أمي مستعدة تقتل بناتها من أجل أبنائها!

السلام عليكم انا بنت عمري 26 سنة مشكلتي كلها مع امي !! نحنا بالبيت امي و انا و اخواني ثلاثة شباب و الباقي كلهم متزوجين ... أمي بتميز لأولادها شباب كثير مستعدة تمَوْت كل بناتها عشان أولادها .. من و احنا صغار دائما بالعيد تشتري ملابس العيد فقط للذكور بحجة انهم هم يلي بيطلعو بره ... صار موقف قبل 3 اشهر اختلفت انا و اخوي و كان الحق معي لكن هو متعود يوخذ كل شي بالقوة انا ما سكتت و قد ما عصبت صار جسمي كله يرتجف و وجهي احمر و حسيت قلبي رح يطلع من صدري قد ما بدق بسرعة و اجت امي بكل بساطة و استجابت لابنها و لا كأني موجودة .. يعني لو انجلطت و متت قدامها عادي .. و تريد مني بعد أن أنهي دوامي حيث أعمل للساعة أربعة اني اشتغل كل شغل البيت مع العلم أنه بيتنا بيت العيلة و كبير كثير .. كما تحاول أن تجبرني هي و اولادها على دفع ما يقارب نصف راتبي للبيت علما انه هي بتستلم راتب و إخواني كلهم بيشتغلو طبعا انا رفضت هددوني انهم يطردوني من البيت و من حوالي ثلاث اشهر هذا الحكي و انا ما بحكي معهم بالبيت و لا بأكل معهم بروح من الدوام على غرفتي و ما بحكي مع حد ... راودتني كثير فكرة الانتحار بس كل مرة بتراجع بآخر لحظة لأنه حرام .... كرهت الدنيا كلها .. مش عارفة شو اعمل ؟؟؟ إذا هيك امي شو ممكن اتوقع من باقي الناس ؟؟