تصرفاته تقلقني فترددت بالزواج منه

السلام عليكم و رحمة الله وبركاتهبيئتهم تختلف عن بيئتنا السلام عليكم و رحمة الله وبركاته انا فتاة عمري ٢٤ سنة عندي شهادة بكالوريوس تم عقد قراني على ابن خالتي عمره ٢٧ منذ ٨ أشهر تقريبا و الزواج بعد ٤ أشهر ان شاءالله لديه شهادة متوسطة ، عندما تقدم لي كنت مترددة جدا علما اني كنت أفضل من خارج زواج الاقارب، وكنت في وقت ماتقدم لي كنت منشغلة بترم التخرج جدا و كان اخي مقتنع انه شخص كويس قلت له كلمة كويس مو كفاية اتكلملي عنو أكتر عشن اقتنع قالي كويس وبس وسألت أمي بابا ايش قال عنو قالتلي ابوكي يقول ماينرد انا هنا أطمنت على رأي بابا نوعا ما علما انا خالتي ماهي قريبة جدا مننا هي وبناتها يعني أحب بقيت خالاتي لأنني احس اننا متقاربين جدا المهم ولد خالتي طلع مدخن من وراءاهلو وقالي اخويا قبل العقد انا قلت اهم شيء اخلاقو بعد العقد حسّيت إنّو شخص غريب شويا قالي انا شخص عصبي و اتنرفز، لاحظت إنّو مايحب جدا محيط الحريم كان يضايق لمن يشوف اختي قدامي بالغلط او كذا حتى وقت الزفّة في الملكة يقولي خلي وحده من اخواتي تصورنا ما ابغا اختك لمن طليت فيه لقيتو يَصْب عرق في وجهو مرة الأيام وكان يتنرفز لمن ما أرد بسرعة على الجوال او يتنرفز من دلع بابا ليا وكان مايتقبل مزح بابا المهم سألتو إنّو في وحدة من اخواتو قالتلي بيكمل تعليمو انا فرحت ولمن سألتو بتكمل تعليم قالي مافي راسي و دحين لمن بقي على الزواج ٥ أشهر رجعت سألتو يقولي ان شاءالله بكمل لاحظت فيه إنّو كريم كل مايجي عندي يجيب شيء لاحظت مكان إنّو لمن اتناقر معاه يحط الغلط على نفسو بس لاحظت الدين عندو مو مره، مثل الصوم فقط في رمضان و مايقرب قران ولا هو محافظ على الأذكار احيانا آمو تزعل منو و من تصرفاته إنّو مايسمع الكلام خالي يقولي يابنتي ترا مايصلي في المسجد وأمو بتشتكي منو بابا يقولي الرجال اغلبهم يتغيرو بعد الزواج وخصوصا مع اول مولود ما اعرف اكمل او لا جدا خايفة ومترددة مع إنّو العرسان اللي يتقدمو لي قليل بسبب إنّو عندي سكر فا يرفضو الزواج مني و ولد خالتي عارف و راضي لا حظت في أشياء أتكلم عنها يقولي بعد الزواج أتعود زي الأذكار والتحصين وقرأة القران زي سورة الكهف يقولي بعد الزواج حتى التعليم يقولي بعد ما اخلص الدين اللي عليا حق الشقة و الزواج بكمل ، هو طبيعة عملو في ورشة اغلب الوقت يقولي احبك احبك سوالي الشيء اللي ابغا في الشقة بس زمان ماكان يجي عند بيت جدتي بعد العقد صار يجي عشن انا موجودة او لمن اقولو انا رايحة عند بيت جدتي البيئة اللي هما فيها غير عننا انا أحب الهدؤ والعلم هما يحبو الإزعاج بشكل عام انا راح اسكن في عمارة ابو في الدور الثالث آمو اللي هيا خالتي معاها شهادة ابتدائي و يمكن ماكملت و زوج خالتي ماهو موظف و هما وضعهم اقل مننا بشويا و العمارة حقت ابو قديمة وابو من النوع العصبي ممكن بنسمع صوتو في العمارة بسبب كبر السن يقولي انا اكره كبار السن ما أحب جلستهم ،حتى بابا يكرهو انا زعلت بس قالي احترم ابوكي ما أنكر إنّو ماشاءالله يسأل عن ماما وبابا لمن يكلمني و يقولي اخواتي يحبوكي و أمي تحبك وكذا بس ماني عارفة اذا هو شخص كويس اني ارتبط فيه و يكون أب لأولادي ؟؟؟