إما أن أقبل بوجوده أو سوف تصلني ورقة طلاقي

قضايا اجتماعية
إما أن أقبل بوجوده أو سوف تصلني ورقة طلاقي

مشكلتي اناخو جوزي اتوفي وهوة ومراته في حادثه وسابو ولد 5 سنين تقريبا كميه الشقاوه اللي في الدنيا كلها ومش بيسمع الكلام جبهولي وانا عروسه كام شهر يعيش معايا ومن يومها مش عارفه ارتاح وداخل عالسنه معايا ودلوقتي معايا بيبي مش عارفه الاحق عليه ولا علي ابني وشقي جدا ومحدش يقولي اعتبريه ابنك وهتخشي الجنه والكلام ده انا مش ملزمه استحمل عيل مش ابني ده فضل مني وانا مش قادره مش اولي بيه اهل امه او حمايا وحماتي انا تعبت جدا وجوزي مش راضي يديه لحد لدرجه خيرني بينه وبين الطلاق اعمل ايه انا مش قادره استحمل ولا بقيت طايقه العيشه وتعبتبيلعب في كل حاجه وبهدل حاجتي كلها ده حتي لو فيه شوكلت في البيت ياكولها كلها وملقيش ليا وده مش طفاسه مني لكن من حقي اكل في بيتي وجوزي كمان عامل له مصروف وبيجيب للولد لعب كل شويه بيكسرها بعد ساعه مش حرام الفلوس دي ابني اولي بيها ولو مثلا عاوزه اقعد مع جوزي ميرداش ينام ويبوظ كل حاجه شوفولي حل ارجوكم مش عارفه ارتاح في بيتي

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري عليك بجمع العيلة وطرح الموضوع فالوضع غير صحي للجميع بضمنهم الولد لانه غير مرغوب به من قبلك وهذا الامر يعود لك وليس نقدا لك ولكن من حقك الاختيار فانت من تقوم بالعبء الامبر وممكن ان تتحمليه في فترة معينة ولكن يفرض على حياتك دون رضاك لن يكون جيدا للجميع بمن فيهم ابنك عليك طرح هذه الامور على الاقل من اكل الطفل نفسه فهو ممكن ان يكون في ثلاثة اماكن على الاقل احدها الاساسي ويفضل اهل الام حتى قانونيا هو المكان المفروض التواحد فيه ثم اهل الزوج وثالثا مكان اخر اي عندكم ممكن ان تستضيفوه مرة في الاسبوع مثلا،،، والامر الاخر طفل تعرض الى هذا الفقد لابد ان يعاني من حالات نفسية مختلفة كفرط الحركة والاكتئاب المفروض ايضا ان يعرض على طبيب نفسية اطفال للتعامل معه والتوجيه كيفية التصرف الامثل لصالحه وصالحكم وممكن هو الذي يقنع الجميع ان وضعه معكم غير صحيح. لذلك ركزي ايضا على هذا الموضوع
  • المدرب ماهر سلامة سيدتي على زوجك أن يفهم أن ليس الآن وقت لعب دور البطولة في احتضان ابن أخيه. لو سارت الاْمور بخير وهدوء لما اضطررت لكتابة هذه الرسالة، ولكنها لم تمر هذه الحضانة بهدوء، وعلى زوجك سماع صوتك أيضا فهذا حقك. كان على زوجك أن يستشيرك فهذا بيته بقدر ما هو بيتك. هذه هي واقعية الحياة، ننسجم مع أشياء أو لا ننسجم مع أشياء. وكما تقولين فالجد والجدة هما المكان الامثل لذلك، كما أهل أمه أحيانا. لا لشيء إلا لاْنه سوف لا يشعر بغربة هناك كما يشعر في بيتكم، وهذا واضح من تصرفاته. الحادث قاس جدا على زوجك، وعلى الولد لاشك، والمكان الأمثل لسكينته هو بيت الجدة. في هذه الظروف حنان الجد والجدة هو الامثل، عندها سيشعر بسكينة أكثر، وسوف يسمع الكلام بشكل أفضل، وسوف يقبل توبيخ جده وجدته عندما يقوم بعمل غير جيد. هو يعرف بداخله إنكم بلا سلطة أخلاقية عليه، ولكن لجده وجدته سلطة أخلاقية مشروعه عليه هو يعرفها. لذا سلوكيا وشخصيا ونفسيا من الاْفضل السكن عند كبار العمر وليس عند شباب مثلكم. هي أفضل طريقة لعلاج حالة فقده لاْهله، وأنا أتكلم عن تجارب شبيهة. شكرا وبالتوفيق سيدتي، ولا داعي لذكر المسائل المالية، فهذه سوف تبقى مسؤولية أخيه حتما. شكرا مرة أخرى
  • animate

  • صورة علم Saudi Arabia
    صورة علم Saudi Arabia
    من مجهول
    كل الولاد فى العمر ده بيكونوا اشقياء وابنك هيكون كده لما يكبر وهيكسر كل شي ويخرب اى شي قدامه غير كميه الالعاب الى هيبوظها وع فكره الالعاب الى بيكسرها ابنك مش احق بيها ولا بتمنها لان جوزك حاليا هو ابو الولد فعلا ولازم يهتم بيه زى ابنه تماما ومينفعش يقول مليش دعوه ولو كان الولد ده ابن اختك انتى او اخوكى انتى عمرك ما كنتى هتقولى كده او هتحسي بالكلام ده بس لانك بتعتبريه غريب عنك بتحسي بكده انما زوجك معتبره ابنه ومستعد يضحى علشانه بكل شي حتى بيكى انتى وابنك لانه حاسس بالمسؤليه تجاه الولد ده وشايف انه بحاول يعوض اخوه فى تربيه ابنه تربيه حسنه .
  • صورة علم Algeria
    صورة علم Algeria
    من مجهول
    ما تستحي أنانية
  • صورة علم Egypt
    صورة علم Egypt
    من مجهول
    كلكم بقيتوا ملايكه لموا اجنحتكم شويه والنبي... يا حبيبتي انتي حقك وكل حاجه تاخدي راحتك في بيتك بس تعالى احسبيها بالعقل مش يمكن لو قربتي شويه من الولد يبتدي يهدي ويسمع كلامك وصليله انك بتحبيه يا حبيبتي محدش ضامن يمكن ده اللي يكون سندك حاولي تتقبليه شويه بدل ماتخسري كل حاجه
  • صورة علم Algeria
    صورة علم Algeria
    من مجهول
    طلقي و يتمي ابنك و احرمي نفسك من اجر الدنياو الاخرة...اطلقي ما ليكش في الطيب نصيب...
  • صورة علم Egypt
    صورة علم Egypt
    من مجهول
    لا ترفضي عطية الله
  • صورة علم Kuwait
    صورة علم Kuwait
    من مجهول
    تصدقى انا قلبي وجعنى على الطفل المسكين اليتيم الي ابوه و أمه ماتوا يعنى الطفل ده أتحرم من اهم احساس أمان و حنان و حب غير مشروط في الدنيا. الطفل ده بجد كان محتاج منك الحب و الحنان مش علشانه علشانك انتى لان ربنا بعتلك هديه و انتى بترفضى الهديه. حبيبتي ربنا اختارك تكونى أم الطفل ده لانه متاكد انك انسانه كويسه جدا من جواكى مترفضيش هديه ربنا و لا حسن ظنه بيكى ، ربنا صدقينى عارفك أحسن ما انتى عارفه نفسك حبي الطفل ده و صلى من قلبك ان انتى تكونى اد المسؤوليه ديه. ربنا يديكى الصحه و الحب لابنك و جوزك و للطفل اليتيم ده.
  • صورة علم Kuwait
    صورة علم Kuwait
    من مجهول
    ياستي حولي تكسبي الولد ده لسه صغير وكفاية انو اتحرم من امه اتقي الله في نفسك وفي ابنك لو كان العكس اني اخوكي ال لقدر الله هو ال مات وده ابن اخوكي كونتي هتسيبه في السن ده وكافل اليتيم ك هاتين في الجنه انا مش عارفه حصل ايه لقلوب الناس
  • صورة علم Tunisia
    صورة علم Tunisia
    من مجهول
    لو كان ابن اختك و الا اخيك هل سيكون هذا موقفكي منه اتقي الله و احمديه لانه اوجد لكي سببا لدخول الجنة و احتوي الطفل اليتيم و احبيه من قلبك ستري بان حياتكي ستصبح جنة و ابواب الخير ستفتح في وجهكي
  • صورة علم Kuwait
    صورة علم Kuwait
    من مجهول
    كل اللي بيعمله الطفل دا عادي كل الاطفال بتعمله بس بنستحملهم علشان هم اولادنا لكن انتي مش راضيه تستحمليهً علشان رافضه تعتبريه ابنك انا مع ان الطفل دا يبعد عنك لمصلحته مش لمصلحتك لأنك غير جديره بنعمه تربيته ... دا نعمه من ربنا ليكي وانتي بترفضيها يمكن بسببه ربنا يطرح البركه لأولادك ويكونوا مطيعين بارين لكن مع سلوكك دا الله اعلم التعب اللي رفضتي تتعبيه مع الطفل دا ممكن تتعبي اضعافه في تربيه ابن عاق ليكي مثلا ... كما تدين تدان .. خليتي الواحد خايف علي نفسه علشان أولاده ربنا مايحوجهم لواحده زيك ...
  • صورة علم United Arab Emirates
    صورة علم United Arab Emirates
    من مجهول
    يا كافل اليتيم رفقا بكلماتكأوجعتنا بجرح ولك الحق بسؤالكتذكر أنه سيكبر وترتاح من أوجاعكويبقى لك أثر الأجر والبر من أولادكهو الرزق والعافية والبركة بحياتكوالخير الممدود بلا أمراض تأخذ باسكسنتان ويعقل ومثلهم وينضج وزد عليهم كما تشاء ليرتقي إحساسكوتذكر فقط تذكر أن وعد رسولك بالجنة سترفع شانك➖➖➖➖➖➖➖➖
  • صورة علم Egypt
    صورة علم Egypt
    من مجهول
    غصب عنك تتحملية ده من لحمة وهو رجل الا حط الشرط ده والا مش عجبه الباب يفوت جمل وع العلم انتي يقدر يغيرك انما لا يقدر علي تغير ابن اخيه المتوفي لان انتي لم تعرقي معني كلمة اخ
  • صورة علم Egypt
    صورة علم Egypt
    من مجهول
    فعلا دى مشكلة لأنك متجوزاه وهو لوحده انتى مش ملزمة طبعا لازم الولد كان ياخد عليكى ويحبك لكن الظروف جده وجدته وخالته أولى بيه وانتى ماتقطعيش الود والاتصال كل أسبوع ييجى لك يوم بطوله يمكن يكبر وسلوكه يتغير شوية عندهم وشوية عنك مستقبليا لكن مش مفروض عليكى تطلبى من جوزك يديه لاهلة لأن انتى لوابن اختك كنتى تحبيه اكتر يصبر عليكى جوزك لكن لوصمم قولى له دى مسؤلية وأهله عايشين
  • صورة علم Egypt
    صورة علم Egypt
    من مجهول
    مشكلة الطفل انه حاسس انك مش بتحبيه ده اللي واضح من كلامك حاولي تحبيه وسايسيه لانه فى عمرة الطفل ده انتي اللي بتشكليه وعلشان كده لازم الطفل يبعد عنك لان لو كبر طفل وهو فى بيتك باسلوك ومعاملتك معاه هيكره الناس وممكن ده يأثر عليه فى المستقبل واعرفي يابنت الناس ان الظروف اللي اجبرة الطفل انه يقعد عندك كانت ممكن تكون ظروف ابنك انتي فاتقي الله فيه
  • صورة علم Saudi Arabia
    صورة علم Saudi Arabia
    من مجهول
    آلمتني الرساله باب من ابواب الجنه وجا لحدك قديكون ارحم وابر بك من ولدك سبحان الله فأنا اليتيم فلا تقهر تمسكي به وادعي الله ان يربط ع قلبك ويعينك ع ذلك ربيه كما تريدين لازال طفلا عوديه ع ما تحبينامسحي ع رأسه لقد فقد امه واباه يا لها من اوجاع تلك التي سيتحملها ذلك القلب الصغير
  • صورة علم United Arab Emirates
    صورة علم United Arab Emirates
    من مجهول
    انتي ايه معندكيش قلب؟ مدام قولتي محدش يقول ليك انتي مش ملزمة تربيه والكلام ال قولتيه خلاص اتطلقي وروحي لبيت ابوكي وربي ابنك لوحدك وبكرة يتزوج واحدة احسن منك تشيل الولد فعينها وتدخل الجنة بسببه بتتكلمي على الشوكولاتة؟ ياااااه ده جوع ولا ايه ده؟ده في ناس بتتكفل بالايتام علشان ربنا وانتي جالك خير لحد بيتك ومش عايزاه انا بصراحة عندي كلام كثيييير عايزة أقوله من كثر ما موضوعك بصراحة عصبني انتي واحدة معندكشي قلب والله يكون فعون جوزك والولد المسكين خافي من ربنا متعرفيش ربنا مخبي ليك ايه.
  • صورة علم Kuwait
    صورة علم Kuwait
    من مجهول
    اعتبريه ابنك احتضنيه هبحبك ويسمع كلامك ده طفل تقدرى تشكليه زى ما انتى عاوزه واكسبى الجنه مع الرسول صلى الله عليه وسلم انتى مش عارفه تتعاملى معاه ممكن يكون بعدين أوفى ليكى من ابنك الله اعلم بالخير فين
  • صورة علم Egypt
    صورة علم Egypt
    من مجهول
    حبيبة قلبي اتكرهين ان تكوني بجوار رسول الله في الجنه؟ لقد اختارك الله لان تكوني ملاكآ للرحمه اعتبريه ثمن لرضاء ربنا ورسوله فهو طفل يتيم وفي اشد الاحتياج الي حبك ورعايتك وصدقيني علي قد صبرك وحنانك سوف تئوجرين من رب العباد فهو سيقدر حجم صبرك ومعاناتك معه وستقر عينك به عندما ترينه شابا يافعا بين يديكي سيكون سندك انتي وزوجك واخ كبير لاولادك انا عارفه ان ده في الاول هيكون صعب عليكي ولكن الجنه ليه ثمن حاولي بكل الطرق ان تكوني ام لهذا الطفل ماحدش عارف بكره فيه ايه لو هذا الولد كان ابن اخيكي او اختك مش كنتي تمسكتي به؟ وعلي ماهتربي تهتلاقي
  • صورة علم Kuwait
    صورة علم Kuwait
    من مجهول
    هو معلش ده لوكان أبنك كنتي اتبرعتي بيه للجمعيات الخيريه اتقي الله والمصيبه في ناس بتأييد كلامك أنتم عالم بالاضمير ولااخلاق ارحموا مافي الأرض يرحمكم ماف

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟