السؤال

قبل 3 شهر (6 اجابه)
6 اجابه

اختي لا تكف عن التحدث مع الشباب

السلام عليكم انا عندي مشكله حابه تعطوني رأيكم فيها انا عندي اخت عمرها 17 سنه من فترة تعرفت على شب على الفيس بوك مع العلم امي كانت مانعيتها تفتح الفيس او اي شي تاني كانت تفتحه بالسر وهي ما بتحكي مع شب واحد بتحكي مع عدة شباب بس هاد الشب تطورت علاقتها فيه وصارت تحكي معاه تلفونات اول مرة مسكوها اهلي كان معاها تلفون وبتحكي معه كانت جايبة التلفون من وحدة صاحبتها بالمدرسة اخدو منها التلفون وبعد فترة رحت زيارة عند اهلي بحكم اني متزوجة وكان معي فلوس فقدت منهم مبلغ سألتها حكتلي ما شفت وما بعرف بعدين اكتشفنا انو معاها تلفون وبتحكي مع الشب نفسه اخدو منها التلفون طبعاً بعد مشكلة كبيرة وضربوها اهلي وهددوها يزوجوها هديت فتره واجت عندي زيارة على بيتي واحنا نايمين باليل سمعها زوجي بتحكي تلفون بالغرفة اجى حكالي عملت حالي ما بعرف وسألتها معك تلفون حكتلي لا روحناها على البيت تاني يوم رنت علي امي بتحكيلي اختك معاها تلفون سارقيته من ستي وعرفو انو لستي من الاسماء الموجودة فيه وستي قبل شهر فقدت تلفونها وما بين كاينه ماخذيته ومخبيته وكانت تحكي مع الشب وكله كلام وساخة وكلام مخزي بينها وبينه بهدلوها وامي ضربتها كفين على وجهها وحكى بابا مع الشب حكاله بدك اياها تعال اتجوزها حكاله انا عمري 19 سنه وما عندي بيت ومابقدر اصرف عليها لانه ما بشتغل شو الحل معاها لانه احنا تعبنا منها ومن تصرفاتها صارلها سنتين هاي القصة وكل فترة بلاقو معاها تلفون وكمان الفيس الي بتفتحو من ورانا وبتخبص مع الشباب وحكيت معاها كتير انا واخواني ونبهناها وحكينالها تتنتبه لدراستها بس ما بتسمع منا يا ريت تساعدوني

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

العقاب الشديد والمنع ليس هو الحل بهذا العمر، ومن في عمرها لا يوجد عنده فيسبوك وجميع الفتيات يعملن صداقات على النت. الضغط وألشده في هذا العمر حول اختك إلى سارقه وكاذبه .يجب أن تسمح لها باستعمال النت ولكن بأوقات محدده وكذلك يجب أن يكون عندها تلفون ولكن اتفقوا معها أن تستعمله لمده زمنية محددة. لن تستطيعوا إيقافها حتى لو حبستوها لذلك يجب أن تعطيها حقوقها وتعاملوها كفتاه كبيره وتشعرها بالثقة والمحبه حتى لا تهرب إلى تلك السخافات .النصيحة هي اعطوها الاحترام والثقة والحريه المراقبه حتى تشعر بقيمتها ولا تضطر أن تقوم بأشياء بالخفاء.

قبل 3 شهر

هي بسن المراهقة وبهاد السن بيحبو يبينو حالن و يكتشفو و يحسو انن كبرو و بيحبو انا كنت بنفس مشكلتها تماما كنت متعلقة بشب بشكل مو طبيعي و اقدر اعمل كلشي مشانو مثل ما هي بتاخذ تلفونات اقعدي معا و حكيها برواق و فهميها و قليلها هو ما بيحبك بيضيع وقت وبيتسلا و اذا بدك تتاكدي نعمل تحدي تركيه لشهر و ما تحكيه ابدااا مهما يصير وهي اذا فعلا ما حكاتو رح تبلش تنساه و هيك هي لحالا رح تتركو بس انتي و امك ساعدوها بهل شهر و اعملولها لي بدا ياه ..... لانو هي حاة بفراغ و انو ما حدا بيهتم فيها لهيك بتحي مع شباب مشان تحس بالاهتمام

قبل 3 شهر

ودوها على مركز قران...او جوزوها حتى ما تتمادى ...شكلها مش قادرة تضبط حالها ..مرحلة الجامعة اصعب...الله يهديها

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه