زوجي هو ست البيت مش أنا

قضايا اسرية
animate

انا قصتى غريبة شوية، انا عندى٢٦سنة تزوجت من شهر ، جوزى تاعبنى جدا بتصرفاته الغريبة بيزعقلى لو لقى فتفوتة فى الارض بعد ما انضف البيت، وبيفتش ورايا علشان يتاكد انى نضفت كويس وينتقدنى انى مش بعرف انضف كويس وساعات يمسك القماشة ويلمع ورايا مع انى والله ببقى ملمعة الطربيزة مثلا كويس جدا ومافيهاش حاجة بس لازم يعملها ورايا ويتريق عليا انى مش بعرف اعمل حاجة، علطول يدخل من باب الشقة على المطبخ يتاكد ان البوتاجاز مغسول كويس والارض ممسوحة تمام ويعلق لو لقى نص غلطة. بيخاف اوى على حاجة البيت بتاعتنا بس انا عارفة ان دى حاجة كويسة ما انا كمان اكيد بخاف على حاجة بيتى من عفشى والانتيكات وكل حاجة بس هو زايد اوى لدرجة انو ممكن يكتئب لو فى فازة مثلا وقعت اتكسرت فى الارض ويبقى قاعد متضايق لحد ما نشترى حاجة تعوض مكانها بس مشكلته انه بيكبر الموضوع اوى لو انا مثلا اللى كسرت الفازة ممكن يهزئنى ويشتمنى ويخاصمنى لمدة طويلة، فبالتالى انا بقيت حاسة انى مش قاعدة فى بيتى براحتى حاسة انى ضيفة فيه خايفة اكسر حاجة بدون قصد او ابوظ حاجة من غير قصد فيبهدلنى ،فبقيت خايفة على الحاجة علشانه اكتر من علشانى انا. ده كله عاملى توتر مخلينى مش عارفة اخد راحتى فى بيتى ،انا حاسة ان جوزى هو ست البيت مش انا لانه هو فوق كل ده هو لاغى شخصيتى فى كل حاجة هو اللى يؤمر وينهى حتى فى حاجة الستات، بيدخل المطبخ ويغير نظام ترتيبى للحاجات اللى على الرخام او فى الدرف ،ساعات افضل ادور على الحاجات مش لاقياها اتاريه مغير مكانها، اقوله المطبخ ده بتاع الست بتحب ترتبه بالطريقة اللى تريحها فى الطبخ ،يقولى مش عاجبنى غير كدة ، حتى انتيكات الطرابيزات اللى فى الريسبشن يرتبها على كيفه وانا ماليش حق اغير على ذوقى الترتيب، تصوروا حتى النيش بتاع السفرة قبل يوم الفرح لما فرشنا الشقة انا وماما زى كل الناس وحطينا فيه الكاسات والكوبايات وذوقناه بمنتهى الشياكة بطريقة كدة حلوة كنت جا يباها من النت ،المهم راح بعدها الشقة بعد ما فرشنا واخد مامته واخته معاه وفضوا النيش كله ورتبوه بطريقتهم اللى مافيهاش ذوق ،حطولىحطولىلاطقم الاحلى و الاغلى من تحت مش باينة ، والحاجات العادية من فوق فى الوش،الوشد ماروح البيت بهدلنى فى التليفون وقالى ينفع ياناس يا نضيفةالاقى ذبابة وقعة فى كاس موجود فى النيش ،هى دى النظافة.انا تعبت معاااه حياتى جحيم. نفسى اخد راحتى فى بيتى.

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدربة ميساء حموري قصتك ليست غريبه صديقتي لان زوجك يعاني من الوسواس وهذا الموضوع من الصعب جدا السيطره عليه الا اذا هو كان تعبا واراد التغيير ،وانتظري في المستقبل تدخله بنظافه الاولاد وترتيبهم واي شيء يمكن ان تتخيليه .ولكن السؤال عزيزتي الم تمري بفتره خطوبه ؟ لا اعلم ماذا تعتبرون فتره الخطوبه وما فائدتها ؟عليك ان تقرري لانك ستبقين هكذا معه وهو لن يتغير .
  • صورة علم Saudi Arabia
    صورة علم Saudi Arabia
    من مجهول
    اللي مش عاجبه سيبيه يعمله بنفسه وطنشي كلامه يمكن يمل والا اقنعيه يتعالج ..
  • animate

  • صورة علم Egypt
    صورة علم Egypt
    من مجهول
    خديه على قد عقله ومتخربيش بيتك هو ارحم من ناس كتير على الا قل مش فوضوى ومهمل ومستهتر وحاجات متير لاتعد ولا تحصى موجوده فى ناس كتير
  • صورة علم Egypt
    صورة علم Egypt
    من مجهول
    انا لو منك هقوله اعمل انت كل حاجة فى البيت ياتسيبه فى حاله ومتتدخلش دى مش عيشة وموضوع تفضلى مرعوبة طول الوقت انك تتهانى ورشحيله يروح لدكتور نفسى
  • صورة علم Egypt
    صورة علم Egypt
    من مجهول
    بصي هو درجه من درجات وسواس النظافة راضية و خلاص امرك للله
  • صورة علم Kuwait
    صورة علم Kuwait
    من مجهول
    بس تعليق لمدربين الصفحه دايما تسالوا المتزوجات ايه لزمة فترة الخطوبه على فكره اكتر راجل كداب فى فترة الخطوبه الراجل المصرى بيكون عارف عيوبه وبيداريها ع الاخر يعنى البخيل مثلا بيدخل على خطيبته بحاجات وممكن تكون غاليه عشان عايز الجوازه تتم والعصبي بيكون هادى جدا وعلى كدا قيس كل الصفات اللى بتلاقيها بعد الجواز
  • صورة علم Saudi Arabia
    صورة علم Saudi Arabia
    من مجهول
    حااااسه فيكي جدااا لان زوجي نفس زوجك وهذا على فكرة مرض الوسواس القهري الوضع كان يضايقني وينرفزني جدااا فصرت كل ماعلق على تنظيفي وانا عارفه انه منظفه مزبوط اقوله انت مريض وموسوس روح تعالج الله يخليكي لانه وضعك صار مزعج ويضايق ومن كثر مااقوله كذا الحمدلله قلل انتقادات وتعليقات بس يشيلها في نفسه احس من نظراته انه مو عاجبه دا التنظيف او مو عاجبه ذوقي في شي معين بس طبعا انا صرت اطنش مالي شغل باللي يحس فيه طالما انا مسويه اللي عليا مشكلته مو مشكلتي
  • صورة علم Saudi Arabia
    صورة علم Saudi Arabia
    من مجهول
    قوليلو يا ترضى باللي اعملو يا تعملو كلو انتووضحيلو انك منزعجه و انك تبغي حل وتفاهمو
  • صورة علم
    صورة علم
    من مجهول
    امي لديها هوس بالنظافة مثل زوجك و هذا سبب لنا مشاكل نفسية فى البيت حاولنا معها كتير وعلى الفاضى فشلنا انا حاسس بمعاناتك بس هذا مرض صعب جدا يتخلص الانسان منو
  • صورة علم
    صورة علم
    من مجهول
    ساعديه قدر الامكان ان يدخل مصحة نفسية لانك في غنى عن العيش مع شخص مهووس وتصرفاته غير طبيعية
  • صورة علم
    صورة علم
    من مجهول
    كان الله بعونك على هذا الزوج ولكنى مرة قرات لمن هو فى مثل حالة زوجك فهو مرضى نفسى اعتقد بيسموه الوسواس القهرى من النظافة فهو بحاجة الى العلاج

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟