أمه أهانتني ولم أخبر أحد

انا اتجوزت صالونات و كان زوجى كويس ومحترم لحد الجواز و بعد الجواز بقى واحد تانى من يوم الفرح طلعنى شقتى من غير اهلى بالشد هو وحماتى و لما اهلى جم وزعلوا الصراحه راح اعتذر واهلى قالوا اللى فات مات و اتعملى عادى وفعلا جوزى سافر بعد الفرح باسبوع و هايبعتلى احصله بعدها بشهرين و اعت فى بيت اهلى و كنت بتصل بحماتى اسبوعيا و بزورها كل شهر مره و المده طالت بقت خمس شهور وجوزى قال الاجراءات بتتاخر و فى المده دى جوزى مكنش بيبعت فلوس ولا بيصرف عليا خالص بحجه انه عليه ديون و انا وفقت وقولت اقف جنب جوزى و هو كان منعنى اشتغل وكان كل اللى باقى معايا من مصريف الجواز نقطتى و صرفتهم على نفسى فى الخمس شهور وما قولتش حاجه لاهلى على موضوع الفلوس وللعلم انا يتيمه الابوين ولا يوجد معاش ، وبعد كده الاجراءات خلصت ورحت اسلم على حماتى و جوزى كلمنى وقال امى هاتتكلم معاكى و عدى القعده لو قالت كلام وحش و شالت خاطر جوزى وقولت بدل جوزى كويس ابلع لحماتى الظلط و رحت و فعلا اتكلمت وحش و لمحت باهانات ليا ولاهلى و انا عديت اليوم وسافرت لجوزى و قال هابعد عنها و اللى ما بينا معمله وبر بما يرضى الله و اول لما سافرت من اول يوم وجوزى بيسالنى عن اللى حصل وانا بقوله مفيش ومش عايزا احكى وبقوله كان يوم حلو وضحكنا وسلمت عليهم