السؤال

قبل 5 شهر (6 اجابه)
6 اجابه

مشكلتي مع حماتي التي تبلت علي !

مشكلتي مع حماتي متزوجة لمدة ١٩ سنة و عندي ٤ اولاد والحمد لله و مشكلتي ليست مباشرة مع حماتي حيث كل ما تفعله لتنغيص علي حياتي استحمله و اطنش و جربت هي الوسائل من تجريح و رمي كلام و اهانة اني ما بفهم و ما بعرف و اذا حطيت الصحن يمين انا مافهم وتغيره شمال و لكن انا ما همني ايشي و وكلت امري لله عز وجل و احاول ارضيها بكل الوسائل من هدايا و عملناه مرتب شهري بمبلغ كبير وفوق طاقتنا و لكن مش مشكلة في سبيل الله عز وجل والكلمة الطيبة ومساعدة في شغل الدار وأبدا لا يزيدها الا معاملة سيئة و حسبي الله ونعم الوكيل و لكن المشكلة انه بنروح عندها فرحانين انا وزوجي بنطلع من عندها زوجي بكون معصب و بيصرخ علي و عدة مرات بيلعني من دون اي سبب و مرات بقول خلص انا حطلقك ، وانا هون بجن أسناني يعني ما بشكيرعليها علشان ما أعلن مشاكل و بقول المهم هو يكون فرحان يطبع مش فرحا و كمان فيها طلاق فبجن جناني و بصرخ وبقول انا ايش عملت غلط طيب ليش وأبدا بيضل ساكت وانا بجن جناني ، و مؤخرا كنّا في ضائقة مالية ووفقا معه و زاد حبه لي و راحت حماتي تبلت علي و قالت لزوجي اني طردتها من الدار و هدا مش صحيح وانه طلع عندها الضغط وقَعَدت مريضة أسبوع و هي ما تتحرك و طبعا زوجي قاطعني و ما بيحكي معي وانا نجنيت و لكن صبرت و قلتله حقك علي وأمك هي أمي واحنا عاوزين رضاها و اعتذرت على ذنب الله شاهد اني ما عملته و عملتها منيح اكتر و من يومها بنروح عندهم و بنطلع انا حطلقك طيب ليش أبدا ما بيحكي و انا صبرت و لكن اخر مرة قالي بكرة بنروح عند الحامي علشان تنطلق طيب ليش قال علشان المشاكل قلتله ما هي كلها بسبب أمك انا وانت ما عندنا مشاكل كل اللي بتطلبه بعملك إياك بدون نقاش ، و لكن اصر على الطلاق فرحت رفعت التلفون و صرخت عليها و قولتها الله ياخد الحق فيكي لأنك بتحاولوا تفريق بيني و بين زوجي و شتمتها زي ماشتمني ، و من يومها هي طلبت منه ما اروح عندهم الدار و لكن انا واولادي كتير متأثرين يعني هم يروحوا و انا ما اروح معهم وهم ما بيفهموا ليش و انا قلبي بوجعني لاني انسانه بخاف الله و ايش ممكن اعمل انا نفسي نكون عيلة واحدة ولكن ليش هي مش عاوزة ، كيف العيد ورمضان يعمي هلا الولادي وزوجي يروحوا عندها وانا لا و ما بتخلي حد من اخوته يحكي معي و ايش الحل

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

لا شك ان موقفك صعب، ربما من الأفضل الان الا تذهبي اليها حتى تهدأ الأمور والنفوس فما جدوى الزيارات التي تنتهي بالتهديد بالطلاق!!! دعي زوجك واولادك يذهبون اليها "ما شي الحال" مع الوقت سيعلم الجميع الحقيقة ولا بد ان يجد الله لك مخرجا ويعوضك صبرك. اتركي الأمور على حالها وبعد فترة اشهر صارحي زوجك بهدوء شديد او استعيني بأحد من اهلك ليحاوره معك واطلبي معرفة أسباب هذه التصرفات والمشاكل. ان لم تكن تريد معاشرتك فلا بأس بذلك المهم ان تكوني انت وزوجك على وفاق ودون مشاكل. اتفهم حرصك على الجمعات العائلية وموقفك تجاه اولادك ولكن لا تاتي الرياح دائما بما تشتهي السفن وفي أحيان كثيرة تحصل خلافات يصعب حلها في حينها ولكن الوقت كفيل بها. مهمتك الان ترطيب الأجواء بينك وبين زوجك والتعامل مع المشكلة بهدوء وحكمة. كل عام وانت بخير واعاده الله عليك وعلى عائلتك بالخير والصحة والسعادة.

5 شهر

جزاك الله خيرا على جوابك أراحني كثيرا ، و الحمد لله العلاقة انا وزوجي جيدة جدا وانا ارتحت من المشاكل اللي بسببها ، ولكن قلبي بوجعني لما يروحوا عندها وانا لا بعد الخير اللي عملته، و قلبي كتير بوجعني لأنهم بحطوني عند اهلي لو كنت في داري بكون احسن ولكن صحيح كلامك لا تأتي الرياح كما تشتهي السفن ، و كلامك كتير ريحني و لكن هي بتنكش يعني بتبعت هدايا واكل مع زوجي طيب كيف إقبلهم من واحدة مقاطعاني او بدها الاولاد يناموا عندها ، و بصبر بقبل الهدايا على مضض وزوجي اقترح انه أتصدق فيهم الا اللي بخص زوجي ، ابني متعود ينام عند عمه وهي موصيه اولادها اللي بيحكي معي بتغضب عليه ، يعني اتصلت فيهم اباركهم في رمضان محدش جاوب ، طيب هل اقبل و كرامتي ، طيب كيف اتصرف ، وابني مصر ينام عندهم ولما سالت زوجي ، هو مكتفي بالصمت ، طيب ايش اعمل ؟ انا ما صدقت انه ارتحت و جزاك الله الخير كله


5 شهر

شكرا جوابك ريحني كتير وانا وزوجي على وفاق غير هيك فيه غصة بقلبي وبحس فيه هو كمان ، وانا سألت عدة مرات يعني ايش سويت انا ليطلقني وهو بكتفي بالصمت وانا بقلب الصفحة لانه ما بدي مشاكل ، بس كتير أسئلة في راسي بس زي ما حضرتك تفضلت الله يعطيني الحكمة و شكرا كثيرا


3 شهر

ارتاحتي منها بتدوري علي المشاكل ليه قضي الوقت مع اهلك واصحابك وسيبيها


قبل 4 شهر

و الله يا سيدتي انت ضعيفة الملاحظة و عديمة التحليل..... انت عندك حظ لا تسكني مع حماتك....هذه نعمة كبيرة ثانيا.... المشكل و الحل في الزيارات..... هي لا تحبك و لا تتمنى تشوفك و لو كنت شوية حذقة كنت تتركي ابنها يزورها و حده ليست كل الحموات تفرحن بزيارة الولد مع زوجته و اولاده ...مرات فيه امهات يحببن الابن لكن يكرهن ضوضاء اولاده هناك زوجات لا يتركن حيز للابن مع امه... الا تفهمين انها تريد ان تخلو باءبنها.... الا تعرفين كيف تتركي حيز للاخرين لماذا تتحرقين الى مرافقة زوجك الى بيته العائلي هو راح ملاهي من غيرك لماذا تتمنين المشاكل . انت في عزلة السلامة و الامن لكنك تريدين الاختلاط و الخالوطة التي ستلوي راسك و تهدم بيتك الزمي بيتك..... و احمدي الله هناك اشرس من هذه المراة... وراجعي نفسك و اذكري المثل الجزائري القائل - اللي خرج من دارو قل مقدارو - خليها هي تتمنى طلتك..... هي لما تشوفك تصير تحفرلك قبر ..... خليك في حالك يا امراة

3 شهر

يا سيدتي الفاضلة ، انا ١٩ سنة و مجبرة اروح الجمعة ليلا و انام عندها وهي مطلقة وصباح السبت زوجي يحطنّي عند امي و يذهب عند امه اليوم كله بدوني و الاولاد مقسومين بيننا و ننام السبت عندها والأحد الصبح نفطر وعلى الساعة احدى عشر نذهب لبيتنا مع انه الطريق فقط ساعة ونص بيننا وكل أسبوع ، يعني ما بشوف اولادي و على الرغم من هيك بس نركب السيارة يكون زوجي فرحان عندها و معي معصب و يعلن حالة حرب علي ، اذا سألته مالك يعصب و يصرخ ، لحد ما فاض بي الكيل و صرخت عليها و هي أعلنت انه انا خارج العاءلة و انا بصراحة ارتحت من المشاكل ، ولكن بالنسبة لزوجي بحس فيه مهموم لانه امه بتحسسه انه هي غاضبة عليه بسببي و لكن ما بيقدر يصرخ لانه الحمد لله قايمة ببيتي واولادي و مش مخالياه يحتاج حاجة و علاقتنا جيدة و لكن بحس فيه مهموم و بيسرح كتير ومعصب و لكن ما بيقدر يصرخ علي لاني ما مقصرة معه و ما بخل عليه من معاملة طيبة وكلام حب وهذا بفضل الله تعالى ، ولكن انا مرعوبة من حاجتين الاولى انها ضَل تزن فوق راْسه يطلقني لانه هدا نفس الأسلوب اللي هي تبعته مع بناتها اثنتين و التنتين رفعوا قضايا خلع على أزواجهم و طلقوا أزواجهم ، بتعمل مشاكل مع أزواجهم و بعدين بتحرم على زواجهم يجوا عندها وما بتمر السنة الا أطلقوا التنتين ومرتين كل واحدة و لكن الي مطمئني انه من يتق الله يجعل له مخرجا ، ارادةًالله فوق كل شيء ، والحاجة التانية اولادي و خصوصا الصغار بيبكوا كتير لما بياخدهم يوم السبت و يروحوا عندها و بيتقطع قلبي ، يعني في العيد بتصر يعيدوا كلهم عندها وانا عند اهلي ، طيب العاءلة كلها بتسألني ليش مش معيدة مع زوجي والأولاد فينهم ، طيب ليش بعد الخير كله اللي عملته ، هيك جزاتي ، ولكن الحمد لله انه مر العيد بسلام ، ودعيت الله كتير و جاء لزوجي سفرة اول يوم العيد و سافرنا معه و هذا من فضل ربي يمهل ولا يهمل و الله على الظالم


قبل 5 شهر

الله رح ياخذ لك حقها منها ما تخافي لانه الله ما يسكت على الظلم ابدا ..احتسبي امرك لله و ادعي انه ياخذ حقك لانها اذتك بكل الوسائل و بعدت زوجك عنك..لا تحاولي تصلحي الامور معها بالعكس احمدي الله انه بطلتي تتعاملي معها ..مع الايام رح تكتشف غلطها بعد ما ربنا ياخذ حقك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه