اناني في كل شيء و يحمل اغلاطه لغيره !

انا مشكلتي انو خطبت لشخص وما تفاهمنا وانفصلنا لانو اناني بكلشي ما بشاركني وبعمل الي حوليه شماعة لاغلاطو وانو هو ملاك وكل الناس مش موضع ثقة وكلهم غلط وهو الصح ولكن بعد فترة وباسلوب ما اقنعني انو ارجعلو وانا صدقتو لانو بامن بالفرص ومن حق كل انسان فرصة تانية. بعد ما رجعت صار يتغير ورجع متل اول ويمكن اسوأ. حتى ضربني كف وتحجج انو بلحظة عصبية ولكن بعد هذا الموقف بطلت اتقبلو نهائيا وكنت صريحة معو وحكيتلو لكن هو رافض يتركني وعندو اسلوب اقناع للغير ومنهم اهلي انو معو الحق وصرت انا موضع عدم ثقة وكانو عم بغصبوني عليه. وكثير الموضوع اثر سلبا على صحتي النفسية وما بحس بالامان معو او ممكن يحميني بالعكس كل مرة بحس باذيني اكتر من قبل مع العلم انو عن حب خطبنا و كوني صرت وحيدة بواجه متل هيك وضع واهلي ضدي. كيف ممكن اتخلص منو او شو ممكن اعمل عشان اتغلب على الوضع وارجع على الاقل ثقتي بحالي لانو بفكر بغيري اكتر من حالي