السؤال

قبل 7 شهر (7 اجابه)
7 اجابه

شخصيتي ضعيفة وما عندي ثقة بنفسي

مرحبا انا شب عمري ١٨ سنة عندي مشكلة من و انا صغير انو ما عندي ثقة بنفسي ابدا و دايما اهلي و قرايبي بحسسوني اني اشي تافه و اي حدا بقدر يضحك علي ... مرت علي فترة لما كان عمري ١٦ صار معي مرض نفسي اتوقع انو انفصام الشخصية سجلت بنادي حديد و قرأت عن شغلة العقل الباطن انو كيف اقنع حالي اني قوي و هيك و كل يوم اوقف قدام المراي و اقنع حالي اني قوي و انو الناس بتخاف مني و انا ما بخاف من حدا .. و فعلا اقتنعت بالفكرة ، و عملت عالم ثاني بعقلي يعني وقتها ع سبيل المثال كنت مستعد اقتل بني ادم و ما احس بأي زيادة بسرعة نبضات القلب ولا احس بأي اشي ابدا يعني زي كأنو اشي طبيعي ، و بالمدرسة كانوا المعلمين نفسهم يخافوا مني او يحكوا معي بس هاي الشغلة كانت متعبيتني كثير بصعوبة لحتى انام و اضل افكر و احكي انو انا قوي و اصحى الصبح و عقلي بعدو بعيد بنفس الجملة و بطلت اهتم بحالي ، شكلي ، نظافة شخصية ، حتى الاشياء الي كنت احبها بطلت اهتم فيها ابدا يعني الشغلة هاي ضلت سنة تقريبا بعدها بطلت افكر التفكير هذا و صرت اسوء من الاول بالخجل و ضعف الشخصية ، بالوقت الحالي دايما بضل قلقان و متوتر و باكل باظافري ، لو طفل صغير يسب علي او يغلط علي قلبي بوقع من الخوف ... ممكن تقولو اني ببالغ او اشي مثل هيك بس والله انو كل حرف حكيتوا صار ... ضل نقطة اخيرة نسيت احكي عنها انو زمان كنت انقهر من اي اشي تافه بس لما صارت معي القصة هاي بطلت انقهر او احس بأي نوع من الغضب و لحد الان ما بنقهر لو شو ما يعملوا معي الناس ولا بعمل اي ردة فعل . هسا كيف ممكن اني اقوي شخصيتي و احس بأحترام بالذات مع العلم انا مش اجتماعي نهائياً و حتى بالبيت ما بحكي مع حدا و ما في صحبة بيني و بين عائلتي. و يعطيكوا العافية

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا ابني هذه الأمور ترافقت مع فترة المراهقة وتغيّر الهرمونات، وان شاء الله بتعدي على خير. أقول بما أنك اقتنعت أن العقل الباطني يمكن أن يكون قوي وله تأثير على الشخصية يمكنك أن تستغل هذه النقطة لصالحك، بدل ما تكون لاظهار العضلات عليك استخدامها لتكرار عبارة انا شخص صالح، وقوي، وواثق بنفسي وتبدأ على تعديل تصرفاتك بناء عليه. ابدأ باظهار احترام لنفسك، واحب نفسك، وتصالح مع حالك، اهتم بنومك وبنظافتك وبصحتك وكرر انا شخص طيب، وسيكون لي شأن ذات يوم، لأنك بالفعل قوي ولكن تحتاج لتوجيه هذه القوة في اتجاه ايجابي فاعل. ركّز على دراستك وعلى محبة كل من حولك، وبالأخص أهلك، بادر أنت بالكلام الطيب، بادر بالعمل الصالح، اهتم برعاية والدتك لتبدأ بالاحساس انك محبوب. حافظ على مكارم الأخلاق، لأن الناس تحترم من داخلها الانسان المحترم، وانت شاب محترم ولم تقترف اي شيء خطأ، ولن تقترفه لأن عقلك قوي، وتستطيع التمييز بين الصح والخطأ، تسامح عن اخطاء من حولك ولترقة بأخلاقك وسلوكك الحسن. كرر انا شخص مهذب ومحترم، ادرس والعب رياضة، وضع لنفسك هدف. أنت مفروض في التوجيهي، وعندك التزامات دراسية لتدخل الجامعة، ما هدفك؟ ماذا تريد أن تدرس. يا ولدي الناس تراك كما ترى نفسك فلا تكن في أطراف السلوك المتناقضة، كن في الوسط حيث الفضائل، وخير الأمور أوسطها. ابدأ بالتعامل بالحسنى مع الناس، رد السلام، ابتسم للاخرين، قل عبارات لطيفة مثل لو سمحت، من فضلك، اشكر الاخرين. قل لوالديك كلمات طيبة، اطلب رضاهما، هذه الأمور كلها تزيد من حسن اخلاقك حسنا وتسو فيها فوق العالم. وفقك الله ورعام لتحقيق احلامك واهدافك

قبل 7 شهر

راجع طبيب نفسى فانت بحاجة ملحة للعلاج النفسى قبل ان تتدهور حالتك الى الاسوء وصارح شخص قريب منك بما تعانيه حتى يساندك ويساعدك فى تخطى ازمتك

قبل 7 شهر

اقبل على ممارسة الرياضة فهى لها فوائد عظيمة للصحة النفسية والجسمية والعقلية تفرغ انفعالاتك وكبتك وتحسن حالتك المزاجية

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه