اتهمني بإهمالي فمددت يدي عليه!

السلام عليكم اولا انا متزوجة من سنة ونص تقريبا وما عندي اطفال علاقتي مع زوجي ممتازة جدا مشكلتي اتوقع مالها حل واتمنى احد يفيدني او القى كم نصيحة اتدارك فيها وضعي الحالي وبدون سب وتجريح لو سمحتو امس خلصت الفطور بدري وقعدت فالصاله اقرأ قران من جوالي على ما يقرب الاذان واقدم الفطور جاء زوجي من برا لاحظت انه يحاول يشوف ايش اسوي بالجوال وهالحركة لاحظتها فيه من الاسبوع اللي راح انه يحاول يشوف وش اسوي ما كان يسوي هالحركة قبل المهم نزلت جوالي والتفت عليه قلت وش فيه ؟ قال ما فيه فطور ! قلت خلصت شويه واقدمه رجعت اقرأ رجع عاد الحركة من جديد استفزتني الحركة وقلت خير وش عندك ترا اللي قاعد تسويه حركات بزران قال وش اللي فالجوال رديت بزعل طيب وبعدين واذا عرفت؟ قام بتفريغ كل الذي بقلبه من بداية رمضان الى امس اني متغيره ومهملته ودايم لما اكلمك مصدعة وتتكلمي من طرف خشمك بشوف يمكن فيه احد غيري ملهيك على الجوال ومنسيك وجودي قطعت كلامه بكف ورفعت جوالي بوجهه قلت هذا هو اللي اكلمه ارتحت بعدين انت صايم ورمضان وقاعد تقذفني اني اكلم واحد وملهيني ؟ هو صادق انا في رمضاان كل سنة نفس الموال الخمول والصداع والتعب لاني اعاني من ضغط منخفض من انا وصغيرة ويزيد معي برمضان واحاول قد ما اقدر اني اتحمل واوقف على رجليني عشان اقوم بواجبات بيتي لان الحبوب ما عاد تنفع معي ابدا لكن مو معناته انه يشك فيني وبعدها طلع من البيت ولكن ما قصر كسر كل شي بس ما قرب مني لانه عارف انه غلط وانا برضو غلطت اني مديت يدي لكن كلامه وطريقته في التفكير طلعتني من طوري وكمان ان ضغطي منخفض زاد هالشي سؤالي يا اصدقائي ايش الحل معه الحين ؟