السؤال

قبل 6 شهر (10 اجابه)
10 اجابه

خلال 7 سنوات لم احظى ببيت استقر فيه !

انا متزوجة منذ 7 سنين ، خلال 7 سنوات لم احظى ببيت استقر فيه لاكثر من 8 شهور ، بمعنى زوجي كل يوم ببلد ، بتقاتل مع مرؤوسيه بالعمل وبطردوه وما بعرف كيف بلاقي شغل تاني بمكان تاني بسهولة ، خلال السبع سنين عشت بالسعودية (الرياض _ جدة ) وفلسطين ، واندونيسيا وكندا والولايات المتحدة ( طبعا الولايات المتحدة قارة بحالها فيها خمسين ولاية انا عرفت منهم 6 ولايات ) وكل ولاية بلد بحالها بعيدة عن التانية ساعات بالطيارة ، مرة بالشمال وبعد اقل من اربع خمس شهور اضطر اكب كل اغراضي ونرحل ع الجنوب انا تعبت ، تعبت كثير من هالاسلوب بالحياة ، وغير هيك انا عندي ولد المفروض السنة هاي روضه ، كيف بده يدرس ويتاقلم اذا كل يوم ببلد ، ابوه بقول الروضة مش مهمة ، حكي فاضي ، طيب ولما يصير بالمدرسة ?! قال لما يصير بخليكم بالمنطقة اللي بتكونوا فيها وانا بسافر ، طيب شو جابرني اعيش ببلاد حتي عربي بعرفوش ، ليش ما اضل عند اهلي ، استاجرلي بيت ، واستقر فيه والولد بدرس براحته واهلي حوليي بديروا بالهم عليي وع اولادي ، قال لا ، هلا انا اجيت انا وياه والاولاد بعد ما انكحشنا من اندونيسيا ، وكانت النية اقعد معه يومين بالاردن وبعدها اسافر معه عببن ما يلاقي شغل باي بلد وع الاغلب امريكا ، اهلي استاجرولي شقة مفروشة قريبة منهم ، ع اساس عبين ما اولد ( انا حامل بالشهر الثامن) وقالوله سافر ع لحالك ، بنتنا تعبانة وانت مش رايح تستقر هناك واصلا ما الك حدا غير امك هناك ، روح جيبها وتعال اقعد مع مرتك واولادك ،عبين ما يطلعلك شغل برا ، بدك تسافر سافر وخليها وكل ما صحتلك فرصة بتيجي بتشوفها هي والاولاد ،،بالاول وافق ، وبس سافر ، ابصر مين لعب براسه ، وغير رايه ، هلا بهدد فيي اما بلحقه وانا حامل ومعي ولدين اطفال ، او القانون بيناتنا واللي ممكن ينتهي بالطلاق المشكلة انا كنت موظفة بالحكومة وظله ورايي حتي خسرت وظيفتي وما عاد الي مصدر رزق استقل فيه عن مصاريه ،،،بس انا تعبت ، تعبت ، نفسي يكون لي بيت احفظ كل تفاصيله ، كل بقعة قصارة ساقطة من حيطانه ، كل زاوية من زواياه ، نفسي بغرفة نوم خزانتها مخلوع بابها من كثر الاستخدام ، وتخت مش حامل حاله ، فراش هافت لانه فديم ، من يوم زواجنا وصار لازم نغيره ، تسريحة مكسورة مرايتها ومخلوع جارورها ، نفسي بطقم كنب مسانده وسخين وما بنظفه قد ما اغسلهم ، صار لازمه تنجيد ، او حتي تغيير ، طرابيزات مقحطين من كتر كاسات الشاي اللي انكبوا عليهم وكتر المسح نفسي بثلاجة يعز عليي اغيرها لانها هدية اهلي يوم زواجنا ، نفسي بجارات اقعد معهم ضحويات ، افضفض واحنا بنشرب فنجان قهوة ، صاحبات ازورهم بالمناسبات او اتصل فيهم تلفونات اعتذر منهم لانه ما قدرت اقوم بالواجب وبعدين ننسى حالنا واحنا بنحكي ،،،نفسي اولادي يتعرفوا ع اطفال زيهم يتعاملوا معهم وياعبوا معهم ، اولادي اول ما سكنا الشقة المفروشة كانوا يعملوا حفلة لما حدا يدق ع الجرس ، يصيروا يصيحوا ، اجا ناس ، اجا ناس ،،،بالنسبة للهم الناس كائنات فضائية ، لانه عمرهم ما عاشو هالشي ، كل بلد كنا نسكنه ، نقعد اربع خمس شهور عبين ما نتعرف ع الناس اللي فيه ، واول ما نتعرف ونبلش نتاقلم ، بيجي زوجي وبقول يلا شدو الرحال ،،،وهيك علي طول ،،،هاد هو حالي ،،،انا طولت عليكم بس مش عارفة شو العمل وشو الصح ...انتو شو رايكم ?

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا سيدتي هل تعتقدين ان أمامك حل غير التفكير بايجابية والقبول بالوضع، خذي الموضوع من جانب ايجابي، ولفي العالم معاه ولازم يجي يوم يستقر في مكان محدد. الطلاق ليس حل بالنسبة لك في وضعك ومعك اطفال، بيتك هو مكان وجودك مع زوجك. الأمران احلاهما مر، الاستقرار مقابل الانفصال والمشاكل، والترحال وعدم الاستقرار. فكري ايهما تريدين اكثر زوجك أم الاستقرار. ان كنت تحبينه وهو جيد معك تاقلمي على الوضع وحاولي التعوّد على الوضع، ويمكنك ان تحثيه على الاستقرار في اي مكان بالعالم تكونون فيه معًا. اخبريه انه يصعب عليك التنقل والسفر وانت على وجه ولادة، ابقي عند اهلك لأن الطيران لن يسمح لك بالسفر في وضعك. وبعد هذا اذهبي له انت واولاده اينما كان، ولا تحملي من جديد حتى تستقروا استقرار تام. اذا انفصلت وليس لديك عمل او مصدر دخل واطفال سلن يفيدك الصاحبات ولا الجيران، حتى اهلك سيتعبهم حمل عائلتك الكبيرة. لذا اقبلي بالواقع وحاولي ان تتعلمي من كل بلد تزورينه وتصبحي صاحبة ثقافة، الفرش والغرف لن تفيدك لو كنت وحدك ولا حتى السرير التعبان لانك ستكونين وحيدة عليه. حاولي ان تفتحي قنوات اتصال اكثر يقة مع زوجك، وتعبري له عن مشاعرك ليس بندية بل بتفاهم، وهو رجل واعي ويعرف مصلحة الاولاد لأنهم اولاده، وصدقيني سياتي يوم تفرحين به بكل هذه التجارب التي مررت بها. الاحلام بالامور التي قلتيها ستاتي بعد ان يستقر في مكان. حاولي التواصل مع ناسك واهلك عبر شبكات التواصل الاجتماعي. صحيح وضعك صعب ولكني فكري كيف يمكن ان تجعليه سهلا. وهناك العديد من الوظائف التي يضطر اصحابها للتنقل كثيرا. لا تقلقي وتوكلي على الله، واهتمي بوضعك الصحي الان لأنك على وشك الولادة، وبعدها ياتي فرج من الله.

قبل 6 شهر

حبيبتي انت بميعاد ولادتك مايصير تروحي تتبهدلي ورا زوجك كل شوي بمكان اطلبي منه ان ينتظر ميعاد ولادتك عند اهلك ويكون هو استقر بمكان تسافري له بعدها والله يهديه

قبل 6 شهر

كان الله في عونك يا اختي لان حياتك غير مستقره ودائمة الترحال خلي زوجك يجي واقنعيه انه لازم يستقر بمكان وعمل معين لان ماعدتي تتحملي هذه الحياه واحكي معه بصراحه عن كل احلامك ومشاعرك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه