السؤال

قبل 6 شهر (12 اجابه)
12 اجابه

كيف اتجنب سلفتي بطريقة ذكية

كيف اتجنب سلفتي بطريقة ذكية

السلام عليكم...صراحه انا مش عارفه كيف اعبر عن مشكلتي...في انسانه انا بتعامل معها ..وهي سلفتي النقاش معها كتير بيستفزني...يعني انا مو من النوع الي بعرف اعبر عن مشاكلي ..خاصه لما يكون بالحكي غيبه ونميمه صرت احاول انجنب هاد النقاش وهي تخصص بالغيبه والنميمه ...والمشكله انها ب100وجه يعني بتكون بتحكي معي وواقفه بصفي لما يكون في مشكله صايره..وبتضل تنتقد بالطرف التاني ...ولماتكون مع هالطرف التاني بتوقف معهم وبتنتقدني انا!!!..زمان قبل ما اعرف طبعها كنت لما احكي معها احسها كتير مريحه احكيلها كل الي بقلبي ومع الايام اكتشفت انها على مبدا لكل مقام مقال...حسب هي مع مين :: بتكون ضد الي مو موجود؟؟؟ والمشكله التانيه معها انها كتير بتشكي ودايما بتحب تطلع حالها انها صابره وما حدا متحمل قدها..خاصه لما تشكي من زوجها انو عصبي واتكالي ..مممكن يكون هيك بس هي بتضل دايما باي موقف تشكي منه ..ومفكريتني انا مرتاحه وما عندي شي يدايقني من زوجي ..لاني متل ما قلت اني ما بعرف اضل اتشكون ..لو شو ما صار معي ..وادا بحكي شي بتفكرني اني ببالغ او اني انا حساسه زياده... لاني ما بعرف اوصل الموقف كامل ...وبضل توصل لبيت حماي فكرة اني انا كتير حساسه وانو زوجي هادي و ما بيعمل شي يدايق ويزعل قد ما انا بزعل...ومرات بتسال عن اختي المنفصله عن زوجها كتير بلمح من كلامها انتقاد وانها شايفه اختي واهلي غلطانين..انهم ما رجعوا اختي لبيتها ...على الرغم من ان زوجها ما طلب يرجعها ولا بادر بهالشي ورغماني حكيتلها عن وضع اختي قبل الانفصال بس برضو لسا شايفيتنا غلطانين....وبرضو بتوصل هالكلام لبيت حماي ..وانا كتير بيهمني بيت حماي يفهمو وضع اختي بس هي دايما بتسبقني وبتعبي راسهم..برايها هي وافكارها هي ...وبشكل عام هي شخصيه جداااااا انتقاديه وبتحلل وبتفسر كتييير وشخصيتها قويه بتقدر توصل للطرف التاني وجهة نظرها وتقنعه فيها ....بالنسبه للبعض بمكن يقول طيب شو الك فيها مو ماثره على حياتك..بحاول افكر هيك بالامور الصغيره بس في امور ما بقدر اتجاوزها ...اسفه للاطاله بس مو لاقيه حد اشكيله..ياريت حد يقولي الطريقه الصحيحه للتعامل معىهيك شخصيه بطريقه ذكيه ..شكرا

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا سيدتي الابتعاد عن مجالس النميمة امر واجب عليك لتجنب مكاره السلوك. لذا بعدك عن هذا المجلس لمصلحتك... وانصحك ان لا تجاملي في هذا الموضوع لانك ستصبحين منافقة مثلها. انصحك بان تخبريها وبكل هدوء ومحبة انك ستعتزلين المجالس التي يدور فيها احاديث لا تتوافق مع الخير واداب المجلس فلا تستغرب غيابك. تسع اعشار الدين التغافل والتجاهل.. فاكسبي حياتك بالتغافل وتمرير الكثير من المواقف التي تمرين بها معها. حاولي تطوير نفسك وتحسين مستوى اداءك وثقافتك ولا تنضمي لمجالس النسوان الحافلة بالقيل والقال وتجنبي تعريض نفسك لمواقف مسيئة للاخرين لانك تصبحين شريك. وتجنبي نصيحتي الأخيرة لك التحدث بامورك الخاصة والعائلية أمامها او امام غيرها واحتفظي بها لنفسك ولا تسمحي لها بالخوض بها كذلك.

الحل عزيزتي أن تحدي من وجودها في حياتك وتبدأ بالانسحاب بالتدريج من صداقتها وجلساتها المؤذية. غيري سياستك معها تماما الآن وفورا، عندما تبدأ بالحديث عن زوجها لا تتعاطفي معها وذكريها بمحاسن زوجها وأنه لا يقصد أذيتها ومهما حاولت ذمة لا توافقها الرأي. عندما تسالك عن مواضيعك الخاصة وقصص أهلك لك الحق أن تخبريها بأنك لا تحبي أن تخوضي بموضوع اختك وزوجها وأنه ليس لك الحق بالحديث عنها وراء ظهرها. صديقتي ابتعدي عن النميمة فهي مرض وابتعدي عن الأشخاص النمامين فهم شخصيات مريضه مؤذية واحترمي أسرار بيتك واهلك ولا تسمحي لأحد بأن يستغيب أحد بحضورك ابدا دائما كوني محايدة وايجابيه بالحديث عن الناس واجيبي بالله أعلم.

5 شهر

شكرا كتير كتير كتير.....جد حل منطقي وهاد الشي الي رح اعمله ان شاء الله ...اشكرك


قبل 4 شهر

لست بحاجة لأي تصحيح لآرائها عند بيت احماك ،،ولا عند اي شخص،، فكوني على ثقة،، أنها واضحة لكل العيون،، وان الكل يشكي منها ماتشتكيه انت،، فللناس أعين ولا أحد غبي،، وليس معنى أنه لم يصلك تقرير من احد بذلك،، أنها خافية على احد،، ولكن ،، ماالكل يتحدث بمصداقيتك،، ابقي عادية معها،، وكوني بغاااااااية الإطمئنان،، اسمي هدى طه الكسيح، محامية فلسطينية، أعيش بين الامارات وفرنسا، قادمة من دمشق

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه