السؤال

قبل 4 شهر (6 اجابه)
6 اجابه

اشعر ان مشكلتي لا حل لها

السلام عليكم انا مش عارفة ابدا ازاى بس انا حاسة انى مشكلتى ملهاش حل انا بنت عندى 19سنة اتربيت فى بيت عائلة والدتى بسبب ظروف سفر ابويا معظم السنة فتقريبا كنت بقعد مع بابا فى الاجازة 3 شهور و الباقى فى بيت جدى مع اخوالى وخالاتى وكان اولاد وبنات اخوالى وخالاتى كانهم اخواتى بالظبط حتى كنا بنسيب المفتاح فى باب الشقة واخوالى وخالاتى بردو كدة وانا مكنش ليا الا اخت واحدة اصغر منى ب3 سنين المهم لما كبرنا و والدى استقر فى بلدنا الظروف خلتنا نكمل فى بيت جدنا حتى بعد ما مات و مع اخوالى وخالاتى وبعدين حصل بين امى وابويا مشكلة فوالدى ساب البيت و انا كنت فى سكن الطلبة فى الجامعة و كانت اختى فى البيت لوحدها فادعت انه ابن خالتى اللى اصغر منى بسنة دخل عليها الاوضة و كانت لابسة هدوم خفيفة فصورها وهيا نايمة و طلب انه يعمل معاها علاقة والا هينشر الصور على الفيس و يبعتها للاعمامنا و طلعت رسايل واتس اب فيها كده بردو و لقيتها سابت البيت وجاتلى على السكن فى الجامعة و هيا هناك عندى اتصلت بولد واتفقت معاه عشان يضرب ابن خالتى و تنتقم منه و معرفتنيش الا لما ضربوة وعوروه انا استغربت جدا من اللى حصل واتصدمت و بالذات انه مكنش فيه اى شرارة لموضوع زى كده و كنا كويسين سوا فطبعا محكيناش لبابا لاننا خفنا انه ابويا يكبر المشكلة اكتر و يسجنه فخالتى سابت البيت واجرت بيت تانى واختى ساعتها كانت مصاحبة بنت مش كويسة و شكينا انها بتخليها تاخد حبوب مخدرة بالذات لما لقيناها مخبية فى الدولاب حبوب بطريقة مش طبيعية من غير الشريط بتاعها يعنى لفة حبة الدوا فى ورقة بيضة بحيث منعرفش اسمهاا ايه و حاولت هيا وصاحبتها انهم يهربوا و يسيبوا البلد و كل واحدة تسرق من اهلها فلوس وتهرب فلما امى عرفت وخبت كل الفلوس منها ومنعتها قعدت اختى تضربها بالعصاية كانها عدوتها مش امها و بعدين خالاتى واخوالى كلهم عرفوا حتى خالى المسافر برة وابويا جه لما عرف انها كانت هتهرب هوا اصلا كان سايب البيت عشان يجوز واحدة تانية معاها فلوس كتيرة و دخنا بيها على الدكاترة النفسيين والمشايخ وهيا اصلا مبتصليش و كانت ساعات بتدخن قصاد امى بوقاحة انا مكنتش شاكة للحظة انها غلطانة الا لما موبايلها تسرق و كان عليه كل الرسايل اللى بتثبت بيهم كلامها و ايديها تعورت زى ما ايدو اتعورت و كانت كل شوية تقول كلام مختلف عن اللى قبله و غير كده اخوالى وخاللاتى بقو يخافو مننا جدا و محدش عاد بيحبنا و كلهم متعاطفين مع ابن خالتى و بالذات انه والده كان متوفى قبل الموضوع دة بحوالى 7 شهور و خالتى ارملة ومسكينة و مريضة و اولادها مش مطلين ضرب فيها و انا كل ما اقعد مع حد من اخوالى ولا خالتى يقعدو يتكلمو فى الموضوع ده لما اتخنقت و مبقيتش بكلم حد فيهم وامى ليل نهار مش مبطلة عياط وصعبان عليها اخواتها وانهم مبقوش يحبوها زى الاول و واختى مبقيتش بتطلع من البيت خالص و احنا اصلا هنسيب البلد ونسكن فى بلد تانية هربانين من عار اختى اللى فى كل مكان و انا حاسة انو صاحبتها دى هيا السبب و حرضتها انها تعمل كدة بلاذات لما ابن خالتى اللى حصل معاه دة كله شافها راكبة مع ابن خالى التانى العربية قصاد الناس فصور ديل الفستان بتاعها وراح قال لامه فيمكن تكون قالتلها انا متلخبطة و كل حاجة داخلة فى بعضها ومش عارفة اعمل ايه و حاسة ان قعدة الذنب بتطاردنى حاسة انى انا اللى غلطانة و مش قادرة اشكى لحد حتى اقرب صحابى ليا خايفة لحسن انزل من نظرها مش عارفة اعمل ايه انا اسفة على التطويل

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

كان الله في عونك يا ابنتي على كل هالمواقف وانت لا زال عمرك 19 سنة، ولكن يبدو انك قوية وقيادية ويمكنك التصرف بالموضوع. بالطبع الموضوع له عدة جوانب: الأخت يجب ان تكوني حازمة معها وتبقيها بعيدة كل البعد عن صديقتها التي هي عدوة وليست صديقة برضاها او بدونه ومراقبتها لانها ان كانت مدمنة على الحبوب ستحتاج لوقت للخروج من حالة الادمان التي كانت عليها، عليكم بالمراقبة الجيدة وتقديم المحبة والاحتياجات لها وشرب الكثير من الماء، وتقديم الدعم لانها مراهقة بعمر 16 سنة ولا نعلم ما الذي تعرضت له. الأم: امك تبكي على خيبة العمر التي مرت بها مع ابوك من الاصل، ومع العائلة التي حملتها جمايل، ومع بنتها التي افسدت علاقتها مع اهلها، ولكن الاهم امك تعيش خيبة امل من ذاتها وحياتها، وهنا يجب ان تتصرفي معها بحزم وان لا تلعب دور الضحية وان البكاء والعياط لا يحل ولا يربط وعليها ان تحزم امرها وبما ان ابوك استقر في البلد يجب ان تفكري بتهدئة الجو بينهما، والعودة لبيت ابيك، وخاصة انه الان موجود. أما بالنسبة للاهل، يجب ان تتحدثي مع خالك الكبير وتخبريه بالتفاصيل بما حدث وانه لن يسمح لبنت مراهقة عمرها 16 سنة تدمر علاقة اسرة وخاصة علشان امها التي لا ذنب لها، وانه من الضروري تصفية الامر بين العوائل لتقليل التوتر، لان الدم عمره ما يصبح مية، أما الحل الأسلم هو الانتقال من المنطقة وترك العائلة ويمكن ان تعيشوا في بيت ابيك- كما قلت سابقا- او ان يتأجر لكم والدكم بيت صغير تسكنون به، وتبدأون من جديد. لا تقلقي كثيرًا لان النسيان نعمة فضيلة، وبعد فترة ستنسون كل ما حدث ركزي على دراستك وعلى الجامعة لان راس مالك وسلاحك. كوني حازمة مع اختك، وشجعي امك لترك الحزن والمبادرة لتستمر الحياة

قبل 4 شهر

انتي وأمك وأختك اللي لازم تغيروا مكان إقامتكم تبقى في محافظة تانية عشان اختك تبعد عن الصديق السوء

قبل 4 شهر

بنتي المشاكل بتصير و بكبر لكن بالاخر كل شيء و له حل .. لا تيأسي و لا تخلي امك تأذي روحها من الحزن .. اصبروا و عالجي اختك و خليها تبتعد عن صديقة السوء و ابدأي بتهدئة العلاقت بين امك و خالاتك و بعدها حسني صورتكم امام الناس قليلا قليلا .. و توكلي على الله ادعي ان تنحل المشاكل معكم و يقويكم و ينصركم

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه