السؤال

قبل 7 شهر (3 اجابه)
3 اجابه

البنت الكبيرة بالصف الخامس حساسة واتكالية

السلام عليكم ورحمة الله وبركاته أنا أم عندي بنت وولدين البنت الكبيرة بالصف الخامس يعني كتير حساسة واتكالية وأنا صرت أعنفها كتير وأقارنها بأخوها اللي بالصف الثالث لأنه مجتهد وبقوم بواجباته بدون ما احكيله وغير ترتيبه ونظافته بدروسها بكل امتحان رياضيات ببعتها لمعلمة لأنه من الصف الرابع تراجعت بالرياضيات وبالخامس تراجعت أكثر هلأ لاحظت عليها طول السنة صارت كل موعد امتحان الرياضيات بتمرض وبتصيبها حرارة وتحسس بكل امتحانات الرياضيات هيك صارلها وأنا قلبي بوجعني عليها كانت تضلها متضايئة من بنات صفها وكنت أقويها وأعلمها شو ترد عليهم بس وضعها بحزن تعاملت معها بالحسنى وتعاملت معها بالتعنيف وهي ما تحسنت لما أعصب بسمعها كلام قاسي ولما أراجع نفسي بحكي معها برواء وحب وحنية وكمان عندها جبن وخوف لدرجة بتفوت الحمام ما بتسكر الباب وبتطلع عالسريع وبتخاف تنام بغرفتها لحالها بتنام بغرفة اخوانها وإذا كنا عند ناس ما بتروح عالحمام وبتصبر حالها بس أنا كتير قلقة عليها ومع العلم بوفرلها كل احتياجاتها واحتياجات المدرسة وهي بمدرسة خاصة كانت من الأوائل ومن الصف الرابع تراجعت وهلأ بالخامس تراجعت علاماتها كتير بالرياضيات مع إنها خلال الحصص بجاوب وبتحل المسائل صح بس بالامتحان بتخبص وهي من النوع اللي مابدها تتعب حالها يعني إذا بحكيلها تدرس دروسها لحالها بتيجي بتحكي خلصت دروسها ولما أسألها ما بتكون حفظت ودرست متل ما لازم يعني إذا مابدرسها أنا كل درس ما بتعتمد على حالها بتهمل واجباتها بعكس أخوها

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

لكل طفل أسلوب أو طريقة يعبر بها عن ذاته. إعتمدي أسلوب الحوار والمناقشة وإبتعدي عن التعنيف ومقارنة الأطفال بأخوتهم أو أقاربهم أو أصدقائهم. إشرحي لها أهمية الاتكال على النفس وواجبات الفرد في مساعدة نفسه والأسرة. أسندي لها المهام بشكل تدريجي وليكن أسلوبك مشجعاً مصحوباً بالمدح والثناء.

قبل 7 شهر

عزيزتي انت بمجرد انك قارنتيها بأخوها فانت بهذا الاسلوب احبطتيها و قللتي من قيمتها ,,لا تقارنيها بأحد بالعكس خلي اي انجاز بتعمله هو مصدر فرح الها وحسسيها بهذا الشيء

قبل 7 شهر

يا اختي بنتك بعدها في عمر صغير و رح تتعبي معها اكيد بس انا من كلامك حسيت ان البنت عندها ردة فعل من شيء حصل معها يعني ممكن موقف او تعنيف او ما شابه ذلك ..اسألي المرشدة النفسية الي بتكون بالمدرسة و اكيد بتساعدك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه