غير مسؤول مني ولا من أولاده!

قضايا اسرية
animate

السلام عليكم ورحمة الله وبركاته انا امرآة متزوجه صارلي ١٢ سنة مشكلتي بزوجي انا حبيته وتزوجته وهو من سكان الضفه وانا سكان القدس فطبعاً زواج اختلاف الهويات الو مشاكل ،،،! بس انا ما اهتميت للمشاكل والعواقب الي راح تواجهنا بس لقيت مشكلة معو ومع اهلو كنت صغيره كان عمري ١٨سنه وانا من عائلة ماديتها ميسوره الحمدالله وانا وحيدة اهلي فكنت صغيره ومع عندي تجارب بالدنيا وكلام النسوان وكيد النسوان وحساسة للدرجه اني بزعل اذا حد صرخ بوجهي او اي غلط لاني في بيئة اهلي ممنوع هادا الاشي الاحترام واجب وهم عادي مستعدين يجرحوك ويقللوا قيمتك عن طريق المزح المهم انا عيشت معه هو سميع لاهله وماديته مش منيحه حسب قولهم من اول ما اتجوزت لقيت مشاكل بيني وبينو ما في عندو احترام وما بصرف علي كزوجه وانا من كتر ما كنت احبه اعطيه مني واصرف صرت ادفع اجار البيت واصرف ع ملابسي وادفع تاميني وارنونتي وحكمتي وصالوني وكل ايشس بتعلق في حتى بيتي اغراض البيت انا بدفعها من تحف ومن اشياء بتلزم البيت بحجه انو هاد كلو برستيجك انا مش مجبور صالون الشعر اعملي بالبيت اواعي انا مجبور بلبسه في الصيف ولبسه بالشتاء مالي خص باواعيكي وياريت بجيب لبسة الشتاء والصيف انا تخرجت منالجامعه من مالي الخاص الي ورثته من اهلي ووخلصت تعليم السواقه واشترت سياره كلو مني وهو مش مسوؤل عني في اي شغله غير انو مشاكل بيني وبينو بضرب وبغلط وتدخل امو وضربي عشان امو وتركي دايما لنصاص الليالي بحجة الشغل ما بعطل ولا بطلع ولا باجي لا انا ولا اوالاده امي واخوتي بياخدوني وبجيبوني رحل ومشاوير انا وولادي يعني اهلي بصرفوا علي وانا بطلت احبه نفسي اكون مبسوطة معه ونفسي افيق يوم متفائلة بقوم من نومي غصباً عني صرت عصبيه لدرجةلا توصف وبكرهوا وبكره اهلو بس ميش قادره ابعد عشان اولادي ما الي غيرهم شو الحل اتركه واترك ولادي واكسب نفسي ويلا اضحي بحياته عشان ولادي كل الي حولي قالولي اتركوا وما اطلع وراي لانو ظلمني وظالم ولادي مش مسؤول عنا وما عندو احترام ويلا مخافه الله ؟؟؟؟

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي بما انك تكرهينه وتتعرضين للعنف وانت عموما غير سعيدة معه فمن الأفضل ان تتركيه. أما بالنسبة للأولاد، فغالب الظن انه سيعطيك إياهم لتتكفلي بمصاريفهم. قمت بالعمل الصائب بإكمال تعليمك وشراء سيارة، ابحثي عن عمل واعملي لتستقلي بحياتك وترعي اولادك، يبدو لي انك تستطيعين تحمل نفقاتهم حيث انك تدفعين معظم الأشياء كما ذكرت. غالبا سيستغل موضوع الاولاد، لكني اعتقد ان تركتيهم لفترة معه فسيرجوك لتأخذيهم حيث يبدو انه غير مستعد او قادر على الاعتناء بهم. كوني قوية وغيري حياتك فنت تستحقين افضل من ذلك وليس من المعقول ان تدفعي ثمن زواج غير متكافئ طيلة العمر.

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟