لا أجد منه الحب إلا على السرير!!

انا زوجة من خمس سنين اعاني ان زوجي لايعطيني الاهتمام والحنية اللي تتمناهم اي ست وكلامه جاف جدا باللغة الدارجة جلنف وقاسي ممكن يلاقيني مجهدة خصوصا اني ام ل 3 اطفال منهم توام ولا يبل ريقي بكلمة حلوة حتى لو قعدت احكي عن يومي عامل ازاي وتعب كتير اللي بشوفه صحيح انا بتعب وصحيح من كلامه اني زي اي واحدة ام في الدنيا لكن اللي عاوزة اسال عنه هل كل الرجال بالطريقة دي ميساعدش مراته ولا حتا يبص في وشها المجهد بقالو 20 ساعة شغل بيت وحرمان من النوم الاربع ساعات الباقية ولا يقولهاش كلمة حلوة زي اي ست بتحتاجها ده مش كده وبس ده بيستناني كل يوم اكون هيفاء وهبي على السرير لا ومش بس هيفاء ده لازم كل يوم ولو فيه يوم فوته يبقا اليوم اللي بعده استلقا وعدي من اللوم والعتاب ورفض تام لاي طلب انا عاوزاه انا تقريبا ببكي كل يوم من قسوته ولما اتناقش معاه عشان دي مشكلتي معاه يلف ويدور بالكلام مرة يقولي ما انا اتغيرت ومرة يقولي هوا انتي مش اتعودتي على كدة ايه الجديد وحتى لما نبقا زعلانين انا اللي ببادر دايما اني اروحله واصالحه ختى لو كان معندوش حق ولان اتعودت اني اكون حياتي مفيهاش حاجة تزعله كزوج وعلى طول برضيه بدافع الحب لزوجي الوحيد فانا لست من النوع اللي ابيعه ده انا اشتريته لعمري كله ولا هفكر لثانية اني اشوف راجل تاني المهم انا نفسي اعيش حياتي فانا حياتي باردة مفيش مبادرة منه بالحب خالص الا على السرير وانا من كتر القسوة وطول المدة خلاص قلبي جف ومعدتش عاوزة ابادر بقالي 5 سنين ببادر