السؤال

قبل 1 شهر (11 اجابه)
11 اجابه

زوجي عقليته قديمة ولا يحب التغيير

زوجي عقليته قديمة ولا يحب التغير مرحبا،،متزوجه من سنتين عندي ولد أكره زوجي ولا أستطيع البوح له بذلك انسان متخلف البارح أقوله وش رأيك نروح لدبي يقولي أعوذ بالله ديرة المفاسيخ جيبي لي كاس لبن وخلينا ننام بس،،،لمن نروح عند أهله أخواتها عطول يقفلون التلفزيون ويقولون جا جا لأنه مايحب الديش يقط كلام ويجلسون مستثقلين جلستنا طيب انا شذنبي؟! وفي العيد اخوانه كاشخين ويعيدون على الناس وهو جالس في صالة أهله يلعب البزران لين يدوخ وينام، ،فشلني فشلني،،جواله الكشاف ومايدق عليه إلا امه،،حتى نوعية اكله قديمه معصوب وعريكه ومرقوق واذا مره اطور أكل بيض مسلوق،،اشتريت له روب رماه وقال شايفتني خواجه عندك !!طول يومه لابس جلابية نوم،، مليييت منه مايحب يتغير ويكره التطور ،،ريحته خايسه ويرفض العطر بحجة انه يجيب له حساسيه ويدهن جسمه بالفكس وينام... مقدر اتطلق بسبب الظروف ايش الحل برايكم؟؟

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

عليك بادخال التغيير لحياته تدريجيا وبمحبه وبدون انفعال وغضب ومقارنه مع الناس .اي لا تقولي له فلان مرتب وفلان اجتماعي وانت لا ،امدحيه بصفاته اي انك تجدينه من الرجال الوسيمين وتتمنين ان يستحم اكثر او انك تحبين ان تشاهديه يلبس ملابس مختلفه وتتوقعين لةان يظهر انيقا .لا تساليه ماذا يحب ان ياكل بل فاجئيه باضافه اشياء بسيطه في كل وجبه وهكذا زوجك بحاجه لصبر وخطوات بسيطه للتغيير وبحاجه للمسايره والدبلوماسيه.

قبل 1 شهر

كله كوووم ويدهن الفيكس كوم تاااني خالص الله يكون في عونك

قبل 1 شهر

ههههههههههه الله يهديك انتي !!! المفروض تفرحي لان زوجك ليس إمعة ، في الواقع انتي لا تكرهينه انتي تغارين من الاخريين . مثلا لما تشوفي اخوانه لابسين كشخه و هوا عادي تحسين انه فشلك زي ما تقولي . انت طلبتي منه هل ممكن نروح دبي هوا رفض و من حقوا ذلك فليس من حقوقك السفر و التجوال متى شئتي !!! و صحيح دبي فيها السياح الكساة العراة . بالنسبة لجواله ليش يشتري جوال ب 3000 ريال و هوا ما رح يستعمل مميزات اللي فيه هذا تبذير والله !!!! الأكل هذا شيء حر فيه مذام ما عم ياكل خنزير او جيفة و لا يطبخ بالخمر هو حر ياكل اللي يبيه ، هو ترعرع على الأكل القديم ما تتوقعيه فجاة راح ياكل سوشي !!! شترتيلوا روب :/ ليش شايف الرجال عريان ايضا موضوع اللبس حرية شخصية مادام مستور ... اما بالنسبة للريحة إذا كانت خايسة بمعنى انه يضرك و ما تقدري تقربين له من الريحة (مثلا ريحة عرق قوية قارصة) فمن حقك ان تطالبيه بالاستحمام و التنظيف اما إذا كان الريحة ما تعجبك فقط فهوا حر ايضا !!! في الواقع انا لاحظة انك تحاولي تسيطري عليه هو ليس دمية متى تبي تسافري تاخديه معاك و تاكليه اللي تريدين و تلبسينه اللي تريدين و تتحكمي في تصرفاتوا كمان !!! شفتي كيف ظلمتي زوجك ؟ انت ما عندك عذر شرعي عشان تطلقيه لما يجوعك و يخليك عارية او ينقصلك من حقوقك فهنا لك حق الطلاق ...

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه