السؤال

قبل 2 شهر (10 اجابه)
10 اجابه

بعد زواج سنة و نصف يرفض اعلان زوجنا

السلام عليكم اتعرفت عليه عن طريق الانترنت من ١٢ سنة كان عمرى ٢٣ سنة هو متجوز وعنده ٣ اولاد واكبر منى ب١٢ سنة حبته جدا الاول كان تعرفنا كلام وبس وبعد كدا اتقابلنا وبقت علاقتنا قوية جدا كلام على النت والتليفون ومقابلات بس اهلى كانوا رافضين ارتباطى براجل متجوز وخصوصا والدى وبعد وفاة والدى اتقدم لوالدتى رغم رفضها بس قدام اصرارى وافقت واتخطبنا فى اثناء الخطوبة حصل بينا كلام فى الجنس لمسات المهم ان الخطوبة مااستمرتش كتير بعد ٧ شهور فسخ الخطوبة وبدون مايقول اى سبب ولا كان فى اى مشكلة بينا بس هو طول فترة الخطوبة كان خايف من معرفة مراته ومتردد طول الوقت فى انه يكمل وده السبب الحقيقى وسبنا بعض فترة خلال الفترة دى اتقدم لى ناس بس ماحصلش نصيب مع اى حد والدتى تعبت وفى الفترة دى ابتدنا نتكلم تانى على النت وعلى التليفون ورجعنا تانى نتقابل توفت والدتى ورجعنا نفكر اننا نتجوز بس طلب منى اننا نتجوز عرفى علشان المعاش بتاعى مايتقطعش رغم انه شغال فى مركز كويس وبياخد مرتب كبير وعلشان كمان مراته ماتعرفش انا وافقت كنت حاسة انى لوحدى ومحتاجة حد يوقف جنبى وكمان سنى ابتدى يكبر فكان نفسى اتجوز واخلف قبل ما فرصتى تضيع فى الخلفة اتجوزنا فعلا وعمل ورقة جوازنا من نسخة واحدة وخلها معه وقالى انا هعامل ربنا فيكى وعلشان بحبه ووثقه فيه وافقت وفضلنا بعد الجواز لمده ٩شهور جوازنا على ورقة بس مافيش بينا اى علاقة نفس المشكلة التردد والخوف طول الوقت بتحايل عليه انه يجيلى وانى مراته وليا حقوق عنده اخيرا جالى وبقى فى بينا علاقة بس فضلت بنت ماكنش عايز يدخل بحجة انى خايفة وخلينا كدا عقبال مانتعود على بعض فضلنا على للحال ده ٥ شهور كان بيجيلى كل شهر مرة لحد ما اصرت انه يدخل وفعلا حصل وبقت مدام ومن وقتها مابقاش بيجى سيبنى متعلقة بقالى ٤ شهور وحججه مابتخلصش مرة تعبان مرة مش عارف ياخد اجازة من الشغل وساعات يقولى اصل مافيش قبول بينا انا مش عايزك رغم انى حلوة ومتعلمة(جامعية) ومهتمة بنفسى وكمان عايز يمنعنى اخلف بيقولى انه كبر ومش قد مسئولية عيال دلوقتى (هو حاليا عنده ٤٧ وانا ٣٥ )مش عارفة اتكلم او اتفاهم معه مابيردش على التليفون وبيفصل النت ومش بيجى لى رغم انى بطلب منه وبكون محتاجة عمرى ماحسيت انه مهتم بيا او بيخاف عليا او انى مسئولة منه ولا بيصرف عليا كل كام مرة لما بيجى بيدينى مبلغ صغير انا الحمد لله مش محتاجة وعايشة كويس جدا عندى شقتى وعربيتى بس محتاجة احس زى اى زوجة جوزها متكفل بيها وبطلباتها من يوم ماتجوزته لحد النهاردة بقالى سنة ونص جالى فيهم ٦ مرات كل مرة يقعد معايا ساعتين تلاته ويمشى هو عاوز يرمينى ويجى لى وقت مايفضى ساعتين تلاته ومافيش بينا عيال ولا حاجة تربطه بيا لما تعبت وفاض بيا ومش عارفة اوصل لحل معه قولت له يطلقنى بس نتجوز الاول رسمى وبعد شهر ولا اتنين يطلقنى لان ماحدش يعرف انى متجوزة كل اللى حوليا فاهمين انى بنت طبعا خايف من الجواز الرسمى لمراته تعرف حياتى بقت جحيم لانا متجوزة ولا مطلقة ولا فضلت بنت زى ماكنت ومش عارفة اعمل ايه انا اسفة للاطالة حاولت اختصر على قد ماقدر ساعدونى

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

با صراحه مش عارفه الومك ولا انصحك ،انت بالتاكيد لست غبيه ولكن كنت بحاجه لشخص بجانبك .ولماذا يجب ان يكون متزوجا الا تخافون من دمار البيوت ! في كل مره يحزنني كيف ان الفتيات تمر عليها لعبه الرجل المتزوج وحبه للتسليه فلو كان خيرا لكان خيرا لعاءلته . عليه ان يتزوجك اضغطي عليه وعديه بانك لن تخبري احدا فقط يكتب كتابه في المحكمه ويذهب ثم يطلقك بعد فتره قصيره.

قبل 2 شهر

لانك لم تتق الله في البدايه , كان لابد ان تدفعي حيرتك معه ومع الحياه ثمنا لاستهبالك وعدم تربيتك

قبل 2 شهر

طبعا حبيبتي اللي بيحصل معك هو نتيجة طبيعية لموافقتك على الزواج السري فدائما في الزواج السري فإن المستفيد الأول والأخير هو الرجل لأن جميع الظروف تقف في صفه فأنت أخطأت منذ البداية في موافقتك على هذا الزواج انصحك بالذهاب الى المحكمة والشكوى عليه رسميا لغايات طلب الطلاق او ان تذهبي لزوجته فتخبريها بذلك مباشرة لعلك تستطيعين الحصول على بعض حقوقك وفي جميع الحالات اطلبي الطلاق وبالنسبة للعلاقة الحميمية انتي محرومة كثيرا وبحاجة لحضن لظيتني قريب منك واعيشك احلى عيشه واعوضلك كل ايام حرمانك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه