حماتي تدعي على جنيني ودفعت زوجي للخيانة وطلاقي

انا تزوجت من3 سنين من شخص حبيته وحبني كنا متفاهمين على كل اشي ليوم خلتنا حماتي نرحل جنبها بنفس البنايه وصارت تتحكم في يوم الغبره بالبيت يوم ليه لهلا نايمه يوم ليه حاطه اغراضك بخزانه جوزك او ليه تشتري هيك وبتدورلي عالمشاكل من تحت الارض على مستوى صوره احطها عالواتس بتعملي مشاكل وليه تعملي هيك وليه هيك تلبسي وجوزك مو ماين عليكي يحجبك لحتى تحجبت وعلى طول اي كلمه عندها روحي عند بيت اهلك واتطلئي زرعت الطلاق برأس جوزي ومره طلئني زوجي بسببها برمضان لانه ما طلعت عندها قبل الاذان اساعدها رغم اني كنت عروس جديده يعني الوحده بتحب تطلع عند حماتها تكون مزبطه حالها وانا كنت بدي اصلي واتمكيج واطلع وصارت تعملي مشاكل عالطالعه والنازله وجوزي الله يسامحه بسمع كل اشي من امه وشو ما يصير عنا بالبيت بالحرف بكون عند امه ليوم اد ما بتعبي ابنها علي صار جوزي يخوني ويحكي مع بنات وكل مره كنت امسكه واحكيلها تحكيلي كزابه ليوم حطيتلو تسجيل وسمعتها وعلى اساس انها وئفت معي وبهدلة ابنها وانا صارت حياتي جحيم على مستوى حماتي كل مره بتدعي علي اسئط البيبي الي ببطني رغم انه انا عملته زراعه وتغلبت وتكلفت كتير ويا ريت ساعدونا كل اشي من اهلي وشوي من جوزي واهلي ما بئصرو معي ومع جوزي بالمره من هدايا لاغراض حتى جهاز البيبي بالكامل جابولي اياه اهلي حتى المطبئيات والتزين وكل اشي وغير انه جوزي بس يتدايئ بتدين من اهلي بينما اهله دايما ما شفنا خيرك واعطيني مصاري واعطي اخوانك وساعد ابوك رغم انه وضعهم المالي احسن مني ومن جوزي وانا وجوزي احيانا كهرباء ومي ما معنا ندفع بعد كل هاد الاشي وبعد خيانه جوزي اتفئت معه على اساس نرحل ونسكن في بيت بعيد عن اهله واهلي عشان احس باستقلاليه وما يضل جوزي يحكي لاهله كل اشي ويعتمد جوزي على نفسه ويصير يروح معي عالدكاتره او نشتري اغراض للبيت اكل وهيك اشياء يطلع معي او لو يطلعني لو مره وحده على اي مطعم الي متزوجه 3 سنين طلعت فيهم 6 مرات وغير انه جوزي ما بجيب الفواكهه عالبيت وبعد الف ترجايه بعطيني مصاري اشتري شامبو ومحارم واغراض للبيت ويا ريت المصاري بتكفي ورغم كل هاد انا ساكته ومتحمله وجوزي ازا صارت مشكله اي اشي على مستوى بكيت محارم بتوصل للطلاق خصوصا ازا اهله اتدخلو لهيك حكو معه اهلي وحكالهم ووعدني ووعد اهلي انه رح يرحل شهر 10 وبناءا على هيك صرت ادور على بيت للايجار يكون بنفس حجم البيت الي ساكنين في واجارو يكون ارخص وفعلا لقيت وبس لقيت حكيت لجوزي 1000 ترجايه لحتى رح شاف البيت معي طبعا البيت احلى وارقى من بيتي واجار ارخص لاكن جوزي حكا لامه وصارت امه تدعي علي انه ما اشوف الخلفه وما احمل بعد هاد البيبي وصارت تحكيلي ازا رحلتي لا تفرجيني وجهك لا انتي ولا البيبي طبعا انا زعلت وكتير انخنئت وبكيت ولا حد حاس في جوزي الي على اي اشي بضربني حتى وانا حامل وبدعي علي اسئط البيبي وبحلف علي يمين طلاق على كل اشي وحلف يمين طلاق انه ما يرحل خربت علي وكرهت جوزي في وعملتلي مشاكل وبتدعي علي واخر بتحكيلي انا شو عاملك وغير انه ازا تمشكلت مع جوزي بتطردني مع اني ما دخلني بمشاكلهم