السؤال

قبل 6 شهر (10 اجابه)
10 اجابه

ابنتي عاقبتني ونسيت اني والدها ..!

السلام عليكم انا رجل من مدينة ساحلية وعندى 52 عام والان لااعمل بس لى املاك تاتى لى مبلغ يادوب مفدينا لمدة عشر ايام انا وزوجتى وطفلان بالمراحل الابتدائى مدارس خاصة كنت متزوج قبل زوجتى ام الطفلان مرتين المرة الاولى خلفت بنت تخرجت من اكبر الكليات وتزوجت ولم احضر فرحها لاانى ماكنش معى فلوس علشان اجهزها وعقابها لى انى ماحضرش فرحها تصدقة بنتى عملت الفرح من غيرى وتزوجت وخلفت بنت وبعد سنة توفة زوجها وصدقونى انا واللة زعلان وانا بقول كدة وبقت ارملة وهى عندها 23 عام اللة مالااعترض على حكمة بس هى مش عارفة انها زبحتنى بسكين بارد وانا الناس وكل عائلتى وزوجتى الحالية بعد موقف بنتى تغيرة معى او بمعنى بنتك باعتك وماقدرتكشى بنتك خالت وشك فى الارض المهم رحت الجنازة بتاعة المرحوم زوجها وصدقونى اكيد وربنا يعلم لاشماتة فى الموت بس ماحستش بيها ماحستش انها بنتى ماحشتش بزعلى علشنها وهى كانت حتى فى حزنها بتتعامل معايا انى جاى شمتان ان جوزها توفى لاواللة انا كنت بحسب انها عتحس انها غلطانة وان اللى حصل لها زنبى علشان انا ماكنتش راضى عليها وعلى جوزها من غير رضاية واكيد ياجماعة وصدقونى رضا الاب من رضا الرب وهى لحد الان مش عاوزة تقتنع لدرجة معها بنت الان عندها سنة ونصف ولم اشوفها غير مرتين انا ياجماعة اقسم باللة تعبان جدا من قسوة بنتى علية تعبان من ظلمها لى تغبان من تظرة اهلى واصحابى وجيرانى وزجتى انا بقعد فى البيت بالشهر مش بنزل منة علشان بشوف نظرة الناس لى قاصية علية الناس قبل موضوع بنتى كانت بتتعامل معى باسلوب محترم وتقدير الان لو شوفت احد بالصدفة يعمل مش شايفنى او يتكلم معى باسلوب مافهوش تقدير انا بجد مش بنتى دى مش حاسة بظلمها لى بقسوتها مش حاسة ان ربنا مش عيخليها تشوف السعادة علشان كسرة ابوها ان كنت بستانة اشوف اليوم للى عتجوز فية كنت مستنى اكون وكيلها انا خلاص العمر مش حلق اجوز عيالى لاانى انا السن كبرة مش عارف اقول حسبى اللة ونعمة الوكيل ولا اقول ربنا يسمحك ولااقول ربنا يهديكى ولا اقول اية ياجماعة انا اقسم باللة كل يوم بموت كل يوم وهى مقيمة بالقاهرة وامها للى هى طلقتى مقيمة معها امها انا كنت بعد ربنا اخذت شهادة جامعية لاسنس واشتغلت بدولة عربية وعملت فلوس يعنى انا كنت سبب بعد ربنا اة هى زوجنها بس انا ظروفى بجد واللة اتبهدلت بسب امها انا بجد مش غارف اعمل اية بس واللة واللة واللة انا متاكد انى عموت فى اى لجظة بسب ابنتى او للى كانت ابنتى ومش عارف ادعلها ولا احسبن عليعا ولااعمل اية باللة عليكم انا منتظر منكم جميعا الرد وصدقونى انا واللة ماقصرة لو معايا بس انا الدنيا باظت والدنبا والظروف عندونى وهى كانت شيفة يارب اكون وصلت لكم مابدخلى واللة المستعان

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا سيدي لا ارى من داع لمثل هذا الحزن والهم، والشكوى وقد تزوجت ثلاث مرات وتركت بنات وراك من زوجتيك الأولى والثانية، وانا اعرف ان في دولة مصر ابو البنات يكون له يد في زواج ابنته وتجهيزها، ولو بالشيء البسيط ولو بالمحبة. أشعر وكأنك زعلان من سلوك حضرتك معاها وضميرك تاعبك. ارجو من حضرتك التحدث مع ابنتك بصراحة وتوضيح سوء الفهم الذي حدث، وتفهم سبب قسوتها عليك، ربما تكون انت لاسبب في البداية. ولا تقلق يا سيدي فكل شيء وله حل، المهم ان نبدأ الخطوة الأولى بالصلح، وكما قلت حضرتك العمر بيمر بسرعة، لذا حاول ان تتصالح مع نفسك اولا، ومن ثم تتصالح معها. ولا تنسى انك تركتها وحرمتها من كلمة بابا، ومن مشاركتك حياتها بتفاصيلها. وحضرتك قلت ان امها طلقتك، لا بد من وجود سبب لذلك، دعنا لا نظلم اولادنا اكثر، يكفيها خسارتها بموت زوجها. حاول اصلاح الوضع وهدي قلبك وادعي لها ولنفسك بالرحمة وهداة البال.

قبل 5 شهر

اذهب اليها واستحمل تجاهلها اليك مره واخرى واعلم انها بحاجه اليك لكى تشد من ازرها وهى بتلك الظروف استحمل ما سوف تقوله لك لكن اعلم انها بحاجه اليك وياريت تذهب فى اوقات لاتكون بها طليقتك معها لانها سوف تقوم بعدم زرع الحنيه بينكم بال سوف تشعلها اكتر واكتر حاسسها بان لها اب بيسال عليها ويريد الوقوف بجانبهها عارفها ب اخواتها حيث انها بحاجه اليهم استحملها مهما تصرفت معك فى البدايه

قبل 6 شهر

كان الله في عونك يا اخي ويصبرك علي كل الظروف اللي بتمر بها ويهدي بنتك لك وانت ماكان بيدك شئ لتقصره معها وهي لسه صغيرة مع الوقت هتعرف قيمتك وتندم علي معاملته الك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه