أبي موسوس وشكاك

السلام عليكم مشكلتي هي (ابوي) انسان شكاك وموسووس تعبنا منه ومن تصرفاته / طبعا نعرف السبب وكاشفينه لانه يراسل بنات ويتكلم معاهم ويتابع حسابات وسخه احسن فشلنا عند الناس المشكله كاتب اسمه بتويتر رحت فتحت حسابه وحذفت كل الحسابات القذره منه وبعدها ما اضاف شي ولا سأل / والانستقرام كاتب اسمه مجهول وكذا لاكن نتابعه وهو يدري ومع كذا ماخذ الخاص وساخه والحين هو موقف مكالمات مع البنات وان شاء الله نقول انه عقل لكن المشكله يحسبنا كلنا ياعياله مثله لدرجة اليومين ذي صاير يتلفظ بالفاظ على خواتي قذره يحسب خواتي مثل اللي يعرفهم ( يقول لاختي يا وسخه ........نفسية خواتي تعبانه منه (((ايش الحل ))))ومشكلته الثانيه انه معادي اصدقاء اخوي مع انهم قرايبنادايم يقوله اذا هاوشوك اضربهم لاتسمح لهم يرسلونك انت امرهم وكذا مره ضرب واحد منهم بعد ماهو مسلم عليه والوضع عادي جدا فجاه قام وسحبه وضربه بوسط الناس يقول انت قلت لي اول قبل كم سنه انك( انت وولدي اللي هو اخوي اخوان) وكذا تخيلوا يعتبر هالكلمه غلط !!!! الولد محترم بس يقول ليش تحسب ولدي محتاج لك كذا نظرته ..كانه يغار منهم والله مدري ايش يبي بالظبط مشكلته الاساسيه هو عمي وعياله يحشون ابوي على اخوي ليش ولدك ما يمشي معنا ليش ولدك ماهو مع الرجال فهو يحاول يبعد اخوي عنهم عشان يسحبه لعمي وعياله كذا واخوي مايبيهم لانهم يرمون كلام عليه وبرجولته / ودايم يقول ليش ماتصير مثل عيال عمك مع ابوهم مع ان اخوي مودب بس عمي يغسل مخ ابوي ويخربه عليه تعبنا معاه رحت وتهاوشت معاه عشان ظرب الولد قلت ليش هو ولدك عشان تظربه ايش دخلك فيه يضحك وما يرد علي كانه يستغبي ومن بكرا ما كانه سوا شي ابد غريب مره احيانا احسه مريض كل غلط يسويه وتهاوشينه عليه يسوي نفسه مايسمع وينشغل باي شي لكنه عارف كل شي ومعك ويسمع كل اللي قلته ومن بعدها يبدا حرب عليك اللي يسلك له يدلله واللي يعانده بكلمه وبرايي يعاديه وينشب له ماخذ الدنيا كانه حربوكان الناس اعدائه وكل حركه يفسرها انهم يقصدون الناس فيها شي ضده ايش الحل معاه ارجوكم ابي ناس فاهمه ترد علي