الان. لم تعودي صغيرة ويمكنك ان تعيشي بنفسك، ويمكن يجيكي عريس قبل ما تفتحي الموضوع مع حدى وتعيشي في بيتك، تفائلي بالخير تجديه :) ، وكلنا نحب اباءنا ونحب ان نعيش معهم، ولكن انت لم تتحدثي معه بصراحة وهو لم يخبرك رأيه مباشرة، يعني ربما هي اوهام او سوء فهم من زوجة ابيك، لا تستبقي الاحداث، لتأخذيها خطوة خطوة، نحن لا نعلم الغيب. نصيحتي لك، ركزي على دراستك الان، حاولي تحسين علاقتك مع زوجة ابيك، لا تفتحي معها موضوع ما بعد الانتهاء من الدراسة، قولي لها كما اخبرتك ربما اكون متزوجة وربي يجيب ما فيه الخير والصالح، اخبريها انك تحبين والدك وتريدين سعادته، ان شعرت بوجود وقت مناسب تحدثي مع ابيك بهدوء حول ما توقعاته العامة لتستعدي نفسيا، حب ابيك لن يتغيّر، ولن ينظلم احد لان هذه هي الحياة. كوني ايجابية ومتفائلة، واعتبريها فرصة ممتازة انك وحدك.

قبل 6 شهر

عيشي مع امك بالنهاية فش متل الام وابوكي بتروحي تزوري بالعطل كل فترة

قبل 6 شهر

هي ما لها حق انها تطلب من الدك هذا الشيء ابدا ..واذا تفاقم الموضوع و خفتي انك تخربي بيت ابوك و تدمري علاقته بزوجته فاذهبي و عيشي عند والدتك و احتسبي امرك عند الله

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه