متزوجة من 7 أشهر رغم بدايتنا لم تكن سهلة

قضايا اسرية
animate

انا متجوزة 7 اشهر بتقدرو تقولي اني عرفت جوزي سنة قبل الجيزة بين خطبة وعلاقة جدية حبيتو عشان هيك اقتنعت اني ارتبط ي بدايتنا ما كانت سهلة كان في معارضة من طرف عيلته علي لاسباب انا بالنسبة الي مش واضحة خاصة انهم ما سمحو لحالهم يتعرفو علي كان قوي كفاية لياخد موقف بس للاسف موقف بالنسبة الي بعتبرو ناقص او مهزوز لانو صح امو كانت موجودة بس الطرف الرئيسي اللي ما كان موافق ما قدر يقنعو ويخلي يجي على خطبتنا قدمت تنازلات عشان بحبو وقبلت مع اني بعتبرها اهانه الي ولاهلي وكمان هو اخد الموقف بعد مدة من السلبية والمماطلة لما حس انو خلص ما كان في مجال الا ازا اخد موقف او بخسرني لاني ما كنت بقدر اتحمل كمان مماطلة يعني الموضوع من يوم ما انفتح لما اتسكر كان في 4 اشهر خطبنا وبدت مماطلة جديدة فيما يتعلق بتجهيز البيت والعفش والعرس وانا بعتبر حالي مش بنت مادية وما عندي متطلبات وما بحب المظاهر فما كان عندي مشكلة اني اقبل بابسط الحلول تماشيا مع القدرات المالية والوضع المالي وما كنت زعلانه بالعكس كنت مبسوطة ضلت الامور لقرر مرة واحدة يتحرك ويجهز وكنت مبسوطة انو اخيرا وبدون ما انق انو بلش يعمل هاي الاشياء بس للاسف لعب القدر لعبتو مرة تانية وحطنا قدام مأزق وازمة كانت هاي المرة كارثية وماساوية خسرنا الاسنان اللي كان معارض زواجنا بحادث ماساوي وللاسف ما كنت حتى بعرفو مات وانا يمكن شفتو بس 5 دقائق في حياتي وهو اخو لزوجي كانت فاجعة قبل عرسنا باقل من شهر كانت المرحلة مش سهلة على زوجي وكان عم بمر بفترة حزن قاتلة وكان لازم اخد قرار واخدت قرار اني ما بدي كل المظاهر التقليدية وبس بدي اكون جنبو ومعو في هاي الازمة ما كنت عم بفكر باشي غير بقلبي ومشاعري اتجزنا ومرقت علينا ايام صعبة كتير واتحملت وقلت ازمة وبتمر والايشي اللي كان بصبرني انو هو كان مقدر اللي انا عملتو واجا الخبر اني انا حامل مشاعرو كانت بين مبسوط وزعلان وخايف مع انو كنا متفقين على الموضوع واحنا التنين بدنا بداية حملي ما كانت سهلة اتغلبت اشوي في البداية وانا ما كنت متخيلة اني جسديا ممكن اكون من هاي النوعية دعمني وساعدني عشان ما اكون مجحفة بحقو واقول اللي الي واللي علي طبعا احنا كما ارجعنا انعيش مع امو وكان الموضوع برضو قراري بس ما كان قدامي خيار تاني وما كنت حابة اني احطو بهذا الموقف فسهلت علي المهمة وانا اخدت القرار وانا عارفة انو الموضوع مش سهل بس برضو ما كنت متخيلتو بالواقع اللي انا عايشتو خاصة انو زوجي صفا الولد الوحيد واللي امو ما الها غيرو في الدنيا حاولت اتاقلم وعم بحاول كل يوم بمر انو اتاقلم بس في كتير اشيا بتحطني على المحك وبتخليني اعيد التفكير بقرارتي انو انا كنت مبسوطة ومرتاحة اكتر قبل الزواج انو انا كنت حرة وملكة نفسي وما حدا كان يدايقني في بيتي وعمرو ما كان الي شراكة خاصة انو انا منفصلة ومستقلة عن اهلي بحكم ظروف شغلي من اكتر من عشر سنين انو ما في ايشي تغير عن ايام الخطبة بس انا مطالبة اني انا اتغير يعني هو ضل عندو حياتو اصحابو اللي بحب يطلع معهم يوم يوم وانا قاعدة في البيت اللي هو مش بيتي وانا ضيفة في وما بقدر اعمل في اي ايشي حتى اني اقعد بغرفتي بدون ما ينحسب علي موقف اني ممكن اكون زعلانه حتى لو بدي استضيف حدا في بيتي ما بقدر كتير اشيا خسرتها مع هاي العلاقة بالمقابل هو حياتي لسا زي ما هي وما في ايشي اتغير نفس الصحاب نفس الاجواء وانا مش من النوعية اللي ما بحترم خصوصياتو بالعكس بعطي المساحة اللي بحبها بالمقابل انا حركتي ونفسي محسوبين علي عم بحس كل يوم عم بمرق الازمة عم بتكبر وعم ببعد نفسيا وعاطفيا عنو عم بحس انو مش هو نفس الانسان اللي انا قررت اربك في مصيري اللي وعدنا بالشراكة اللي وعدني انو احنا شركا وانو كل ايشي بالنقاش بنحل للاسف النقاش مش موجود لانو هو مجرد ما ينفتح موضوع للنقاش ببلش يطلع بصوتو ويتهمني باتهامات انو انا حدا بدور على النكد واني انا حدا بس بحب ينق واني انا عاملة حياتو جحيم مع انو الله وحدو بعلم اديش كتير اشيا بتصير عمر ما حكيت عنها ولا عبرت عنها لدرجة انو انا بطلت افتح مواضيع للنقاش وبطلت اقدم طلبات وصرت دايما افضل اعمل الاشيا لحالي واني احاول ارجع اعيش حياتي بس عشان ما انكد على حالي وعلى بنتي اللي في بطني لاني صرت خايفة عليها بس كتير صرت عم بفكر انو ازا هاي العلاقة انا اللي عم بدفع التمن فيها فانا مش مطرة اكمل وعلى الرغم من صعوبة الحل الا انا الله اعطانا ايا ويمكن هو احسن الي ولبنتي صح انها ما راح تكون بيئة طبيعية بس على القليلة اني اقدر احبها وما اعيش فيها في بيئة وبيت انا مش قادرة اتعامل في مع ابوها لانو كل يوم عمر بمر عم بخسر اشيا من حالي ومن مشارعي تجاهو مش عارفة ايش اعمل بس بعرف اني انا قوية وبقدر اوقف عشاني وعشان بنتي ما بدي اوصل لمرحلة اني اكرهو وابطل قادرة اتحملو فيها بتمنى اني الاقي عندكم حل يساعدني لاني بلشت احس حالي عم بعجز لانو موضوع النقاش معا غير وارد لانو بس بولد شرارة حرب من طرفو انا بصفي بس بتالم من ردود فعلو

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي ظروف زواجك كانت صعبه وقد قدمت الكثير من التنازلات عندما كنت لا زلت في بيت والدك. لقد تعود على تنازلاتك ورضاك بالقليل وكونه الولد الوحيد لامه لا يعني الا يكون لديك منزلا خاصا بك. اذا كان النقاش لا يجدي نفعا بينك وبينه، فعليك بالاستعانة باهلك وباستمالة والدته لطرفك. الان وبما انك حامل وجب عليك إعطاء ابنتك فرصه للعيش مع والدها قبل التفكير بالطلاق. كان يمر بازمه ومرت، الان يجب ان تحددي موقفك منه وان تتحدثي معه بوجود الاهل لتجدوا حلا مناسبا. من الطبيعي جدا ان تجدي حياتك عند اهلك اجمل وافضل في اول زواجك فالحياة عند الاهل مختلفة عن الحياه الزوجية حيث تدخل أمورا كثيره من علاقات مع اهل الزوج وواجبات لم تكن مطلوبة منك في بيت اهلك. اعطي نفسك بعض الوقت وحاولي ان تهيئي لابنتك جوا عائليا مناسبا واذا تعذر كل ذلك فلا مفر من الطلاق.
  • صورة علم Saudi Arabia
    صورة علم Saudi Arabia
    من مجهول

    ياعزيزتي. جوزك كداب ومخادع. ولاعاوز يتحمل مسولية حياة زوجبة وشراكة بينكما منذ البداية  وانت برضو غلطانة انك تساهلت كثيرا معو في حقوقك كزوجة من وحودبيت مستقل لك ومايفرض عليك العيشة مع امو تنازلت كثيرا عن حقوقك وكرامتك  وهذا اللي هو بدو منكي تتخلي عن كل حفوقك الزوجية  واهتمامو كله بامه واصحابو  والسهر معهم  وتمضية اوقاته معهم ومش بعيد تلاقيه عم يخونك لانو هالسهر مع رفقاته موكد ماتخلو من وجود بنات معاهم. لاجل تحلى سهراتهم الصاخبة  ولا خيار امامك سوى المطالبة بحقوقك كزوجة له وام لابنه اوابنته اللي جايكم في الطريق  ويهتم فيك وبمشاعرك ويبطل السهر مع رفقاته ويقدر الحياة الزوجية مثل بقية الرجال الاخرين   فان التزم بكلهذا وتعدل حاله فهذا هو المتامل والمطلوب والا فالانفصال عنه هو افضل الحلول لك  وربك بيعوضك ويرزقك بحسن منو مليون مرة  تحياتي لكي 

  • animate

  • صورة علم
    صورة علم
    من مجهول
    اختي الغاليه الافضل ان تتحملي قرارك وتعتبري البيت بيتك وامك اللي عايشه معك الله يوفقك
  • صورة علم
    صورة علم
    من مجهول
    اختي تقربي من زوجك لانه يتهرب من البيت فسبب فقدان اخيه ومن واجبك انت تتقربي وتراعي مشاعره وليس انت تنفري حاولي تضعي نفسك مكانه وشوفي ايش اللي تحتاجينه بوقتها وقدميه لزوجك ليمر من المحنه
  • صورة علم
    صورة علم
    من مجهول
    اختي حاولي ان تعيشي حياتك بشكل طبيعي وتقدري الظروف اللي بيمر بيها زوجك وحماتك وتتقربي منهم وتعاملهم كاهلك الله يهدي الحال
  • صورة علم
    صورة علم
    من مجهول
    اختي الغاليه السنة الاولي من الزواج بتبقي مليانه مشاكل بحكم عدم معرفه الطباع والان انت حامل حاولي ان تتاقلمي ع وضعك
  • صورة علم
    صورة علم
    من مجهول
    انت الان مصطرة انك ترضين بالأمر الواقع لأنك من البداية رضيتي بهذا الشيء ,,تأقلمي مع هذا الواقع و انشالله بس تولدي يتغير هذا الحال اكيد
  • صورة علم
    صورة علم
    من مجهول
    والله يا صديقتي انك بنت اصل و انا الي مليش دخل في القصة كلها بحييكي و بقول انك ما قصرتي في اي مرحلة في المراحل .. و ممكن يكون هذا السبب انهم تمادوا في المطالب و الاوضاع تزيد سوء .. و لا احد يقدر اي شيء انت تفعليه و لا اي تنازلات .. الافضل انك تتكلمي معه و تتفاهمي لانه زوجك لازم يقدر اي انت عملتيه من اجل انك تبقي معه فقط !
  • صورة علم
    صورة علم
    من مجهول
    اختي فكري بايجابة اكثر..انا كنت مثلك اعاني من حماتي بحكم اني اعيش معها في نفس المنزل لكن انا اقنعت نفسي ان هذا منزلنا جميعا و ان اعاملها مثل ما اعامل والدتي و واتقرب منها وبالفعل مع مرور الوقت اصبحت علاقتنا جيدة جدا و تأقلمنا مع بعضنا البعض و الحمدلله امورنا في احسن حال الان

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟