السؤال

قبل 6 شهر (11 اجابه)
11 اجابه

تزوجت عن غير قناعه و شبه اجباري

انا متزوجه من ٧ سنوات وعندي ولد عمره ٤ سنوات .. تزوجت عن غير قناعه وغير رضى وشبه اجباري .. حاولت اتأقلم معاه و احبه لكني ليما الان ماحس بحب ناحيته ولا حتى شوي وولا حتى له مكانه داخلي لا زوج و لا كـ شخص عايشه معاه .. والمشكله ان هذا الشيء متبادل حتى عنده .. هو شخصيته ضعيفه جدا بس اللي يقولونه اهله يسويه وللحين يعاملني مثل الغريبه مايقول لي شي وكل الكلام بحدود وكل شي اسرار .. يعلم الله اني حاولت اكسر هالجدار بقد ماقدر وحاولت ابتدي افضفض له واسولف معاه لكن النتيجه كانت ان كل حرف قلت له كان عادي يروح يقوله حق اهله كلهم حرفيا من والدته ووالده ليما اخوانه وخواته بدون مايقدر اللي قاعده اسويه .. ٧ سنوات مايجلس معاي بالبيت يخليني بالصاله ولا بالغرفه ويجلس في الغرفه الثانيه بس بالليل يجي ينام بغرفتنا .. و المعاشره الزوجيه بيننا شبه معدومه ما ابالغ اذا قلت ان الحين كملت سنه وشهرين من اخر مره قرب فيها مني .. لدرجه حتى يوم حملت كان بعد طلب وترجي و الحاح ان من حقي اكون ام ومن حقي اجيب اطفال ومن حقي ماحس بنقص من نظرات الناس لما امشي وكلهم كانو يفكرون انا ماقدر احمل والكل كان يفكر ان المشكله مني .. كان صعب الناس تفهم وكان صعب اني اتكلم .. حاولت اتقرب منه حتى من هذه الناحيه ماودي تشوفوني بصوره المغروره لكني على الحمدلله على قدر من الجمال ومهتمه جدا بنفسي لدرجه كل الناس من حوله يقولون له بلسانهم ان انت محظوظ باللي عندك .. بالبدايه كنت احس ان المشكله فيني لكني الان وبعد ماحاولت كل شي اسويه مقتنعه تماما ان المشكله فيه وليست فيني وان هو اللي عنده ميول غريبه لانه احيانا يقول لي لبسي وافعلي و اعملي ويجلس زي المشاهد بدون مايقرب مني ولا شوي بس يبغي مشاهده .. وما اخبي عليكم ان وصلت مرحله نفسي صارت تنعاف منه يعني اول كنت احاول اتقرب منه بالسرير لكن الحين خلاص ولا شي يشدني وصرت اشوفه حاله حال الغريب ولا يجي على بالي اني الجأ له لو جاتني حاجه للمعاشره .. للامانه هو مقصر من كل شي ماعدا الناحيه الماديه ابدا مافيه تقصير ويعطيني فوق حاجتي وكنت بالبدايه اشوف ان الماديه ميزه ممكن اصبر عليها لكني الحين وصلت مرحله زهدت النفس من الماديات صارت امنيتي اعيش مبسوطه ومستقره ومرتاحه حتى لو كنت عايشه في سطح بيت اهم شي يكون مع شخص فيه حب وتفاهم واستقرار .. فتحت الموضوع مع اهلي اني ابغي انفصل وكانت اجابتهم الرفض واني لو راح اسويها ماراح يدخلوني البيت وماراح يوقفون معاي .. انا وياه مابيننا خلافات وولا مره صار غلط بالكلام للامانه وحياتي وياه احترام في احترام لكني ماحس انه زوج احس بس شريك سكن .. مافي بينا حب مافي بيننا معاشره مافي بيننا كلام كثير .. مادري ايش ممكن اتصرف عطوني حل .. لاتقولون كلميه .. ترى مره وحده كلمته ان ليه انت كذا معاي انا ايش مقصره قول لي ايش اللي يرضيك وراح اسويه وكانت نتيجه كلامي وياه ان سكت ومارد واليوم الثاني راح عند والدته وكل شي قلته له قال العكس وقلب الطاوله علي وقال لهم ان انا المقصره وانا البارده وانا وانا وكلمتني والدته تهدد فيني وتبيني اتعدل .. وانا وحده والله العظيم ماحب المشاكل لدرجه يوم قفلت منها الخط مافتحت الموضوع ثاني ولا تناقشت معاه باللي صار وسويت نفسي ان ماحد كلمني من اساسه عطوني حل وربي ماعرف وش ممكن اسوي .. كل يوم اتصبر لكني لما افكر كيف هذا الشي ممكن يكون مؤبد احس اني بنجن احس بيصير فيني شي ماقدر اتحمل

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

لا تنهي زواجك دون محاوله المستحيل لانجاحه خاصه وان اهلك لا يوافقونك الراي ولديك طفل منه . اجتهدي وجاهدي لانجاح هذا الزواج وانت حتما لا تريدين ضياع ابنك بينكما. غيري طريقتك وابداي باهله ما دام يتأثر بهم . توددي لامه واكسبي محبتها وتعاطفها معك واخرجي معها لنزهه ، حببي ابنك بجدته وقريبيه منها ، احبي اهله فهم الان بمثابه اهلك ، ادعيهم الى منزلك ، زوريهم ، اقتربي منهم ، كوني ايجابيه في التعامل معهم وسيحبونك. الطلاق ليس سهلا ويولد مشاكل اخرى انت في غنى عنها . حب اهله سيغير من معاملته لك . لا تنتقدي ما لا يعجبك فيه بل ابحثي عن حسناته وتوددي اليه بالافعال لا بالكلام ، مع مرور الوقت سيلاحظ اهتمامك به . اخلقي جوا ودودا في منزلك وحاولي ان تجدي نقاط مشتركه تجمعكما كهوايه او برنامج تلفزيوني . جددي في مظهرك و كوني مبتسمه و ايجابيه . لا تنتقديه واتركيه ، سيتغير حتما بعد ذلك كله ولكن ذلك يتطلب صبرا ووقتا، اعيدي بناء علاقتك به من جديد فالزواج يتطلب مجهودا يوميا لكي يستمر.

قبل 3 شهر

يتحبيبتي تطلقي واهلك بس حقون كلام لان مافي اهل ترمي بناتها وبعدين انتي بس لو قلتي لاي احد ان مافي معاشره من سنه اكيد بيوقفوا معك خلك قويه يابنت الماده مو كل حاجه الفلوس تجي وتروح وتبقى حياتك انتي ياتعيشي تعيسه وراضيه يا اما تاخدي موقف لنفسك ولعمرك الي بيروح وانتي لسه ماعشتي شي منه

قبل 6 شهر

طيب جربي أسلوب آخر. هو من النوع السكوتي استخدمي معه نفس الأسلوب. اسكتي وخليه يسألك (إن سأل) قوليله مافي شي هاي انا. إن ما فاد الموضوع حاولي تطوري شخصيته طريق غير مباشر وذلك بمشاهدة دورات تربوية تعليمية أو غيرها. ممكن يكون يحتاج تشخيص طبيب نفسي بسبب شيء من ماضيه. اخيرا عليك بالدعاء اعانك الله.

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه