السؤال

قبل 2 شهر (7 اجابه)
7 اجابه

اريد ان اعود كما كنت قبل ان أعرفه !

انا بنت عندى 21 سنه حبيت شخص فى يوم من الايام واخلصتله فى حبى وبعد سبعة أشهر اكتشفت أنه أعطى رقم فونى لصاحبه وصاحبه حاول الكلام معى بهدف انه يوصل لبنت كان بيكلمها قبلى وحاول ذلك عن طريقى لأنها فى بلدى ولكنى رفضت مساعدته مباشرة وقررت اساعده عن طريق حبيبى وعندما عرفت شخصية هذه البنت وعرفت حبيبى انه يخبر صاحبه بعدها بيوم لقيت صاحبه بيبعتلى رسايل ان البنت مش وحشه وان انا اللى وحشه حاولت اكلم حبيبى عشان يجبلى حقى،ولكن حبيبى مردش عليا حاولت كتير ارن عليه ولكن بعد محاولات كتير ولقيت ان مفيش فايده رنيت على صاحبه عشان احاول ابرر موقفى مردش هو كمان غيرت فورا فى نفس الوقت رقم فونى وجبت رقم جديد و معرفتهوش لأى شخص ولكن بعت رساله لصاحبه بكل شئ بينى وبين حبيبى ومش معني انى حبيته تكون مش كويسه ...ولكن صاحبه رن عليا وكلمنى وفهمنى حاجات كتير مكنتش أعرفها عن الإنسان اللى حبيته واتصدمت اكتر انا عرفت ان حبيبى قال عليا انى عملت معاه كل شئ وحش فى الدنيا رغم انى حبيته سبعة شهور وعمرى مخرجت معاه فى حياتى حفاظا على تربية أهلي وخصوصا انى مكنتش متفتحه للدنيا وقعدت فتره تعبانه بعد معرفت حقيقته وبعد مفوقت من كل ده قررت ابص لمستقبلى وشكرت صاحبه انه ساندنى فى الفترة دى...واعتذرتله انى مش هقدر اتكلم معاه فون وهو زعل وقالى انى بقيت جزء من حياته وانه مش هيقدر يستغنى عنى رغم انه اتكلم معايا وعرف انى انسانه نظيفه وانى عمرى مغلطت فى حياتى.. وقالى انه بيحبنى وقالى قبل مترفضى حبى صدقينى مش هتندمى فكرت شويه بس فكرت اديله فرصه لأنه كان صادق معايا وخلانى اكلم أخواته البنات وكلمنى على كل شئ فى حياته وحكالى عن البنات اللى حبهم وطلب منى انه يقابلنى ولكنى رفضت وقالى انى مخافش منه ووافقت وخرجنا عند واحده صاحبتى وطلب يخرج معايا تانى وروحنا عند حد من قرايبه ولكنه استنهز الفرصه وبسنى وانا زعلت اوى وخلانى اروح عند اهله البيت وعرفنى على مامته ولما حكيت لصاحبتى حكت لماما وانا مبقتش عارفه اواجه ماما بس هو قرر يكلم ماما ويقولها انه بيحبنى وان اول متجيله فرصه انه يشتغل هيدخل يتقدم وبالفعل ده حصل واتحدى الدنيا كلها عشانى وبالفعل خطبنى وانا حاليا لابسه الدهب بتاعه بس خلال السنتين دول خلانى عملت حاجات كتير معاه مش حلوة زى ان كل لما نتقابل يعمل معايا علاقه مش كامله وخلانى اعمل العاده السريه وقالى انى معملهاش تانى بس انا بقيت اعملها من وراه لأنى كنت برفض وانا معاه العلاقه ..وبعدها بفتره عرفته انى كنت بعمل الحاجه دى زعل من نفسه اوى وقرر انه هيحافظ عليا وهيخلينى معملش حاجه تانى وجرحنى كتير ولما حبيبته الأولى رجعت من السفر حاول يرجعلها وهى رفضت ولما جيت واجهته قاللى انه كان بيراضى خاطرها وقالى انه بيحبنى انا وبعد فترة لقيت صاحبه بيناديله بإسم واحده وانا جيت واجهته وقالى انها مطلقه وجوزها ف السجن وهو وصاحبه كانو بيساعدوها ولما ضغطت عليه قال انه كان عاوز ينام معاها ....وجرحنى كتير اوى بس دايما بيحاول يراضينى ودايما بيعتذرلى وحاولت كتير افشكل الخطوبه ولكنه دايما بيرفض ودايما متمسك بيا اوى وبيقوللى انه عمره مهيسبنى بس اتجرحت منه كتير اوى ومش قادرة انسى اي شئ عمله فيا ومش قادرة انسى انى كنت كويسه وهو بوظنى ودايما بعيط كتير اوى وتعبانه نفسيا اوى ونفسى ارجع كويسه تانى وأقرب من ربنا اكتر وهو كمان دايما بيقولى. انا عاوز اشوفك ماسكه المصحف وبتحفظى زى الأول ومش عاوزك تسيبى فرض وبيشجعنى على كده رغم انه جارحنى بكل ده وحاجات تانيه كتير وانا كاتمه جوايا ومش معرفه حد من اهلى عشان صورته دايما تفضل حلوه ياريت تساعدونى مع العلم انه بيحبنى اوى بس محتاجه مساعدتكو ...وشكرا

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا ابنتي ولماذا تسيرين في الطريق الخطأ وتتبعين شهوات رجل لتحقيقها، وان الله كشفه لك أكثر مرة التقلب في العلاقة والانتقال من فتاة لاخرى، وكثرة الكلام عن الجنس والعشق، والرغبة لعمل علاقات وكلمات وافعال انا متأكدة انك لم تكوني تعرفينها قبله كل هذه الامور السلبية بتأثيره، يعني هو وِحِش وليس كما تقولين انه طيب وأمير. يا ابنتي ما تعريفك للشخص الطيب وصاحب الاخلاق. ثم انت خطيبته وترتدين دبلة فقط يعني لم يعقد عليك وقام بكل هذه الافعال معك، الحمد لله انه لم يهتك عرضك بعلاقة تامة، كل هذه الامور مثل المغريات، اولها دلع واخرها مصايب. هو استطاع ان يسحبك نحو ادمان العلاقة والعادة السرية المحرمة شرعًا، واستطاع ان يغريك لتنسحبي معه، ولولا ستر الله عليك لفض بكارتك - على حسب قولك- انه لم يفعل. ولا تزالين تسألين ماذا أفعل؟؟ نصيحتي لك قولي له يجب ان نتزوج حالا، وستلاحظين انه سيتردد وسيرفض مما يعني ان حججه واهية وتأكيد على ان الدبلة يقدمها لاي بنت يريد ان ينال منها بطريقة ادبية. لذا انفضيه هو وكل افكاره من عقلك ومن تفكيرك وارمي له الدبلة واعملي له حظر، واخبري امك بقرارك لتساندك، وانك اكتشفت ان اخلاقه بطالة ويخون بسهولة، وان لديه قصص وحكايات كثيرة. ودعيها تدعمك في حال وقف في وجهك، وتخبر امه ان الزواج قسمة ونصيب وانت اعملي له حظر- بلوك- على كل وسائل التواصل- وعودي لنفسك كما كنت، واستغفري ربك، وتعلمي درس ان مش كل مرة بتسلم الجرة وابتعدي عن الرجال وقصصهم التي لا يريدون سوى النيل من شرف الفتاة ثم رميها، وانتظري ان ياتيك الله برجل يستر عليك ويتفهمك اكثري من الاستغفار للتكفير عن كم الذنوب الهائل الذي لحق بك من تشويه لافكارك ومعتقداتك، واطلبي من الله ان يرزقك رجل يكمل دينك وجمالك ويحفظ اخلاقك لا يخربها. وفقك الله

قبل 2 شهر

سوي مثلي، اول شئ خذي قرار حاسم حازم ونهائي انك تحذفيه من حياتك نهائي، وما تتحرك عواطفك ناحيته لو رجع لك لانه شخص كذاب وضعيف الشخصية وما يقدر يواجهك، ثاني شئ افتحي صفحة جديدة بنفسية جديدة وغيري جو، العبي رياضة ـ اقرئي كتب، اطلعي رحلة مع اهلك او صديقاتك وغيري نفسيتك

قبل 2 شهر

كل بنت تعرضت لصدمة وحدة على الاقل في حياتها في العلاقات العاطفية، وهذا رسالة من ربنا ودرس لانه يحبنا وما يريد نوقع في الخطأ، انا لو مكانك اعمل ليالي ملاح وافراح انه انكشف بدري قبل فعلا لا تتورطين معاه في اشياء افظع، الحمد لله ربنا نجاكي من هالمصيبة

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه