السؤال

قبل 3 شهر (12 اجابه)
12 اجابه

ابي لا يستحق البر

السلام عليكم انا مش عارفة ابدا الكلام ازاى بس انا بنت عمرى 19 سنة اتربيت تربية اكتر من صعبة ابويا كان علطول مصدر هلع و رعب لينا طول عمره كان مسافر يشتغل فى دوله فى الخليج و اول ما بيرجع فى الاجازة كان بيوزع الهدايا اللى اشتراها بكل الفلوس اللى حوشها و بس يبدتى المشاكل و النكد و كل يوم كنت بنام معيطة منه من وانا صغيرة و اهانة لامى و على طول يشوه صورتها قدامنا و كل كلامه معانا على طول لازم يفضل يكلم عليها بصورة مش كويسة و يفضل يحملها اللوم على اى مشكلة تحصل لحد ما خلى اختى الصغيرة متعملهاش حساب ولا تحترمها زى الاول وحتى محملها اللوم على فشله فىالغربة متفهمش ليه و غير كده مقدرش طول السنين اللى سافرها دى انه يحوش فلوس يقدر يحسن بيها مستوانا ولا حتى يفتح بيها مشروع ولا اى حاجة و برده معلق اللوم فى امى على ده المهم دلوقتى انا حاسة بالفراغ اوى او بمعنى تانى حاسة بالجفاف العاطفى نفسى احس انه فيه راجل بيحن عليا و بيحبنى انا عارفة انو امى بتحبنى و ناس كتير بتحبنى بس انا مفتقدة حنان من جهة واحد راجل عمرة ما حضنى الا لما بيعمل مصيبة ولا يجرح فيا او فى امى عشان يبين انه مفيش حاجة وانه دا الموضوع بس للاسف لو حصل حاجة فى البيت او امى جت قاللتو كلمة بياخدها بنية وحشة و يبروح يحكى فى كل البيوت ايوة بيطلع يحكى للجيران و خالاتى بيفضحنا يعنى مع انه هوا اللى الى اخدها بنية وحشة و كل الناس كانت بتقوله كده و يفضل يحكى هنا وهنا زى ما يكون مستنى يدور على حد يجاريه تصوروا ده حتى مرة تهم امى انها على بتحاول تعمل علاقة مع عامل جاى يصلح التلاجة مع ان كل الناس بتحلف بامى و شرفها و بعدين ما هو كان بيسافر ليه مكنتش بتعمل الغلط وهوا مش موجود و اكيد كانت هتنكشف و هيبن عليها يعنى و تهم اختى انها جابت ولد الشقة و مفيش حد فى البيت و تهمنى انى بعرض جسمى وانا عريانة على النت لمجرد انه دخل عليا باليل لقانى بلعب عادى زى اى حد و قفلت الشات لما دخل كان نفسى اوى يكون ليا اخ كبير يعوضنى بحنيته عن اللى شوفته بس الحمد لله وغير كده بخاف من الجواز لا يطلع زى ابويا المشكلة انى خايفة اعمل حاجة فى الحرام او اتعرف على شاب بصورة غير شرعية عشان بس محتاجة حضن وشوية حنية و الله انا كرهته جدا و مبحترموش و اللى حكيته ده مش كل حاجة ما خفى كان اعظم بالله عليكم اب زى ده يستحق البر ده يستحق القتل و الله كم مرة حاولت اقتله مش قادرين نسامحه لا انا ولا امى ولا اختى و امى خايفة تطلب الطلاق لانه لو اتطلقت محدش هيجوزنى لا انا ولا اختى و مستحملة عشان احنا فى مجتمع معاق و خايفة من كل حاجة و مش عارفة اعمل ايه بالله ساعدونى بالله عليكم اسفة جدا على التطويل بس ماليش بعد ربنا غيركوا

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

للاسف يا ابنتي يتقطع قلبي وانا اسمع وجعك وخيبه املك، ولكن ابوك لن يتغير وقد مر الوقت وكبرت انت واختك ومهمتك من الان ان تنقذي نفسك وامك انت واختك من هذا الظلم .اي ان تنتبهي لدراستك جيدا وتبحثي عن عمل وتستقلي ماديا .لا اعرف كيف فكرت ان الحل لمشكلتك هو اللجوءلاحضان رجل يعوضك عن ابوك.هذا معناه ان كل بنت يتيمه عليها اقامه علاقه مع شاب.لا تبداي بالتبربر لنفسك حبيبتي وانتبهي ان تقعي في مشكله اكبر بكثير مما انت فيه .اتمي تعليمك وحافظي على شرفك وتوكلي على الله حتى ييسر لك امرك ولا تقابلي الغلط بالغلط.

قبل 1 شهر

اصبرى مافات الكتير وفاضل القليل اتقى الله وراعى ربك فيه خلصى دراستك وحاولى تشتغلى لكى تستقلوا عنه وربنا يزفك بالزواج الصالح لكى يعوضك عنه اتقى الله وحافزى على نفسك واوعى تقعى فى الغلط والا سوف تندمين كول حياتك

قبل 3 شهر

السلام عليكم ورحمة الله اولا لكي الله ولوالدتك وأختك ثانيا : في حالتك دي ملكيش الا حاجتين اللي هما الاستعانة بالله على الصبر والاحتساب وثانيا تحولي العذاب اللي انتي فيه لحاجة إيجابية طاقة تخليكي تعملي ما في وسعك لتطوير نفسك وتخلصي جامعتك وتستقلي بحياتك خاصة في الأمور المادية اما بخصوص الأمور العاطفية واضح انك الحمد لله خايفة من ربنا ومش عايزة تغلطي تحت اي مبرر حتى لو كان كتعويض عن ما تفقديه من مشاعر عطف وحنان وعشان كدا بقولك استعيني بالصبر والصلاة وأنها لكبيرة الا على الخاشعين ويارب يارب ربنا يرزقك بابن الحلال اللي يقدر يستوعبك ويتحمل ظروفك فقط أحسني الظن بالله

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه