السؤال

قبل 6 شهر (3 اجابه)
3 اجابه

اشعر بالتوتر عند الدراسه و اخاف من الرسوب

مرحبا انا طالب توجيهي وواقع بمشكلة كبيرة انا عندي اول امتحان ب ٢٨/٥ تقريبا ١٥ يوم يعني وببلشو. وبضل ازهق وبضيع ساعات كتير وانا صافن وبدون ما ادرس. وخاسس حالي كل الي درستو قبل والمواد الي خاتمها مش حافظا ولا فاهمها وبشوف صحابي ٢٤ ساعة بدرسو على حكيهم وحافظين كل المواد (كييييييبييييييف) والله بوخد دواء عشان التركيز وبوكل سمسم وبوكل مكسرات بس على الفاضي. وانا كل ما اتزكر كيف دارسين صحابي بصير عندي حالة اكتئاب وبصير احكي انو رح ارسب والله مش عارف شو اعمل مشان الله بدي حد يساعدني وانا بديش معدل مش فارقه معي بس بدي ٦٥ عشان ادخل الجامعة بديش ولا علامة زياده عن المعدل الي بدخلني الجامعة يا ريت تساعدوني وشكرا

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

امتحان التوجيهي امتحان صعب ومرهق للأعصاب لك ولمن حولك. بما ان الامتحان سيبدا قريبا فيمكنك: ١- وضع جدول يومي لدراسة المواد، على ان يكون هذا الجدول واقعي ويمكنك تنفيذه. ٢- استعن بالدراسة مع هم من معك في المنزل. قد تطلب منهم مساعدتك ودعمك بالجلوس معك او مساعدتك في الدراسة. ٣- يمكنك تخصيص بعض من الوقت لمراجعة المواد مع أصدقاءك لمعرفة الأجزاء التي تحتاج التركيز عليها اكثر. ٤- ابذل ما عليك من جهد واعتمد على الله. أتمنى لك التوفيق والنجاح،

قبل 6 شهر

احكيلك شي احلى فترة بالعمر هي فترة الدراسة استمتع فيها وخدها على اساس انها متل الشغل ازا حبيت شغلك بتبدع فيه وهيك الدراسة حبها بتبدع فيها بكرا بتصير احسن حدا وبتشتري السيارة الي بدك اياها وبتسافر على كل دوله بتحبها وهاد كله بتقدر تحققه بالشهاده بس واصحابك اقطع علاقتك فيهم لحتى ما ياثروا على افكارك لانه للاسف الناس بطلت متل زمان بتحب الخير لبعضها كل ما شافوك حزين ومدمر بفرحوا كتير انا كنت متلك بس انا ما بدي اي معدل لانه الجامعه صعبه كتير وبدها جهد كتير وعندي طموح وهو المحاسبة وكنت من الأوائل ووالدي سنة التوجيهي اتوفى وانصدمت وحزنت كتير وتغيرت كل حياتي واجلت دراستي سنه ونص وصدقني اخوي ما حدا فادني ولا دموعي رجعت والدي وقررت اتعب وأكمل هدفي وطموحي واسهر واجتهد ولا بهمني بكلام الناس وهلا انا سنه تالته محاسبة الحمد لله رب العالمين ((((((واكتر شي فادني قربي من رب العالمين بس وبس احس حالي متضايقه من الدراسه متلي متل اي انسان بتضايق من التعب والجهد بقرأ سورة البقرة وبسمع لمصطفى حسني يا الله شو رح تتغير كل حياتك لما تسمعه وكمان الدكتور إبراهيم الفقي الله يرحمه))))))))))))) ، الله يوفقك ويسعدك وينجحك .

6 شهر

يا الله ما احسنك اعطيتني امل وعفكره انا تجاري وبدي ادخل محاسبة وصحابي رح اخفف الحكي معهم ويا رب اتوفق وانجح شكرا الك كتير والله يوفقك وتنجح بحياتك زياده يا رب


قبل 6 شهر

مالها علاقه المكسرات ولا السمسم انت خليك مركز بالمواد وراجع كل يوم مادة واذا صعبه عليك روح لصديق وذاكر معاه شوي شوي بتحصل نفسك مثلهم ومثل ما درست ونجحت لحاد ماوصلت المرحله هذي راح تكمل ان شاء الله اعتمد على الله وعلى نفسك واصداقء الجيدين وربنا يوفقك يارب

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه