زوجي مدمن على الكمبيوتر

قضايا اسرية
animate

السلام عليكممشكلتي هي مع زوجي و ادمانه على الكمبيوترانا متزوجة من سنة و عندي طفلة الان عمرها ثلاث اشهراشترى زوجي كمبيوتر بمبلغ كبير جدا ٢٠ الف درهم بعد ما ولدت و الحين يقعد عليه ٩ ساعات ف الاجازة و في الايام العادية يرجع من الدوام لين الليل يلعب فيه، يعني ٦ ساعات تقريبا،صار اهتمامه فيني قليل و ما اشوفه الا بالليل يوم يريد ينام او يريدني لقضاء حاجته مني،و يوم اكلمه اقوله اجلس معاي يجلس معاي خمس دقايق على التلفون و يرجع للكمبيوتر، هو دايما يقولي احبج لكن انا ماشوف هذا الحب ينعكس على افعاله، و عاتبته مرتين على الموضوع هذا و يقولي بتغير لكن ما يتغير، لكن يوم يكون معاي يوهمني بحبه لي و يتغزل عالماشي لكن يمشي و يخليني بعد كم كلمه، انا اعرف هو شو يسوي هو يلعب لعبه يعني انا ماشك انه يسوي شي ثاني، يلعب لعبه و يتكلم في قروب شباب جماعي مع اصدقاءه. لانه من زمان يلعبها من اول ماخذاني.الحين انا احس انه بعد عني وايد و صار قليل الاهتمام حتى المحادثات اذا اتصلت عليه ماتطول دقيقه و خلاص. شو الحل خبروني انا محتاره و وحيده و احتاج تجلس معاه من فتره لفترهمع العلم اننا في بيت العايله و انا احلس مع اهله دايما و هذا الي يخليه مايجلس عندي حسباله انه هم يسلون وحدتي.

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدربة ميساء حموري يجب عليك ان تتفقي معه على وقت محدد للكمبيوتر عليه ان لا يتخطاه وان تتفقي معه امام اهله وتطالبي حقوقك كزوجه ولا تتنازلي ابدا ،واطلبي من اهله التدخل.
  • صورة علم United Arab Emirates
    صورة علم United Arab Emirates
    من مجهول
    المشكلة الان منتصف الليل و الناس دوامات باجر اقول له تعال يقول لي بتأخر نامي.. انا طول اليوم ماشوفه و يوم جا وقتي ماعطاني اياه... شو اسوي
  • animate

  • صورة علم United Arab Emirates
    صورة علم United Arab Emirates
    من مجهول
    قبل كان يلعبها عندي في الغرفه و كنت احب اطالع معاه و اخليه يشرح لي و يرويني بس بعدين اشترى جديد و راح عندي لمكان ثاني مجلس الرجال و صرت ماشوفه. حتى اسلوبه تغير يعني قبل كنت احس انه يحب يجلس معاي بس الحين ملول و كله مشغول باله اذا جلست معاه و كله يفكر، كله اقول في خاطري ياليت انه يعطيني شوي من الاهتمام الي يعطيه لهذا الشي.. و شي ثاني بعد انه صار يحب بنته و يدلعها و يبوسها و يمشي قبل كان يسوي لي انا كل هذا الحين خلاص احسه تغير علي واايد مادري شو اسوي
  • صورة علم Iraq
    صورة علم Iraq
    من مجهول
    يا اختي اكسري الكبيوتر حتى لو كان سعره كبير مهم كان سعره اكيد مايوصل بقيمة زوجك وصحتك وصحة ابنتك
  • صورة علم Iraq
    صورة علم Iraq
    من مجهول
    روحي اكسري الكمبيوتر حتى لو كان سعره كبير ف الكمبيوتر لا يسوه شيء أمام زوجك وصحتك وصحه ابنتك
  • صورة علم
    صورة علم
    من مجهول
    والله مدري وش اقول لك .. بس انتي كلميه وتفاهمي معاه وشوفي وش يقول .. واذا ماتعدل ازعلي منه وروحي عند اهلك يمكن يحس .. ولاتنسين الدعاء يمكن ربي يهديه
  • صورة علم
    صورة علم
    من مجهول
    الله يعينك حبيبتي زوجك مدمن على النت واحمدي ربك انه يخليكي معه في نفس الغرفه وهو على الجهاز..ودام انك عارفه ان شغله كله على منتداه خليكي معه اهتمي بأهتماماته سيري مشرفه معه حاولي تشاركي كل شياحتويه لا تتذمري منه كثير سايسه وبهدوء اطلبي منه وقت يخصصه لكي ..وانتي اذا تعوتي على النت راح تعذري زوجك..
  • صورة علم
    صورة علم
    من مجهول
    اولا تكثري من العتاب لان كثرةالعتاب تنفره منك هذه اول نصيحه ثانية شاركيه اهتمامته
  • صورة علم
    صورة علم
    من مجهول
    زوجك ادمن على شيئ معين ومو من السهل ان يتخلى عن شيء يحبه لذلك شاركيه اهتماماته هي انجح طريقه لتحصلي على قلب زوجك ومزاجه وان يعتبرك بئر اسراره
  • صورة علم
    صورة علم
    من مجهول
    عزيزتي شاركيه ما يحب وكذا تكسبينه لصفك ويحبك ويتقرب منك اكثر يعني قولي له علمني شو تلعب او تعلمي اللعبه الي يلعب وفاجئيه
  • صورة علم
    صورة علم
    من مجهول
    حاولي تجذبينه انكم تطلعون برا البيت لغدا او عزيمه ، او بيني له اهتمامك بالالعاب الي يلعبها اشتري له سماعه او غلاف للابتوب الي اشتراه شيء يبين له اهتمامك لهذا الشيء مع انك مو حابته بالاساس عشان يبدا يحس على دمه شوي و يتحرك و انتقديه بتصرفاته
  • صورة علم
    صورة علم
    من مجهول
    ازعلي منه و بيني لها زعلك من تصرفاتك الي ماتبرر زوج كشكله مهووس بالالعاب الالكترونيه انا نفسه صحيح انه تلهي كثير بس لما يجي احد يملي عليدنيتي استغني عنها ، يعني زوجتي لها حق علي و ما اقصر بحقها

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟