السؤال

قبل 4 شهر (5 اجابه)
5 اجابه

لا اشعر بحنان الام ولا حنان اخوتي واخواتي

السلام عليكم انا عمري 22 سنة مشكلتي بدات معي من سنين فانا كنت اصغر بنت في العيلة وكنت مدلله من والدي وكان هو كل حياتي وما كنت احس بوجود والدتي واخواني وخواتي لاني كنت اسعد طفلة بالدنيا كلها ومع انه وضعنا المادي كان عادي وكنت ارضى بالقليل وكنت اقل وحده بين صاحباتي ومع هيك ما كان عندي مشكله كان عندي امل انه بكرا رح اصير رح اجتهد واحقق نفسي انا بحب والدي وما رح اضغط عليه باي شي وكان عمري 13 وهيك لحتى اخوي المسافر رجع من السفر وبلشت حياتي كلها مشاكل هما اهلي ملتزمين وانا كنت بصلي وبلبس جلباب على المدرسة وراضيه بكل شي بس اهم شي دراستي كنت متعلقه فيها كتتتتير وبسبب اخوي الله يسامحه صار يعمل مشاكل انه لازم اللبس الخمار او اترك دراستي وانا صدقا كنت والله العظيم طفله شو 13 مو فاهمه الحياه ومو مقتنعه بالخمار ابدااا طيب انا كان في بالي اشياء اهم من الخمار في هاد العمر متلا اصلي على الوقت او مو بس اصلي الفرض واصير اصلي السنه كمان يعني الدين مو بالاكراه ولا ربنا برضاها تكون بالحزن والمشاكل وهيك انا ضليت معنده انه ما بدي اللبس خمار وبدي اكمل دراستي وتعبت كتتتتير لحتى اكون من الاوائل ووالدي الي كان احن واحسن حدا في الكون صار ضدي والدنيا كلها صارت ضدي وطبعا عندي خواتي الكبار متزوجات وكان والدي واعدهن انه ازا لبسن الخمارات رح يدرسهن بس للاسف زوجهن وهنا اعمارهن 16 و17 سنه مع انه كان ندمان كتير على زواجهن بس انا حسيت رح يصير فيه متلهن وقررت اجتهد لانه الكل خذلني وتركوني وحيده بهالدنيا وانا والله نيتي سليمه بس بدي اعيش حياة كريمه وتحملت كل التقصير بكل النواحي مأكل وملبس وكل شي وحطيت هدف بحياتي وفعلا اشتغلت عليه كتير ولهيك لحتى في يوم وصلني خبر وفاة والدي 😔 وكنت عند اهم سنه بحياتي وهو التوجيهي واجلت وراح كل تعب السنين على الفاضي وبلشت اكتشف كل الي حولي واشوف قساوتهم وكيف بتمنوا الحزن يضل بقلبي وكان عندي امل انه بس املي الوحيد هو الانسان الي رح ارتبط فيه الي هو بكون بالحلال لانه كنت حاطه مخافة رب العالمين بين عيوني ومستحيل انه ارتبط بالحرام وهيك مرت الايام لحتى صادفت شب على مواقع التواصل الاجتماعي وصدقا من احزاني وهو كان عامل حساب باسم بنت و للاسف عرف وين انا ساكنه وصار يتردد على مكان سكني وانا صدقا حبيته بس حب رب العالمين اهم ولاني حكيتله انا ما بدي هاي العلاقه هو بدا ياذيني في كلامه واكتر من مره اشوفه مع شباب تانين في مكان سكني والله قلبي بحترق ليه هيك عمل وبعدين هو عنده شي بشخصيته خلاني احزن اكتر بضل يعمل حسابات باسماء بنات وهميه ويعلق على حسابه الاصلي وعايش على هاد الوهم صرله اكتر من 4 سنين اكتر وانخدعت فيه لا ادب لا صلاة لا احترام واناااا والله تعبت ما ضل حدا بحياتي حتى حلمي بعد ما اجتهد للمره المليون والحمد لله دخلت التخصص الي بحلم فيه ما الي نفس ادرس وين بعد ما كنت من الأوائل هلا انا ولا شي لا اهل ولا حتى قادر ارتبط باي حدا لانه هاد عقدني من كل العلاقات والي بحزني انه طول عمري لاغيه فكرت الحب من حياتي وعانيت بالموضوع كتير لانه كانوا كل البنات الي حولي الهم علاقات وليه هما كملوا حياتهم بكل بساطه وليه انا زاد همي وحزني وطبعا غير مشاكل خواتي وبنات خواتي والغيره على كل شي وانا كن كتير قويه وما بهمي اي شي بس من يوم وفاة والدي انا اتغيرت وحسيت بالتقصير ويمكن هو اتوفى مو راضي عني بس انا بشو غلطت وليه هيك الحياة معي وانا عنجد مستحيل ااذي اي حدا ولا يمكن ازعل حدا بس للاسف لا حاسة بوجود امي وحنانها ولا اخواني ولا خواتي ولا اي حدا مع انه عندي صديقات كتيييير ومعارف كتير ومو فاشله بالحياة بالمره بحاول دايما اكون الافضل في نظري وبحاول ارجع اجتهد ومحافظه على صلاتي الحمد لله .واسفه كتير على طول مشكلتي وشكرا كتير الكم

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

عزيزتي، بالرغم من صغر سنك الا ان تفكيرك سليم وأهنئك عليه. اولا، اعتقد ان والدك راضٍ عنك فأنت مثال للبنت الملتزمه والجادة والواعية، اسعدي والدك بان تبقي على هذا الطريق، انهي شهادتك الجامعية واعملي وكوني مثلا يحتذى به ترفعين اسم والدك عاليا. ثانيا، الحجاب وامور الدين يجب ان تكون عن قناعة تامة، واطلب على صلاتك وتمسكا بقيمك وأخلاقك فهذا من اساسيات الدين والصلاح. ثالثا، تقربي من والدتك وإخوتك، كوني السباقة في ذلك ولا تنتظري ان يقوموا هم بالمبادرة، تقربي منهم وكونوا السند والدعم لبعضكم وستسعدوا. رابعا، يا ابنتي اغلب علاقات الانترنت تقوم على الخديعة وغالبا مايستغل الشباب الفتيات تحت غطاء الحب والزواج، انتبهي لنفسك ولا تتورطي بعلاقات كهذه. اخيرا، لا تيأسي ابدا ولا تحزني، ركزي على نفسك وحياتي واجعلي دراستك هدفك الأساسي في هذه المرحلة.

قبل 4 شهر

ممكن يكون الغلط فيك

قبل 4 شهر

مو من حق اي انسان يفرض عليكي لبس النقاب هذه حرية شخصية وكويس انك تحتفظين بمشاكلك لنفسك ما احد يستحق

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه