السؤال

قبل 2 شهر (37 اجابه)
37 اجابه

امه اقنعته ان يقطع العلاج عن ابني المعاق

امه اقنعته ان يقطع العلاج عن ابني المعاق

السلام عليكم ورحمه الله وبركاته ارجو منكم المساعده لاني لم أعد اقدر علي التفكير أريد منكم التوجيه والنصح انا انسانه تزوجت بعد التخرج من الجامعه والحمد لله حملت من أول يوم زواج وكنت سعيده جدا ولم أكن أعرف مايخبئ ليا القدر ولكن أحمد الله كثيرا فقد أعطاني نعمه وهي ابني مثل الملاك كأنه قطعه من الجنه فقد ولد معاق حركيا وسمعيا ولم تكن مصيبتي في ابني ولكن كانت في زوجي فمنذ ولادة ابني وأهل زوجي أقنعوه اني انا السبب في ولادة ابني معاق مع العلم أن حمله كان ميسر ولايوجد مشاكل والولاده كانت قيصريه وكان نازل كويس جدا ومع العلم أني علمت بعد ذلك أنهم عندهم مرض وراثي كان جد زوجي عنده حاله صرع وكل بيت في عائلتهم يوجد طفل أو رجل مصاب بمشاكل عصبية أو ذهنيه بما فيهم بعد ذلك عمت ابني لديها طفل مريض وتتفاوت حده ونوع الأمراض ولكنها كلها خلل بالمخ ومع ذلك لم الفظ بأي لفظ يجرحه ولكن كنت أقول له دائما الحمد لله دا هيبقى سبب في دخولنا الجنه ولكنه كان دائما غير راضي وكان يعمل في مجال السياحة يسافر شهر ويرجع لنا أسبوع وكنت منذ أن اكتشفت مرض ابني بعد أن بلغ ست شهور ولم يجلس ولم يسمع وانا باجري بيه من دكتور لاخر وكنت لا أعرف طعم النوم فكان قبل أن يشخص حالته لأينام مع البكاء المستمر وبعد أن خضع للعلاج أصبح ينام أفضل وأكدوا الدكاترة انه لابد من إجراء جلسات علاج طبيعي مستمره والتحسن بيدي الله فحتى لو لم يريد الله له بالحركه فالجلسات بتساعده علي مرونة جسمه وعدم مرضه المستمر وزيادة المناعة وبتساعدني اني اقدر أكله والبسه وجسمه مايتيبسش ويتألم ومع ذلك وأنا في وسط كل ذلك بعد مرور أقل من سنتين قررت أحمل تاني ودعيت ربنا يرزقنا بطفل معافي علشان زوجي يحس أن في طفل بيتحرك ويتكلم ويقول بابايمكن يحس انه بقي أب ووافق علي الفكره لسبب واحد لأنه كان هيسافر يشتغل في دوله عربيه وكان عاوزني انشغل بالحمل ومن بعدها بالولدين ومااقولوش خدنا معاك أو حتي زياره والحمد لله ربنا رزقنا بطفل معافي ولكن لم يؤثر في أي حاجه فهو من طبعه الأنانية وعدم تحمل المسؤلية فكنت انا مطحونه بالأولاد وهو بيسافر سنه أو سنه ونصف ويرجع لنا شهر مقسم علينا احنا وأهله وأصحابه واحنا دايما نصيبا الأقل وبعد مرور أكثر من ست سنين علي ذلك وكل شويه يوعدنا أنه هيخدنا معاه زياره أو أقامه وطبعا كله كلام وأهله يقولوله ماتخدهمش هتصرف البتجيبه مع العلم أن مرتبه كان كبير وكان كله بيجيبه علي أمه حتي لما بيرجع بيحط كل حاجته عندها ولو عوزنا حاجه بيجبلنا من عندها وانا مكنتش بقدر أكلم علشان بصرف علي ولادة وعلاج الولد وكانوا دايما يقولوا له كفايه علاج للولد ملوش لازمه شويه و.......... وطبعا الكلمه القلوها كان وقعها صعب جدا عليا وبعد وفاه والدي طلبت منه أن الفلوس الطلعت لي من بابا علي المعاك اعمل بيهم أي مشروع وخليك جنبناومارضيش وقالي اصرفيهم في البيت وعلي الأولاد وكمان كان بيطلب مني الحاجات العاوزها تتعمل في الشقة وانا بهبلتي كنت بعملها بفلوسي وعلشان خاطره وبعد كدا هو وأهله قالوا عليا دي خوربيه مع اني كنت من مصروف البيت باعالج ابني واكلي وشوربي وحتي اللبس كان أهلي متكلفين بيه ليا ولاولادي وبعد الست سنين سفر وفي يوم كنت بأبكي وقلتله حرام عليك انا كدا مش متجوزه عايشه بس في دوامة الأولاد والسعي لعلاج الولد من جلسات ودكاتره وكان قليل الاتصال بنا فقال ادعي ربنا لو صادقه بجد انا هاروح اجدد الاقامه وسبحان الله بعد يوم اتصل بيا وقال انا نازل لأنهم عملولي نزول ست شهورونزل قعد معانا شهرين ودي كانت اكتر مره قعد فيها معاناوطبعا بعدها رجع شغله في السياحه لحد المده متخلص علشان يرجع علي حاجه احسن و وفي الوقت دا قرب اكتر لأهله واقنعوه علي وقف العلاج للولد ونجحوا طبعا انهم يقلبوه علينا لدرجه انه مكنش بيتقبلنا ولأانا ولا ولادة مع العلم اني انسانه الحمد لله محترمة وبنت ناس محترمين وعلي قدر من الجمال لكن هما أهم حاجه عندهم الفلوس وازاي يجمعوا فلوس ولما حاولوا يجبرونى بعدم علاج ابني تركت البيت ودي كانت بالنسبه لهم فرحه العمر فبعد ست شهور لم يسألوا عني ولا عن الأولاد زهبوا لقريبي لكي يطلقوني وعندما سمعت بذلك وانا لم أكن أريد الطلاق لعدم تفكك الاسره ولأنه سيظل أبوهم حتي ولو سئ فأنا تحملت الكثير من أجل أولادي ولذلك أخذت أولادي ورجعت شقتي إلهي في نفس بيت أهل زوجي وكانت أصعب فتره عشتها في حياتي من ذل وإهانة من الكل وكان يرجع إجازته ولا يسال عناينام بجوار أمه وعاش معاها ولا يسأل حتي علي أولاده ومع ذلك ونزلت وبوست ايد أمه وراسها يمكن تبعد عنا ولكن عاملتني بقسوة واستعلاء والله عمري ماغلطت فيهم وكنت باساعدهافي كل حاجه واتمنا لهم الرضا ومع ذلك كانوا غليظن وفي الفتره دي كانوا يدبرون انا يرجع يسافر ويتركني لأهله يبهدلوني وقبل ذلك بيوم فقد اجلسته أحد أقربائه معي وقلت له كل مانريده أن نعيش معك في مكان واحد حتي لو هناكل طوب وظلت من الأرض وتبقي متحمل مسؤليه أولادك وتري حالة الولد قدامك وايه الأصلح ويبقي قرارك انت ورد وقالي انا هافضل كدا في السياحه وأخبطي رأسك في الحيط وهو حاجز ومظبط كل حاجه ومسافر تاني يوم لنفس الدوله الكان فيها قبل كدا بس علي شغل أفضل ومرتب أعلي بكتير وطبعا عرفت من الناس أنه سافر وبعدها أمه خلتنا مش في الشقة وغيرت الكوالين وطردتني انا والاولاد وتقول للناس تقعد عند أهلها أو تيجي تترزع هي والأولاد وتاخد 700 جنيه وملهاش دعوه بأني تعتبره مش جوزها دا يرضي ربنا ليه أن شاء الله بس الحمد لله رفعت عليهم نفقة وأخدت الحمد لله نفقة للأولاد لاني بعد سنه طلعلي انا كمان نفقه بس طبعا امه قالت له طلقها فبعت توكيل لبباه وطلقني غيابي بباه بينفذ كلام الست ولما جه يدافع عني كان ناقص تضربه فالتزم الصمت وأخدت الشقة بحكم المحكمه لاني حاضنة دا حتي يوم استلام الشقة الشارع كله كان فرحان وبيوزعوا حاجه ساقعه الحمد لله عمري ماازيت حد وربنا محبب فيا الناس إلا دول فهم لايحبون إلا الفلوس والمصلحة فقط فهم حاليا يسعوا جاهدين بارسال الناس لي لكي أتنازل عن الشقة مقابل أجر عاوزين يخدوها علشان يجوز فيها ويعيش حياته كأنه لم يحدث شئ وولادة يرموهم في الشارع صحيح انا مش قاعده فيها دلوقتي علشان هي في بيتهم بس دا حق ولادي لو ابني كبر هاجيب له منين شقه وبعدين انا قاعده عند أهلي وبيت أهلي هيبقى للورثه احنا بنات بس انا بجد تعبت وتعبت من التفكير أرجوكوا انصحوني اعمل ايه ومن الناحيه القانونيه ايه الأفضل أسفه علي الاطاله

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

سيدتي أنت مثل للاْم الرؤوم، ومسيرتك الكفاحية للدفاع عن الأبناء يحترم ويقدر، وأنت تسيرين بخطى واثقة، وشخصيتك قوية، إلا أن حظك في زوجك متعثر لاْسباب كثيرة، أولها أنه كان من الأولى أن تتأنى لتعرفيه أكثر قبل الزواج. لكن ما حصل قد حصل وهذا حال الدنيا مع الكثيرين الذين يشبهونك في معاناتك. من الناحية التي سألتي عنها، القانونية، فمن المفضل أن تبقى على تواصل مع محامي محترم، ليدلك على الطرق الصحيحة لحمايتك وحماية أولادك. فحولك من الذئاب الكثير، وشجاعتك حمتك منهم، إلا أن وجود محامي تستشيره بكل صغيرة وكبيرة شيء مهم للغاية. بالتوفيق سيدتي في مساعيك الجميلة لحماية عائلتك ونيل حقوقهم وحمايتها. شكرا

حسبي الله ونعم الوكيل على هذه القلوب القاسيه التي حولك سيدتي ،اعانك الله واعطاك القوه والصحه لمقاومه هؤلاء الاشرار ورعايه اولادك رعاهم الله وحماهم .لا اعلم سيدتي اذا مان من الحكمه ان تحتفظي بالبيت بجانبهم او ان تبيعيهم اياه وتاخذي المال وتبتعدي عنهم ،لا يهمك ما يقولون او ما يفعلون لا تهتمي لافعالهم او تهديداتهم كوني قويه وركزي على ما هو افضل لكم ،من الناحيه القانونيه انصحك بان تستشيري محاميا شرعيا في بلدك يعرف قوانين الطلاق والحضانه والنفقه وحقوق الاولاد ،استشيري اكثر من محامي حتى تحصلي على الاجابه الوافيه وتحركي بسرعه ، والله الموفق

1 شهر

الله المنتقم الجبار يجيبلك حقك وحق ولادك وده اصلا إنسان مايتبكيش عليه لان الأصناف دي كتير وربنا انشالله يعوضك خير انتي واولادك


قبل 1 شهر

قولي اللهم انهم أضهروا قوتهم علي ونسوا قوتك اللهم أرني فيهم عجائب قدرتك تابعي مع محامي خلي رجليكي دايما ع الشقه ولاتتركيها لهم

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه