السؤال

قبل 3 شهر (12 اجابه)
12 اجابه

زوجي مدمن على الكمبيوتر

السلام عليكم مشكلتي هي مع زوجي و ادمانه على الكمبيوتر انا متزوجة من سنة و عندي طفلة الان عمرها ثلاث اشهر اشترى زوجي كمبيوتر بمبلغ كبير جدا ٢٠ الف درهم بعد ما ولدت و الحين يقعد عليه ٩ ساعات ف الاجازة و في الايام العادية يرجع من الدوام لين الليل يلعب فيه، يعني ٦ ساعات تقريبا، صار اهتمامه فيني قليل و ما اشوفه الا بالليل يوم يريد ينام او يريدني لقضاء حاجته مني،و يوم اكلمه اقوله اجلس معاي يجلس معاي خمس دقايق على التلفون و يرجع للكمبيوتر، هو دايما يقولي احبج لكن انا ماشوف هذا الحب ينعكس على افعاله، و عاتبته مرتين على الموضوع هذا و يقولي بتغير لكن ما يتغير، لكن يوم يكون معاي يوهمني بحبه لي و يتغزل عالماشي لكن يمشي و يخليني بعد كم كلمه، انا اعرف هو شو يسوي هو يلعب لعبه يعني انا ماشك انه يسوي شي ثاني، يلعب لعبه و يتكلم في قروب شباب جماعي مع اصدقاءه. لانه من زمان يلعبها من اول ماخذاني. الحين انا احس انه بعد عني وايد و صار قليل الاهتمام حتى المحادثات اذا اتصلت عليه ماتطول دقيقه و خلاص. شو الحل خبروني انا محتاره و وحيده و احتاج تجلس معاه من فتره لفتره مع العلم اننا في بيت العايله و انا احلس مع اهله دايما و هذا الي يخليه مايجلس عندي حسباله انه هم يسلون وحدتي.

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يجب عليك ان تتفقي معه على وقت محدد للكمبيوتر عليه ان لا يتخطاه وان تتفقي معه امام اهله وتطالبي حقوقك كزوجه ولا تتنازلي ابدا ،واطلبي من اهله التدخل.

قبل 3 شهر

المشكلة الان منتصف الليل و الناس دوامات باجر اقول له تعال يقول لي بتأخر نامي.. انا طول اليوم ماشوفه و يوم جا وقتي ماعطاني اياه... شو اسوي 😭😭😭 انا جدا حزينة

قبل 3 شهر

قبل كان يلعبها عندي في الغرفه و كنت احب اطالع معاه و اخليه يشرح لي و يرويني بس بعدين اشترى جديد و راح عندي لمكان ثاني مجلس الرجال و صرت ماشوفه. حتى اسلوبه تغير يعني قبل كنت احس انه يحب يجلس معاي بس الحين ملول و كله مشغول باله اذا جلست معاه و كله يفكر، كله اقول في خاطري ياليت انه يعطيني شوي من الاهتمام الي يعطيه لهذا الشي.. و شي ثاني بعد انه صار يحب بنته و يدلعها و يبوسها و يمشي قبل كان يسوي لي انا كل هذا الحين خلاص احسه تغير علي واايد مادري شو اسوي

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه